Leaving to Iran

لااااااااااااااااااااااااء مو هني



النمرة غلط ;p







انا رايح هني ,, ;D









ما توصون على شي غير سلامتي صح ؟ ;p

يلا نشووووفكم على خير

و لا تنسون تروحون فلم New Moon ;D

Yala T.C

و نشوفكم على خير انشالله يوم الخميس اول ما أرد ;D

** NOTE ** : اذا تبون شوية وقود نووي لا يردكم الا لسانكم ;p

Noto a Veryo Goodo Dayo!

ما أدي من وين ابتدي بصراحة ;p

يوم كله على بعضه مادري شلون قايل ;p

خل اقولكم من البداية

الحين انا ,, بطبيعتي و من خلال الي تقرونه شنو تستشفون ؟

هل انا متحيز ضد المرأة و ابي احبسها بين اربع طوف

و متشدد

ولا مع حقوق المرأة و ادعوا للمساواة بينها و بين الرجل و من هالكلاوات كلها ؟

أمس حقيقة

دهشت

و صدمت

و صعقت

بل و بُهِت !

الدكتورة كانت تتكلم عن وحده اسمها مارغريت فولر ,, من المطالبات بحقوق المرأة

فكانت الدكتورة تتكلم عن حق المرأة بالعمل بوظائف الرجال

انا رفعت ايدي

و ليتني ما رفعت ايدي :(

جان اقولها انه هالمطالبات يعني من حق المرأة

و شفناها بعدين بالحركات اليسارية

مثل كارل ماركس الي دعى لمشاركة المرأة للرجل في ميدان العمل

و هم بسوريا ,,

جان الدكتورة تقاطعني

جان تقولي علي انت ما تلاحظ انك تقتبس امثلة مو زينة

و كلامك نوعاً ما فيه تحيز ضد المرأة ؟!

انا هني انصدمت @@

انربط لساني الي من دون شي مربوط @@

جان اقولها بس انا قصدي انه بسوريا حزب البعث هم دعى الحريم انهم يشتغلون

مع الرياييل و هالشي ان من الي ساهم بتحرير المرأة

جان تقول حق البنات ,, مو هذا الي انتوا فهمتوه من كلامه

انه متحيز ضد المرأة ؟

جان البنات كلهم يقولون ايي اييي صح دكتورة !!

انا هني يتلي حالة

What the HELL !!

جان الدكتورة تقولي انا لاحظت حتى بكتاباتك انك متحيز ضد المرأة !!

جان تقولي بعدين عندك شي بتضيفه

قلت لا ما عندي ,,

يا جماعة خفت اقول شي بعدين اصير جني من الهيئة !

جان يدور الموضوع و يدور

و وصلنا لي نقطة مناقشينهامن قبل الي اهي الجواري و ملك اليمين و هالمواضيع

جان الدكتورة تقول انتوا كمتعلمين ما راح تسوون هالشي صح

يعني علي انته ما راح تخون زوجتك مع وحده من هالنوع صح ؟؟

انا هني ويهي صار مثل الي بالصورة فوق !!

شقول

انحرجت

قمت اضحك لا شعورياً :(

جان اقولها لا اكيد ما راح اسوي شي جذي :$

و البنات يضحكون

و احس نفسي صغيييييييير بالكلاس

:$

و بعدين جان اطلع

و صارلي موقف مادري حسيته مو زين

بس بعدين كلمني واحد و قالي انه الي صار طبيعي جداً و مالك شغل

بالعكس علامة زينة

جان بعدين اروح العصر معرض الكتاب

حقيقة المعرض روعة

يغطي كل المواضيع الي تهم الانسان

الجنس

الطبخ

الفلك

الشعر

النكت

الملاقة الزايدة المغطاة بكفرات حلوة

معاجم !!

