Tuesday, May 26, 2009

انا بعد وياكم ;D


ذكرتوووووني بأيام شباااابي
يوم ما جنت أطلع مظاهرات ضد الحزب ;D
باجر من ال7:30 لي 8:30 مساءً
قبال مجلس الأمة
الي ما ايي بيصير حكمه من حكم المتولي يوم الزحف ;Pp
خووو تعالوا ليش ما تييون يعني ؟؟
وراكم مباراة ؟؟
قاصد خير قريبة مو بعيدة ;D
و الله ما كثر القهاوي صوب المسيد الكبير
بعد ؟؟
حرر** ؟؟
التجمع بالليل لا تخافون يا بنات مكياجكم مهو مخترب ;D
ماااااالكم أي عذر
تعالوا
** ملاحظة : مادري اذا في مرطبات ولا لأ ;D **

Sunday, May 17, 2009

Umma 2009 ;D








قعدت من النوم عالساعه 9 إلا ربع هيك شي

حسيت إني مريييز

لا لا أقص عليكم ;Pp



المهم خل اقولكم

قعدت و جان اتسبح ,, و البس ملابس الشغل ,, و أجهز عدة الشغل

الكاميرا و الفلاش و البطاريات و الجاكيت و كل شي

و أخذت جنسيتي من الوالدة

و عينت من الله خير

و جان أطلع من البيت



أول شي رحت المدرسة بصوت ,, التصويت بمدرسة عبدالرحمن بن أبي بكر عندنا بهدية

طبعاً هالحجي الساعه 10 الصبح ,, المكان شبه فاضي ,, و لاني لابس تريننغ محد قرب صوبي من اخواننا الألمان ;Pp

بس في واحد عطاني بطاقة الي اهو من جماعة المهندس محمد الحداد ,, كانوا اهو هم لابس جينز

المهم دشيت داخل طلعت رقم القيد و كل شي

تعال دور اللجنة



طبعاً انا لما دشيت المدرسة رجع فيني الوقت لي قبل 8 سنين لما طلعت من الإصلاحية ,, أقصد المدرسة ;D

و لقيتها ننننننننننفس ما اهي ,, ما تغيرت فيها طابوقة



المهم دشيت اللجنة ,, عجبني انه الناس منظمين

العادة إخواننا الألمان ما يدور عندهم نظام

بس هاللجنة شي غريب عجيب كانت ,, بسبة النظام نطرت ساعة و ربع على ما صوت ;D



المهم الحين عطوني ورقة التصويت



جان اشوفها



عطيت فيصل الكندري ,, عطيت ناصر المري ,, عطيت محمد الحداد

بقى وااااااحد

دليهي ,,, لأ ,,, اسمه مو حلو

بادي ,,, شنو ماكو شغل !!

سعدون حماد ,,, يولي زين هذا الي قاصر

اوووووخ ,, هذا سميح القلاف @@

جان اعطيه ;D



المهم الحين صوت خلصت

الحين صار وقت الشغل

جان ادق سيارتي سلف و اتوجه بحفظ الله إلى منطقة مشرف



هناك رحت عند مدرسة البنات ,, طبعاً نفيسااااااااااات ,, ماكو وحده تبي تصور ,, بلعنة شنو واقف عليكم حلايا قيفكم ;Pp

اهم شي اني صورت وحده بعدين صرت طماع ييت بصورها مرة ثانية جان تقولي لألألألأ ,, لانها شافتني لما ييت بصورها ;D



المهم خلصت الحين ييت بطلع

و انا طالع جان المح " سخص " قاعد يمشي و اهو لابس تي شيرت مرشح ظوو عوض الجويسري جنه

جان اقول بقلبي ,, هااااااااااا ,, هذا اهو ولا مو اهو !!

جان اطق فوق

ريتني ما طقيت هالفوق تحت :(

البنات ملوت محمد الكندري مسوين نقطة سيطرة !!

و جياااااااكر ,, و لابسين عبي مخصرة ,, يا السلفي اضبط ربعك !!

و خفااااااااااااااااااااااااف @@

انا بس نزلت الجامة شوي ما اشوف الا ترمي اوراق صار ,, زين يا الحوش خو شوي شوي !!



