دام انه وقت الفراغ مو زين فقلت لازم امارس هوايتي و اكتب بالبلوق << تصورو صار هوايتي هالبلوق ;D
خل اقولكم اليوم سالفة الي كانت تلاحقني بالكلية سنتين ;p
بداية هالقصة كانت سنة بصيف 2006 .. بالكورس الصيفي
كنت ماخذ كورس صيفي ,, المهم انه الكورس كان فيه صبيان و بنات << كلنا مستجدين ;p
المهم كان في وحده بالكلاس كنت عسى ما أرفع راسي ألقاها تخزني !!
أقعد بالكلاس اسمعها تسولف مع رفيجاتها بصوت عالي مع العلم انه رفيجتها تقولها وطي حسج الصبي قاعد هني عيب
و لما امشي بالحديقة بعد الكلاس اشوفها تخزني هم و لما امر صوب مظلتهم تتبوسملي بشكل ... مريب ;D
ما اقص عليكم كنت اخاف ;p
و مرة بالغلط رن تلفونها بالكلاس ولا شنو النغمة
" ودي أشرحلك عن الي بي و أقول "
يا جمااعة خلتني مرة اشك بعمري رديت البيت و كنت يومها لابس جينز و فنيلة GAP
^^ اخخخخخخخ راحت ايامج يا الغاب :(
المهم خلتني اوقف جدام المنظرة ... اشوف نفسي من هالصوب .. من الصوب الثاني .. من فوق .. من تحت
I can't see any hot spots ;D
قلت يمكن " كلامي " بالكلاس جذبها لاني كنت صاحب أطروحات جريئة بالكلاس بس من وراها حرمت أطرح أطروحاتي ;p
و بيوم الفاينل كنت مادري جان الفاينل بالكلاس ولا بمكان ثاني
جان منو اشوف بويهي اول ما دشيت الكلية
اهي !!
قلت يمعود خل اونسها و اسالها عبالها صج ;p
المهم انا سألتها قلتلها بكل أدب " لو سمحتي اختي الفاينل بالكلاس ولا بمكان ثاني "
جان تقولي " لا لا الفاينل بالكلاس و كاني الحين يايتكم !! "
انا هني صرت جني ماروكو ... منو سألج اذا بتيين ولا لأ ;D
المهم و انا ناطر عند الكلاس جان تشرف الاخت و طول ما اهي واقفة متنحة علي قاعده تخزني !!
طبعاً بالكلاس صارلي فلم ماااا صااااااااار من اخراج الدكتورة ;/
المهم خلص هالصيفي و افتكينا
بالسنة الي وراها صارت كل ما أمر من صوبها تخز خز مو صج و تتبوسم حتى و انا ماشي .. سواء بروحي ولا مع ربعي !!
لا أخفي عليكم مرات كنت ابادلها الابتسامة .. مو علشان شي بس قلت يمكن تفكني و تروح بحال سبيلها
ليما مرة ابتسمت لها و من وراها قمت دشيت السكوير مع ربعي .. و انا ماشي لمحتها داخل كلاس مع وحده " نينجا " ما اشوف الا هذي الي تأشر علي
انا ويهي انصفق هني قلت لا بالله رحت من جيس أهلك يا بوحسين ;D
و من وراها ما حطيت عيني بعينها لي آخر السنة
اي نسيت اقولكم شي
اهي متينة و عاادية حيل يعني انا اطلع مو بس مهند اطلع جدامها لميس ابو شعر بكبرها ;p
المهم بأوائل هالسنة
اول يوم بالكلية شفتها
ولا صايرة عوووود ;p
بس ستل جيكرة ;p
بس شنو الي صار
قمت أمر من عندها ترفع راسها ... انا حتى مو مسوي شي بس جنها تقولي بلغة الايماء << مو صج المصطلحات
You don't impress me much ;D << مع كامل الإحترام و التقدير ل شنايا تواين ;p
و قامت تشوفني بطرف عينها و حالتها حالة مصدقة اني بيوم من الأيام اعجبت فيها ;p
و لا يمكن قاعده تحرني تقولي شوف انا ضعفت و الشباب كلهم يبوني و انت خلك جنك بو خماس ;p
عاد مسكينة صج والله كانت تكسر خاطري حالتها صعبة
و بس هذي كل السالفة ... مادري ليش كل ما اتذكرها اضحك ضحك مو طبيعي و كله أسأل نفسي
شتبي هذي ؟؟ ;D
إهدائي لكم اليوم بيتلزي
Beatles - Hey Jude
seeeee yaaaaa ;*
32 comments:
السر ترا بالاطروحات
لوووول بدعت بالابنيه
حرام معجبه ليش تكسر فيها
وبعدين على فكره انت وايد تكسر بنفسك
مو شي ترا
Sn3a
تهقين جذي السر بالاطروحات ؟؟ عاد الكلاس كل الي فيه كانو جياكر ;p
الحلوات ما طلعو الا بالكلاس مال الكورس الي طاف ;Pp
يمعودة اعجابها مومييييييت هذي مو صاحية ;D
و انتي لو نفس حالتي الكل يقولج ضعفي ضعفي جان مو تكسرين بعمرج الا تصيرين رونالدينو على حالج ;s
بس لا اشوه الحين
I'm going on a diet ;D
t.c
ومن قالك اني مريام فارس
كل يوم اتغدا واسوي روحي ما اشوف المصيبه الي كليتها
