Thursday, December 31, 2009

2010

صورة تغني عن ألف كلمة بهالمناسبة
كل عام و أنتن بخير ,, هذي حق غالبية جمهوري العزيز ,, وليس انتقاصاً من قدر ال " أنتم " ;D
بس في ناس ناطرهم من تاريخ 20-6 انهم يكلمونا بنتطمن عليهم
بس شنسوي ,, مالناش بالطيب نصيب الظاهر :(
هذي الذكرى الوحيدة السيئة من أواخر 2008 و 2009 كلها :(



إهداء لكم بمناسبة هالليلة
يلوموني بحبك يا ايناودي :*

Saturday, December 26, 2009

Sunday, December 20, 2009

ما يثير استغرابي !

انا واحد من الناس ما احب اكتب عن السياسة
احب اسولف فيها ,, احب اتناقش فيها
لكن اكتب عنها مواضيع و مقالات ,, لأ ماني من هالنوع
حتى توجهي السياسي طول عمري ظليت محتفظ فيه لنفسي و ما كنت اجبر الناس انهم يوافقوني عليه لأنه باختصار توجهي الي انا اشوفه صح
ولدت لأب و أم كويتيين من المذهب الشيعي
و العايلة تقريباً بكاملها محافظة بمافيهم بيتنا
لكن ابوي كان ديمقراطي جداً معانا
لكن هم ما اغفل الجانب الديني فينا و لكن ما غرس فينا مسألة العداء مع السنة ,, على العكس ,, الوالد كان يثقفنا عشان نعرف تاريخ الأمة الإسلامية الاسود في غالبيته
الوالدة جاهدت وايد معاي و تحملت كل بلاويي و تحملت انها دخلتني مع شباب الغدير سنتين و بالسنتين كنت ما اطول اكثر من شهر و اطلع من الدوة ;Pp
كبرت
تخرجت من الثانوية
دشيت الجامعة
مجتمع يديد
مجتمع متنوع و مختلط و كوكتيل غير متجانس من الافكار و الاجناس تلقى فيه
انا من البداية ما كان عندي الشعور بالانتماء الحلزوني للمذهب
كنت أشوف انه قوة المجتمع بوحدته و بقيمه الحرة
يعني بالمختصر ما دشيت اسلامية دشيت الوسط الديمقراطي ;D
انا دشيت الجامعة ,, و الحمدلله اني دخلتها بفترة زمنية انه من اول سنة لي بالجامعة لي آخر سنة و الديرة تطبخ و انا احمد الله على هالشي لأني شاهد على الوضع داخل الجامعة
انا دخلت الجامعة و بصيفية أول سنة صارت حملة نبيها خمس
قمة الحماس
نبيها خمس !!
احنا ضد الحكومة و ضد ذيول الحكومة
الي شبكنا يخلصنا
احنا بتوعك يا زعيم
و غيرها من الشعارات الي ما بقى منها الا آخر واحد و شكله بيذهب أدراج الرياح
و انتصرت ارادة الأمة
ما تتصورون شكثر كانت فرحتي و انا اشوف جماعة الخمس يكتسحون الدوائر و المد البرتقالي شسوى بالكويت
ما تتصورون شكثر كانت فرحتي و انا اشوف ابوي يوقف مع عبدالله الرومي و يسنقل له الصوت
حسيت يومها انه صج الفوارق المذهبية ذااابت بالكويت
كلنا ايد وحدة و قلب واحد
سنة شيعة ليبرال اخوان ,,, الخ
كلهم صاروا ايد وحدة !
هالمجلس شنو الي حله ؟
تذكرون صح
الــــــتـــــأبــــــيــــــــن !
تذكرون بالتأبين شصار
انا واحد ليبرالي و ماني من جماعة السيد ,, مع اني كنت احبه لأنه من اصوات المعارضة الي محد يختلف عليها سابقاً ,, لكن الزمن غدار
الي صار اني ما كنت مع التأبين ,, انا التأبين ما أأيده و قلت هالشي حق ابوي
لكن الي حدث كان مو طبيعي