أصول عنزة و العوازم

تاريخ شبه الجزيرة

روايات نجيب محفوظ

و كتب الفقه و الشريعة

و لقيت اشياء جداً ظريفة

( شيكات الحب )

عبارة عن دفتر شيكات

فتحت منه اول صفحتين

الأولى :

أتعهد أنا الموقع أدناه ,,

بأن أقوم بعمل مساج لزوجتي

@@

الثانية :

أتعهد انا الموقع أدناه

بأن أقول لزوجتي كلمة أحبكِ

@@

انا هني قلت يمعود مو الا ,, لا يغزر البحر ,, جان اقطه ;p

الشي الثاني

تحريم التعامل بالشيكات @@

يا جماعة

هل معقول انه معرض الكتاااااب

وصل لي هالمرحلة من السخف !!

و لما اشوف لستة الكتب الممنوعة ودي ابجي :'(

بس والله مو خوش يوم كان حده ;/

I hate it ;@

عندما تمنيت أن اكون سلفياً !

لما تقوم من النوم متأخر

و تحس انه لحيتك مسببتلك ازمة و كذلك شعرك الطويل

و تكتشف انه ماكو وقت تحلق ولا تروح الحلاق

و تكتشف بعد ذلك انه دشاديش العيد صاروا مقصملين و تضطر من حرتك تشق وحده منهم

و بعدين لما تلقى وحده زينة

توقف جدام المنظرة الي اهي جامة الدوانية

و تكتشف انه شكلك من أشكال جماعة التكفير و الهجرة

و لما تركب السيارة تكتشف انه دشداشتك هذي الزينة

وصخه !!

ما تتمنى بهاللحظة انك تكون سلفي دشداشتك فوق الركبة ؟

جاوبني بصراحة أخي القارئ ;p

و تخيلوا بعد كل هذا

توني طالع من ربوع منطقتي الغراء

لأصدم بمنظر الزحمه المهول عند جسر الدائري السابع @@

جسر أي دائري ؟؟ الــــــســـــــابـــــــع !

و انا دوامي وين ,, بكيفان

و باقي عالمحاضرة 20 دقيقة !!

و ما يفج الشارع الا عال 10 إلا خمس !!

و لكن الدكتورة تعذرك لأنك على قولتها

Dedicated Studen ;D

و بعدين لما تشوف نفسك بالمناظر بالكلية و تمشي بين الناس تحس انه الكل يشوفك بسبة لحيتك ;p

و تضطر انك تروح حق الهندي الي بالفرع الي عند نادي الكويت و ياخذ منك خمس دنانير عشان تحديد و لحية و شنب موس و صنفرة

ما تتمنى بعد كل هذا انك تكون سلفي ,, و ما تهتم بكل شي من هالأشياء لانه بالاساس طول الدشداشة ما راح يهمك ؟

جاوبوني بصراحة ;p

الــــعــــرافــــــة !

توه و انا قاعد بغرفتي
و بدون سابق انذار
أسمع صوت بجي @@
و بجي قوي مو بجي عادي يعني ,, بكاء الثكلى !!
اروح اسأل شالسالفة يا الربع عسى ما شر شفيكم ليش هالبجي ,, خفت انه القذافي مات و احد قاعد يبجي عليه ببيتنا ;p
ولا اختي قاعده تبجي و ابوي يهديها

بابا شفيج
بابا تحجي
قولي
شسالفتج شفيج تبجين
شربتي من الماي ولا ما شربتي ؟؟

أنا سمعت ,, و اختي تقول ماي ملون ,, قلت صااااااااااااااااااااارت ;D
ولا اختي و اهي طالعة من عيادة الأسنان بالفحيحيل
صايدتها وحده نَوَريةَ
و قايلتلها تعالي ابغى اقولج كلمتين يا صَبية
ولا تقولها انتي في احد من اهلج معطيج عين
و العين حق يا بنت الناس
و عشان تعرفين انهم معطينج عين روحي اشتري بطل ماي و انا اوريج
قومي انتي يا " الشاطرة " ياللي تعرفين تتصرفين ;p
و اشتريلها بطل الماي ;D

و شربت منه اختي @@
و جان تعطيها البطل
هذيج مادري شتمتمت عليه و جان لون الماي يقلب صار كحلي !!
اختي هني تصروعت @@
جان تقولها هذيج شفتي ,, قلتلج معطينج عين
و انتي اسمج كذا
و امج اسمها اعرفه بس لا تقوليلياه قوليه بسرج !!
و ابوج فيه سكر و ضغط
و امج فيها عوار ظهر و ريول !!
و صدقيني يا بنتي انه نصيبج راح اييج يوم 30-10
و ان ما ياج نصيبج انا ما اعرف شي و راح ترجعيلي بنفس المكان
و الحين ايدج على فلوس خروفين عشان افج عنج العين !!