يعني انا رجيم وكل يوم غداي جيليز او نينو بالله شهالرجيم
بس يعني من طقه انا الرياضيه عندي اروبت تراك بالبيت خوش جهاز
وبعدين انا بنت يحنون علي اكثر محد اكثر من امي يحبط بس انا اقولها لاتحاتين بنتج حلوة مايطيح سوقها:p
طبعا تكم علي
لول
افا طلع الحال من بعضه ;Pp
و الأمهات كلهم جذي بس يحبطون
بالعايلة كلها بس وحده الي قالتلي عادي الشباب محد يقولهم شي خو مو نفس البنات الي لازم
slim ;D
بس مع ذلك الرجيم احسن و اونس .. عندي كومة فنايل من زماااان مو لابسهم ;/
غريبة هل بنت صج ما يندرى شكانت تبي
وأهم شي كنت خايف من الوضع
وبعدين الحين عندك فرصة ذهبية
الوقفة بصالة التسجيل وظل تتحرك رايح راد رايح راد مثل حالة بعض الناس
إلي بيختفون من الحركة الزايدة والسونا إلي ياخذونها كل يوم بشويخ
لا خو كنت أدري شتبي .. بس بستعبط ;Pp
وقفة الصالة مو الحين تصير ماراثون .. نطري تسجيل المواد
7araaaaaaaaaaaaam ;p
kesart kha6ry lash ma 3a6yt-ha wayh ;p
l-hal darja jekiir? ;p
weeeeeeeeeeee 5osh ksra ksrt feha elmskena
7ram 3lek lbnya mswytlik rjeem oO 7alt.ha 7ala
3shan tgool still jakra :P
bs m96l7atik 3jeeeeeba
=D
Palo
ya m3awda '7l tstree7 .. kant chnha Mo'7ber wen ma aro7 wray ;p
w YES ehi waaaaaayed mo 7ilwa ;D
t.c
*****
mala.da3e
it's been a long time ;D glad to have you back xD
la mo mswia 3lshani bs ehi el '9ahr mlt mn el n6ra ;Pp
low 7ilwa chan 3a6yt-ha wayh haa ;p
sh9aar 3lyhaa el7een waynhaa ;p
Palo
shofi ehi lo mo 7ilwa 7ilwa lo
3adiya w mlam7ha maqboola it's ok 7ta lo 7a6a 6qm asnan ;p
bs she was like a Zbidiya ;Pp
beside I don't like women who are SUPER BEAUTIFUL ,, I like fine, good lookin women ,, only white " caucasian " and brown " somor w 7n6awyat mo chocolate ;p " are accepted ,, with all the respect for the others but it's a matter of beauty not racism ;Pp
moshkelaa elbanat etha 3ashaw el door
don juan laazm tmr ymha wt36eeha htheech eln'6ra bo min foog le t7t 5al t7rm
y3ne 7eta went 9rty dg el3od oo 7lwa bn'6r nfsch still mabech :P
توني اقرأ القصة كلها
قبل بس اسويلها skimming
بس حرام عليك ليش سويت فيها جذي ؟؟
يعني انا لازم يكشتون فيني عشان اضعف ؟؟؟ والله خوش حل بما ان الكل كاشت فيني :p
لووووووووووووووول
اهم شي انك صايد الحركات كلها
بس ليش خايف ؟
مو فاهمة واذا بتتعرف عليك بينقص منك شي ؟
انتو غريبين معشر الشباب
خو تشان جربت حظك
يقولون الجمال جمال الروح
free moi
for GOD sake why you are SOOOO AGGRESIVE ;Pp
take it easy ,, I think she got it right after two years of pursuits ;Pp
*****
I can see ME every where
ويييييييييه شدعوة الكل كاشت فيج
خلج متفائلة بأنه دايماً راح يكون في شخص ما منتظرج ..
beside
try losing some weight ,, believe me ,, it's niiiiiiiiiiiiiiice ;Pp
t.c
مفعـــوصة
HELLO ,, she pointed at me with her finger ,, that scared me to hell ;D
also ,, she's a Tribal girl and I'm " as you can see in the profile " from an East-Coast, Persian origins and EX-Sharqawiya family ,, I can't stand against her cousins ;D
and above all
I DIDN'T LIKE HER ;Pp I liked someone else ,, if you were here a couple of months ago you could've read my sad story :'(
beside
الثقة نصف الجمال
الجمال جمال الروح
هذي أمثال الجياكر اسميها ;Pp
t.c ,, and welcome aboard on MY SHIP ,, sorry ,, MY BLOG ;D
LOL,
7aram ksrat 5a6rie ;p
waied kanat 3aysha 7ub o gharam ;p
bs what would you do if she was really PRETTY !!!!!! ;P ?