كلكم تذكرون شصار
التخوين كان داير على ودنه
و العموم داس ببطن الوحدة الوطنية بسبب و بدون سبب ,, و كانو يرقعونها بكلمة نحن لا نقصد كل الشيعة
وصلت انه نواب الأمة للأسف كانوا ينادون بتسفير الكويتيين " من أصول فارسية " !!
و غير موضوع سحب الجناسي و الطرد و هالعلاك المصدي كله
و كتلة العمل الشعبي سقطت بالفخ و بكامل ارادتها المسلوبة و باقتدااااار و مع مرتبة الشرف
و هالبوست قاعد اكتبه بسبة واحد من كتلة العمل الشعبي
و نعم لولا تدخل العقلاء ,, و على رأسهم " جاسم محمد الخرافي " ,, إي نعم جاسم الخرافي
جان الله العالم شصار !!
لأنه الوضع كان جداً مقيت و كريه ,, لدرجة انه اعضاء بمجلس الامة ما يستحقون التفاتة من الناس صاروا اهم الأبطال و اهم الوحوش و اقدع من كده مفيش
و غير طبعاً سالفة طرد أحمد لاري و عدنان عبدالصمد من كتلة العمل الشعبي ,, و دموع التماسيح الي ذرفها مسلم البراك يوم اعلان هالبيان
كل هالامور هذي بالنهاية أدت لحل المجلس و انتخبنا مجلس 2008
طبعاً الموضوع الداير بمجلس 2008 كان المزدوجين
و الي فتح هالموضوع النائب السابق أحمد المليفي
و بعد سالفة المزدوجين طلعت سالفة المصروفات و انحل المجلس و دعينا لانتخاب مجلس 2009
لكن شنو صار بانتخابات 2009 ؟؟
طلعتلنا ظاهرة الجويهل
الجويهل انسان لسانه زفر ,, و فالت بآن واحِد
لكن الي قاعد يتكلم فيه حقائق ,, اي نعم حقائق و موثقة بسجلات
شلون يابها هذا موضوع ثاني
لكن الموضوع الي انا بتكلم فيه
اليوم شفت فلم " المظاهرة الجماهيرية " الي انطلقت من ديوان البراك الى مادري وين
حقيقة
راااااااااااااعني ما رأيت !
الحين صرتوا تخافون عالوحدة الوطنية !!
وين كان خوفكم عالوحدة الوطنية يومها
انا مو قاعد اتكلم من منطلق اني شيعي ,, لا لا لا أبداً أبداً أبداً
لكن مسألة انكم تحشدون الحشود
و تحشدونها مو بدافع وطني ,, لكن مدفوعين بانتمائهم القبلي و انتم تدرون بهالشي لأنهم تيمعوا من قبل عند أمن الدولة ,, لأسباب مال امها علاقة بالوحدة الوطنية :)
و تظهرون خوفكم عالوحدة الوطنية و النسيج الواحد و هالامور هذي كلها ,, وين كانت قبل ؟
لا تقولون ذاك يوم و هذا يوم
نفس الشي
ماني متكلم عن شموع البراك و مسيراته الحاشدة و كلامه الي يضاهي كلام الجويهل في سوءه
ولا بتكلم عن العم أحمد السعدون لأني ما زلت احبه رغم انه شفط على ابو خامس التيار" الوطني " و قام يخاف على مشاعر ابناء الرابعة و الخامسة
لكن الي باط جبدي صج
محمد الخليفة !!
ياخي انت ما خليت حجوة بقلبك ما قلتها بذيج الايام ولا راعيت نسيج وطني ولا بطيخ مبسمر ,, هسه جاي تسويلي بيها سبع ؟
لك اي روحوا عنااا يااااااااا
التكتل الشعبي سقط بالاختبار ,, و باقتداااااااار
ان كنتوا ناسين مواقفكم التاريخ ما ينساها لما طحتوا بالفخ الي نصبته لكم جريدة الوطن و توابعها :)
هاردلك شعبي ,, يمكن بيوم من الايام نقولكم قودلك ,, بس ما اتوقع انه هاليوم قريب :)