في وحده كسرت خاطري مع عوض الجويسري خذيت منها الورقة لانه محد ملقيها ويه ;D

المهم ما لقيتها :(



جان اتوجه إلى مقر انتخاب الرياييل و ما كان في زحمة هناك ;D



المهم جان اروح بيان

و ببيان انسطلت فما قدرت اصور اي شي ,, زين ما درعمت بقصر بيان من الي شفته ;Pp



جان اقول الحين وين اروح وين اروح



الــــــــــدعــــــــيــــــــة ,, ديرة هللي ;D



رحت صوب الرياييل كان صخخخخخخخخخه

بس قدرت اصور الوسمي

و يونسون خوال الدعية وقفوني اثنين جان يقولولي صورنا صورنا ,, لما صورتهم جان يقولون شفيها ما طلعت فلاش لا يكون حرقنا الكاميرا ;Pp



المهم ما اطول عليكم جان اروح اللجنة النسائية بابن سينا



بس خل اقولكم عن الthunderbolt

الي حاشني قبل لا اوصل اللجنة النسائية :(



صوب الاحقاقي في فرع هناك

المهم انا دشيت داخل و قاعد احوس بالاغراض

شوي جان تدش وحده ,, زين ما طيحت الاغراض الي بايدي لما شفتها

I was about to say " God ,, you're a mermaid @@ " ;Pp

و اليوم حطوا صورتها بالراي ;D



المهم جان الحين اوصل عند اللجنة

اهم شي اني وقفت سيارتي بالممنوع جدام الشرطي

جان اروحله و اقوله فيها اشكالية ,, جان يقولي مطول ؟؟ قلتله لأ ,, جان يقولي عيل تصورني قبل لا تمشي و ما اخالفك ;D



توني داش جان اييولي صبي و بنت صغار من ملوت حسن نصير و عاشور

قلت حق البنت دام انتي من جماعة نصير خلاص بصورج

جان تقولي " انت صوتله صح "

قلتلها لأ انا بالاحمدي اصوت بالخامسة

جان تقولي اييييييييي ,, عطيت الحداد صح ؟

قلتلها اي ,, جان تقولي و الكندري ,, قلتلها اي ,, و المري بعد صح ,, هني حنجي طاح بالارض ,, جان اقولها اي ,, و قالتلي عطيت القلاف بعد مو ؟؟ قلتلها انتي شدراج @@

جان تقولي هيئ هيئ هيئ ,, انا كنت وياك ;Pp



مشيت و صورت جم صورة ,, جان بعدين اتوجه برعاية الله و حفظه الى الدسمة



بالدسمة ماكو بالضبط نفس جو انتخابات نادي العربي و لكن الاختلاف انه اكو كتاكيت لابسين اصفر ,, ملوت القائمة الاولى ,, يا جماعة امس انا was hit with many many thunderbolts ;D



الحين وين الوجهة ؟؟



القادسية :D



تخيلوا اول ما نزلت قاعد امشي ولا منو بويهي !!

عيال خوالي !!

و داقين باج منو !!

مرزووغ القااانم !!

اول ما شفتهم كِلت لهم أنواع السباب << حلوة كلت لهم ;Pp



جان يقولون بعدين لا فيها 100 دينار ,, ما تبي باج ؟ ;D



المهم خليتهم و جان اوقف يم اللجنة

الجماعة كسروا خاطري ,, ربع النيباري و عبدالجادر ماكو ناااااس !!

و كله سلف و اخونجية !!

و داخل ملوت السلف يخرعون يا جماعة والله جنهم اهل الكهف !!



و طبعاً مرزوووغ و الخرافي ,, اكتساااااااااااااااااااااااااااااح



صورت بوعدنان و جان امشي وين اروح ؟

اللجنة النسائية ;D



هناك توني داش صورت بنات من جماعة بوشيبة ,, جان تشوفني وحده من نفس القروب

جان تقولي صورني صورني صورني

لما ييت بصورها اول مرة جان ايي واحد بافالانش يوقف بيننا و يسوي نفسه دمه خفيف

آبوووك لابو يدك ,, من قالك انك كوول و انها خلاص بتحبك !!

طبعاً التحرش بالثانية ماله وااالي

المهم ييت بصورها جان تعطيني الpose

مال الموديلز ,, جان انا استانس اخيراً انفجت عقدة المصور الكويتي ;D



بعدين و انا طالع جان اشوف وحده من قروب عبدالواحد خلفان ,, يعني ياية الحين بتعطي واحد الكرت مال عبدالواحد جان تقط عمرها عالسيارة @@

اعنبوو ,, ماكو حيااا !!