يامجرم.. شعليك كان عندك معجبه اتشوفك جورج كلوني هذا شي واايد زين :)
بس الشي الزين اللي سويته لها انك خليتلها هدف تضعف منه :))))
وانا اقرا البلوق مت من الضحك قاعده اتخيل شكلك وانت خايف منها
Feminist™
what would I do if she was really pretty ??
ummmmmmmmm let me think for a second
I would have made her MY No.1 Lady ;Pp
welcome aboard :)
t.c
*****
feelingstalk
كلوني .. كلوني .. كلوني ... ليش دايماً كلوني اهو الخيار الأول عند الحريم :p ??
يعني في وايد ممثلين حلوين و شكلهم جنتل مثل شون كونري و ريتشارد قير و بروسنان و غيرهم وايدين .. ليش دايماً كلوني :p
بس هم كلوني أحسن من مهند d;
اي تصدقين ترى والله هذا خوش هدف .. انا بصراحة اشوفه بالنسبة لي انا شخصياً لانه قاعد اسويه الحين .. أحسن من الترهيب بمرض السكر d;
انتي تخيلتيني و ضحكتي عيل لو شايفتني و انا انحاش منها جان شصار فيج d;
t.c and welcome aboard too ;D
لوووووووووووووووووووووووووووووووووووووووووووووووووول
يا حسرتس يا حسرتس انا كله أسرح بالاوادم ليكون عبالهم اخزهم و معجبة فيهم و من وراي جذي ينقال عني!!
إنزين لسكوير عرفنا !
الحديقة من ون إطلعت ؟؟
ويييييييييييه عيل انتي الحين شوفي جم قصة حب عشتيها بدون لا تدرين d;
انا ما فهمت السؤال بس الحديقة اهي بالآداب
انا كنت توني داش صوب الكراسي المظللة جان اشوفها قاعدة باول كرسي مع صويحباتها ... بس لا تذكريني بليييز أيام مأساوية كانت d;
t.c and welcome aboard ;D
زين تسوي فيها. والله لو أنا جان نفس السالفة سويت فيها. أنا ما أحب البنت اللي تكاسر. ما تصد. شهل خززز ياااو
Harlow
هذي أمرها هين ,, اذكر لما كنت مستجد يعني قبل ثلاث سنين ,, واحد من ربعي قالي شوف فلانة هذي " وحدة بالحديقة " لو تحط عينك بعينها راح تكاسرك و ما راح تفج عنك الا اذا لفيت ويهك
انا قلت خل اجرب .. والله صج صار مكاسر مو صجي يومها و غلبتني التعبانة d;
t.c :)
loooooooooool
يعني انت شرشحت البنيه تشرشح لوول
عاد مسكينه يعني بتجبر خاطر كسرتها تشوف نفسها تره مو صاحيه
استغفر الله لوووول
امبييييييييييييي والله مو قاعده اطنز كله منك الله يبليني الحين
عاد تصدق يعني انا كنت معجبه باحد بالكلية بس عمري ما تجرات احط عيني في عينه
و كنت انحاش لمة اشوفه لووول
و المشكلة كان ايي الاجتماعات بالوسط لوول بس اشوة ايام و راحت
والله تفشل الايام حدهاا لوول
salamz dear :p
5roofa
إي مسكينة فاهمة الدنيا بالمقلوب d;
خروفة لازم نشوفلنا حل انا وياج اذا استمرينا جذي آخر شي بنصير جيران بعض بالأرجونتين لما نهاجر بعد ما تطق جبودنا من الكويت d;
seee yaa w Welcome Back ;D
mo nawe takteb post ydeed y3ni ??? ;p
كا حطينا بوست يديد ;Pp
ههههه
مسكينة.. قاعدة أقرا وأضحك عليها..
الله يعينها!!
Hamoora
عاد مسكينة اليوم مرت جان تشوفني قاعد بالكلاس و خزتني ;p
Welcome Aboard ,, زايدين الإئتلافيات هالأيام ;D
حياج الله لا تعتبرين هالشي اني مابي استمراريتكم بمتابعة البلوج مالتي ;D
لووول عجيبة هذي اللي بالحديقة. صايرت لي مرصد العجيري خخخخ
عاد أنا أتذكر صار فيني نفس الشي مع صبي. بس كنت بكافيه ما أعرفه كلش. عصبت اللي قلت له شتبي؟!؟ خنفرت عدل بس أهوا ولا تحرك و هم @@@@
مت من الضحك بويهه لأنه شكلي حده عبيط صار و أهوا بس @@@
آخر شي قمت =P
یا ربی احفظنی من الذنوب و البلایا
Post a Comment