Friday, December 4, 2009

مَــشــهَــد !!

شرايكم بالمنظر الي أصبح عليه كل يوووم ;p
أمانة مو أحلى من بحيرة البجع ;p
سفرة فلم بكل ما تحمله الكلمة من معاااااني سااااامية
من بدايتها لي نهايتها ;p
أول شي لما وصلنا الفندق
ولا يطلع ماكو حجز ;p
و ولد خالتي ذبحنا بموظف بالفندق اسمه سيد رسول
كل شوي رايح حق مال الرسبشن يقوله هااااا سيد رسول ما وصل ؟!
الحجز عند سيد رسول
سيد رسول قايلنا انه بيعطينا غرف تطل عالحرم
المشكلة انه الفندق مافيه ولا غرفة تطل عالحرم ;p
و الحجز طلع خربوطة ,, بغينا نفلس الا ربع ;p
اشوه انه كان في كويتيين بالفندق و ساعدونا ,, ولا الي معاي ما يعتمد عليه لا اهو ولا رفيج يده سيد رسول ;p
المهم
جان نرتاح و بعدين رحنا الحرم ,,
بررررررررررررررد
هالديرة شنو باااااااااااااااااردة
و انا بروحي مريييض ,, يعني هناك بالضبط قزرت علي ;p
طبعاً انا لازم اقولكم fact
معانا واحد بالسفرة من عيال خالاتي ,, ماشالله عليه ياكل بدون لا يحس ;p
كل شي يودي ;p
بأي كمية ;p
المهم
الحبيب بالكويت كان متغدي من نايف وجبة
و بالطيارة كان يايب وياه صمونة من نايف هم
و بالليل يينا بنتعشى
طبعاً كنا قاعدين نشوف مباراة مدريد و برشلونة هناك ;p
المهم
جان واحد ايراني موصينه علينا ,, يقولنا تبون اطلبلكم عشااا ؟
قلناله نبي كاروو ,, كارو هذا كنتاكي ايران ;p
جان يقولنا لااااااا انا اطلبلكم احسن من كارو ,, مطعم جديييد
المهم
و احنا طلبنا ,, الحبيب طلب صمونتيين اوكيي
لما وصلت الصمونة ولا الصمونة طولها يمكن 50 سم ;p
الجماعة انصدموا @@
هذا شنو ,, شلون بناكلها @@
بس كلوها بالاخير ,, و الصمونة حلوة يعني جنها صمونة بيت
بس ما عجبتهم
المشكلة انهم كلوها ;p
المهم
اليوم الثاني وين رحنا وين رحنا
جنه ما رحنا مكان ,,
اييييييييييي تذكرت تذكرت
رحنا الحرم صلينا الظهر ;D
ورى الحرم رحنا مطعم كشخه
بفندق اسمه قصر ,, هالفندق ليلته 100 دولار
المهم
حطونا هناك بطاولة عند السلم ;p
و جان ننطر و ننطر ,, انشالله الحين اييون ياخذون الطلب
انشالله الحين يمر احد يعبرنا
شي مني مناك
ماكوووو
جان نعصب و يينا بنمشي
ولا واحد من الشباب يشوف انه اكو دقمة ندق عليها عشان اييونا ;p
شنو قصة ويه !!
المهم بالاخير طلبنا و قمنا بنييب سلطة,, طبعاً اول شي عبالنا انه بوفيه بس اكتشفنا انه ماكو شي بالسخانات ;p
ما علينا
بوفيه السلطات فلم و الشباب أفلم من الفلم
شوية خس فوقهم صلصة مسوينها واااااااااااااااااااااااااااااو
شي ما صااااااااااااااار
و انا اطالعهم جذي @@ اقولهم انتوا من صجكم @@
كلها شوية خس !!
المهم انه لما كلينا و خلصنا و وصخنا المطعم ;p
جان نمشي و وين رحنا وين رحنا
ايييييييييييييييي رحنا الغدير !!
يااااادي هتل الغدير هذا
واحد من عيال خالتي قاصين سره هناك !!
لازم نمر عليه كل ما نمر عند البازار مال الغدير ولا عند فندق قصر !!
المشكلة يا ريت اكو معنى حق قعدتنا
مووووووووووولية ماكو معنى ولا سالفة ;p
يعني الفندق مافيه كويتيات حتى لو نقول الشباب يبون يقزون !!
المهم بعدين ردينا الفندق و نمنا ليلتنا
بهاليوم صارو موقفين يضحكو
اول شي و احنا رايحين الغدير
جان يوقفنا واحد عراقي شافنا نسولف بالكويتي
جان يقولنا عدنا واحد فقرة مسكين يريد يرجع لكربلاء
عدكم فلوس ؟؟
انا بدافع القومية العربية عطيته دينار كويتي
جان لما نمشي شوي يرجعلنا
يقولنا ياهو الي بيكم عطاني دينار
قلتله انا
جان يقولي
اييييي ,, هاي اغاتي احصل عدكم دينار ثاني .. خاطر ادعي عليكم
قلتله هيييييييييييييييييييييي انت شنو تدعي علينا @@
تدعي لنا !!
جان يقولنا ادعي عليكم بالخير و العافية xD
بغيت ارنه طراق اعلمه شلون يدعي علينا بالعافية مرة ثانية
بس ما عطيته شي بالمرة الثانية ;p