هني اختي قالتلها انا ما عندي
جان تقولها روحي البنك كاهو يمج !! << عند الوطني مكانهم
ولا هذيج تتلخبط و تلم حالها و تمشي
و اختي تقول انا مادري شلون رديت البيت
و تبجججججججججييييييييييييييييييييي
والله اقولكم بكاء الثكلى على ولدها ;p

و ابوي يقولها يا بابا قوليلي شربتي ولا لأ ؟
و اهي تقوله لأ لأ ما شربت والله ما شربت من الماي الملون ;'(
و انا اقولها يا الثوووووووووولة انتي اي احد يسويلج اي شي على طول تصدقينه @@
جان اقولها زين شقالتلج ؟
جان تقولي كلام وايد وااايد واااايد ;'(
^^ اهي الساحرة قايلتلها انا اعرف ماضيج بس المشكلة انها ما قالتلها شي مادري شفيها هذي خايفة ;p
خابر هالكلمة سلاح البدوان حق الهواش ايام الثانوية لما الواحد بيقص ويه الثاني يقوله تبي اذكرك بماضيك ;p

جان اقولها مرة ثانية

قالتلج شي عن اخوانج ؟
جان تقول ايييييييييي قالت وحده من خواتي حياتها مو مستقرة

هني ابوي جان يقول بانت فيلجا ;p

أكو كويتي فوق ال 45 مافيه ضغط و سكر ؟
مافي
أكو كويتية هالأيام فوق الخمسين مافيها هشاشة ؟
هم مافي
أكو عايلة بالكويت ما تحوشها اضطرابات اسرية ؟
هم مافي !

جان ارد اقولها
ما قالتلج شي خااااص ؟؟
جان تقول لأ لأ لأ ما قالت ما قالت ;'(

اهي لو قايلتلها مثلاً انا منو احب ;p
ولا مكان حبة الخالة الغبية الي بجسمي ;p
جان صدقت انه والله هذي ساااااااحرة بنت سحرة
بس هذي شكلها هاوية سحر ;p

بس والله فلم هالبنات
الحين اهي تقول انا خايفة و مابي اروح هناك مرة ثانية مابي مابي ;'(

قلنالها احنا نروح وياج يوم 30 نشوف هذي شبتسويلج هناك ;p

الحين السؤال

يوم 30 لما اروح هناك شسوي فيها

1- أضربها ضربة قاصمة بالسيف ؟ ;p

2- أقص رقبتها و أحشيها ثوم ؟؟ لا لا لحظه هذاك دراكولا ;p

3- أرش عليها ماي مثل ساحرة أوز ؟ ;p

4- أطقها طق بالخيزرانة الي عندي عشان احلل الربع دينار الي دفعته فيها ؟ ;p

5- أقول حق الشرطة ؟ ,, بس اخاف يضحكون علي و ما يصدقون ;p


انتوا شرايكم بالموضوع ;D

ترى يمكن للحين قاعده تبجي ;p

It's just another day =)

اليوم كان فعلاً يوم غريب
مو الزحمة كانت الشي الغريب لأنه دايماً أول اسبوعين بالجامعة يكون الشارع مصكر ,, بعد هالاسبوعين و كأن عصا موسى تحوش الشارع و السيايير تطير يمين و يسار :/
لكن الشي الغريب كان بالمناظر المهولة الي شفتها بالكلية
البنات ,, يا إلهي ,, شنو هذا ,, أستغفر الله ربي و اتوب اليه ,, يكاد المريب أن يقول خذوني :/
عفية مزاج عليهم من الصبح راسمين ويوههم بهالمكياج
ولا طلبة الكلية @@
صارلي اربع سنين و هذي الخامسة
اول مرة بهالخمس سنين اشوف هالاشكال @@
يا جماعة شي يدعوا للأسى
منظر محزن ,, منظر باكي !!
قـــــــــــيــــــــــزان !!!
بكل ما تحمل الكلمة من معاني ,, اشكالهم مستهجنة ,, حسيت اني بجامعة عرعر ولا حايل
عقل ميالية على شكل \
و الشعور كلها ستايل أحمد الفهد !
و ترى يا جماعة جذااااب الي يقولكم الادارية ولا الوسط بالتحديد اهم ملوك الريبان ,,, حسن ما ملين الا من سكويرات الآداب من ورى هالريبان ;p
المهم
وصلت الكلية و سفطت داخل هالسنة كاشخ ;D
المهم
في شي غريب لاحظته
انا بأول كورس لي بالجامعة الكل كان يبوسني
اليوم تكرر هالشي !!
صراحة خفت على نفسي من انفلونزا الخنازير من كثر الي باسوني
تعرفون لما اييكم واحد ما تعرفون اسمه ولا يعرف اسمكم و يقولكم هلاااا بالحبيييييب هلا بالغالي و يبوسكم !
المهم اول محاضرة الدكتورة ما كانت حاضرة
رحت الكافيتيريا ما لقيت مكان
ترى والله اول مرة اشوف شي جذي !
طلعت من الكافيتيريا ولا منسق الوسط بويهي ;p
انا صارلي يومين ساحب عليه و ما ارد على تلفوناته
جان يقولي تعال تعال تعال ,, انت ليش ما ترد علي
قلتله يعني بالله بتدق علي بتقولي نكتة مثلاً ؟ ;p
المهم بالنهاية رحت وياه و قعدنا نسولف و مشى الوقت
جان تصير محاضرة الاحصاء
يا جماعة خايف لا اسقط فيها ,, كلام الدكتور يخوف ;'(
بعدين جان اقعد بالحديقة
ولا ايينا ملك الصواريخ بالكلية
3ashoooor ;D
ياينا ولابس بايده دسوس جنها دسوس شون مايكل جان تذكرونه
جان يقوله واحد من الشباب شفيك عسى ما شر
جان يقوله وخر عني انا ابي اتهاوش مع التربوية :@
^^ اهو مينون ;p
و قعدنا نضحك عليه على هالسالفة
شوي جان نسأله عن تجمعه
و هم ضحكنا عليه يقول التجمع ماله اسم لحد الآن
جان واحد من الشباب يقوله سمه " سو خير و قطه بحر " ;p
جان اقوله انزين هالتجمع صج انه لا دين لا مذهب لا بطيخ
جان يقولي اييييييييييييييي :@
لو اييينييي يهووووووووديييييييييييي راح اخدمممممممممممه :@
و طبعاً الكلية كلها قاعده تشوفنا ,, كل القوائم هدت شغلها و جابلتنا ;p
و بعدين عاد رحت كلاس الترجمة
و بعدين خلصت و رحت شريت زيتون لأني صاير مدمن زيتون :p
و انا راد البيت ولا اختي تقولي روح الشويخ اشترلي كتاب
و انا توني داش من بوابة جمال عبدالناصر ولا اشوف واحد هندي بميكروباص نام على واحد عنده قراند شيروكي
شوي ولا راعي القراند يروح جدامه و يصفط و ينزل و يطق الهندي !!!!!!!!
لابو الهمج ,, لابو الطبع الغجري الي بهالاوادم !!
خو نام عليك شصار بالدنيا طقله هرن صارخ عليه مو تنزل تطقه
بس انا الي مبرد جبدي انه حوبة هالهندي عند الله ,, مرده هالزفت على يوم بيطيح بايد واحد اقوى منه و يوريه نجوم الظهر !!
بس لاحظت انه لي الساعه 3:30 زحممممممممه الشوارع !!
و بس هذا كل الي صار معاي ;D
C.Ya SooN ;D

BTW

توه وصل مسج حق ابوي انه حصل اعتداء جسدي على زايد الزيد ,,, يالله سترك :/

come come !

sorry ,, wallah mo qa9di aqalid el maleeq bo 5arshad ;p

anyway ,, come come ;p

عيد مبارك عيد سعيد ;D

و هذي عيديتكم و وصلت
لكم شي عندي ؟ ;p
نشوفكم على خير ;D