المهم و احنا رادين من بازار الغدير
ولا ياهل قاعد يوزع مثل زيارة هدية
جان آخذ منه على ابو انه هدية
و مشيت حتى ما كلمته
جان يلحقني
يقولي بابا فلوس فلوس
قلتله بوول نداري ,, جان الحمار يقولي بالفارسي
الحين انت شمتنك و تقول ما عندك فلوس
جان اقوله امسك ,, لابوك لابو هديتك اذلف يلا اذلف ;S
يبطون الجبد هم طرارين هم يغلطون !!
اليوم الثالث رحنا شانديز و طرقبة
هناك عادي يعني ماكو انشطة ولا اكو شي مميز
بس بهاليوم لما ردينا بالليل
طق ببالنا نلعب بولنغ و بلياردو
قلنا ماكو لازم نلعب بلياردو و بولنغ
و واحد بالرسبشن كتبلنا عنوان محل بولنغ و بلياردو
طلع بعدين انه بس محل بلياردو
المهم طبعاً منو ورى هالمقلب
ولد خالتي الأول مال سيد رسول
و الي كاتبلنا العنوان منو
هم سيد رسول !!
والله يمكن درنا نص ساعه عشان نوصل بالأخير حق صالة ليتاتها وردية!!
بصراحة خفنا ;p
جان نرجع ادراجنا الفندق و زفينا ولد خالتنا الي خسرنا 6000 تومان عالفاضي ;p
المهم اليوم الي وراه بالليل رحنا مشوار قوي
رحنا مجمع اسمه بروما
انا قبل والله كان عبالي الكويتيات خفاف و بسرعة يتضبطون ,, طلع لاااااا
الإيرانيات مو بس كما الريشة ,, إلا كما الهيدروجين !!!
شنو الي بنظرة يضبطها @@
ويين قاعدييييييييييييييين @@
ايي الحبيب الايراني يوقف و اهي ويا رفيجاتها وراه
بس يلف ويهه مرة صوبها
يبتسم
و المقرر ايي بروحه بعدين @@
جذي بهالبساطة @@
و بالكويت مساكين يتمرمرون و يشوفون الويل يالله يضبطون ;p
و بعدين رحنا محل آب أنار
هالمحل بس عنده عصير رمان
بس شنو عجيييييييييييييييييييييييب
المهم
هالمحل بشارع سجاد
شارع سجاد هذا مو طبيعي
كله محلات زقرت ,, حتى زارا لقينا هناك بالشارع
و بي امات و بنزات
زقرت زقرت الشارع
و اكتشفنا بهالشارع انه البيجو اهو موتر الحلوات الكتاكيت الي يطلعون القذلة من تحت الفولار ;p
هالشارع حبيناه احنا بصراحة
جان نرجعله اليوم الثاني باليل ;p
الساعه 11 بالليل رايحين نشرب رمان ;p
طلع لا موضوع المقررات بمشهد اسهل من بيروت حتى ;p
التضبيط حلاااااالييييييي
ده مشهد حلوة بجد يا قدع ;p
المهم الحين وصلنا حق اليوم الأخير
أمس
أشوه اني نجحت اني اصلي ورى امام الحرم للمرة الثانية ;D
المهم
العصاري رحنا المطار
ولا زحمة
أمة لا إله إلا الله
و البحارنة فوق انهم ما يحبونا على ابو انه احنا مرتاحين بالكويت هم يشوفونا نخطرهم لانه احنا شوية ,, ما يجوووز ;p
بس خطرناهم ;p
جان تطلعلي وحده جنها خالة ليلى
خالة ليلى هذي بنت عم امي انتوا ما تعرفونها ;p
المهم
جان تقولنا انزين حتى احنا كويتيين و كانا ناطرين بالدور
قلنالها احنا كل الي ويانا قطعة قطعة حق كل واحد ما معانا وزن زايد خلونا نمشي
لأ
حنجوا الكويتيين ;p
يالنا واحد ثاني جان يقولنا لأ انتوا ما تمشون
الأصول أصول
اوقفوا بالدور ويانا يالله
جان هم نعدي من جدامه ;p
يعني واحد معاه 94 كيلو زيادة بالله ليش انطره ,, و احنا كل الي معانا 3 كيلوات زيادة !!
طبعاً لازم في ناس يقطون ويوههم يبونا نشيل اشيائهم ويانا ,, بس احنا حنجنا قلنالهم لأ ;p
و آخر موقف صار اهو لما كنا بنركب الطيارة
الي رايح ايران يدري انه ماكو تيوب ,, لازم باص
فاحنا ناطرين الباص و ملينا و احنا ننطر
جان مرة وحده نشوف باص قرب ,, قمنا كلنا مرة وحده قلنا يالله فرصتنا
احنا بس لفينا ورانا ولا الأمة كلها قايمة ;p
احسهم للحين يسبون و يلعنون فينا على هالكسرة ;p
و بس خلصنا سفرتنا و رديت الكويت معاي 40,000 تومان ;p
و اذني للحين مضغوطة لأنه الطيار بسلامته اول ما وصلنا عالبحر نزل من ارتفاع 45,000 قدم لي 5,000 قدم مرة وحده
الحبيب عباله راكب F-18 :/
و بس خلاص اشوفكم بعدين ;p
و ما شريت أفلام إلناز شاكردوست :(