المهم نشف ريجي انا الحين شسوي

مريت عند بيت قبال مقر الراشد جان اسال واحد قلتله اكو ماي هني ؟

جان يقولي آآآآه ادخل قوه مقر الخَرااافي و همه يدووك



ولا أثري هذا مقر الخرافي @@



المهم ,, جان اشرب بيبسي عندهم ;D

تنازلت عن مبادئي عشان ريجي الناشف ;D



بس حسافة ما كليت هناك مع انه منظر الشورما يشرح القلب الحزين :(



بعدين جان اتوجه برعاية الله إلى الشسمها

المنصورية ;D

هناك صج صج سمردححححححححححححه



بنات هيلق و شباب خرفااااااان



ترشرش ماي ,, تحرش ,, مسخرة و رب الكعبة شهالانتخابات

بس في وحده مع عدنان المطوع

another thunderbolt ;D

بس كله كووووووووووووووووووم

و راعية السي أل كوم ثاني

هذي صج كانت

TSUNAMI :(



المهم بعد ما صورت و خلصت جان اروح بيت اختي ,, لأنه ما أثق بالحمامات عزكم الله الي يسوونها المرشحين



المهم بعد ما ريحت ببيت اختي جان اروح الخالدية

هالحجي جريب المغربيات

هناك الوضع مليييييييق

ماكو اوادم

و اكتساح برة المدرسة حق السلف و الاخوان !!



المهم خلصت منهم جان ارد بيت اختي بالدسمة

خلصت كل شغلي و البرزنتيشن مالي و هالسوالف

جان اتوجه بعدين إلى مقر الحلوة ,, عروستنا

دكتورة أسيل ;D



صورت هناك جم صورة ,, و اشوه ما حاشني thunderbolt

هناك جان صايرة سوالف ;Pp



بعدين جان اروح مقر الملا !!



المقر مافيه وايد ناس

صورت شوي

سولفت شوي

شافني واحد والله كلمة مليق شوية عليه

قالي " شوف ,, انا بعطيك صورة معبرة اوكي "

انا قلت الحين الحبيب بيسوي حركة قوية شي

جان يمسك الزقارة بايده و يخزها ,, جان يقولي يلاا صور !!

لما صورته جان يقولي افييييييه شرايك فيها ؟

طبعاً انا مو بس لايعة جبدي بغيت اكوفنه ;D

جان يقولي شوف ,, حط عليها تعليق ,, في انتظار الألم !!

بغيت أنعله على هالملاقة الي قاعد يمارسها جدامي :@

جان امشي عنه بدون لا اقوله شي



بعدين رحت ديوان المنيس ,, صورت جم صورة

جان منو يدش

المعرس

صااااااااااااااااالح الملااااااااااااااااا ;)



هالحجي كان توه ,, 3000 ,, 3500 ;D



و اول ما يه جان يقعد يمي :D



المهم قاعد اسمه يسولف مع واحد ,, والله فقير قلبه متروسة من الحركة الي سووها فيه الاخونجية و قال وين بيروحون من الله ,, و بالفعل اثنينهم طاحوا الدلال و الشايجي ;D



و صورته وقت الفوز



بس الي مو صج

وقت الزفة من الديوانية لي المقر

شي خياااالي بالفريج الساعه 3:30 ,, والله منظر قوي قوي



و بعدين المنظر الأقوى عند السعدون

يا جماعة رمز :'(

والله رمز

انا بس شفتهم شلون مسوينله موكب بغيت أبجي ,, جبيييييييييييير يا بوعبدالعزيز جبيييييييييييييير لو مهما يصير ;)



و بعدين عاد رديت البيت و انا طااااااااااااااااخ

و باتريي خااااااااااااااالص



صج انه آلمتني خسارة النيباري

لكن العوض بالباجين انشالله و بومحمد ما تأثر عليه خسارة انتخابات ;)



جني طولت عليكم ؟ ;D



yala seee you ;D

Friday, May 15, 2009

الـــمـــرضـــى !!



مركز سلطان حولي ,, شايفينه كلكم اتوقع الي بمسافط نادي القادسية


أمس الله يسلمكم و انا طالع من مقابلة مع غانم الصالح بحولي


جان اقول حق رفيجي امش خل نروح نشوفه شلون قايل


دشينا داخل ولا شنو هذاااااااا


شي خيالي هالمركز سلطان بالذاااااات


المهم ,, و فيما نحن نمشي


جان نمر صوب المجلات بنشوف عدد المجلة اليديد نزل ولا لأ بالسوق


توني ياي صوب الرف


ولا اشوف اثنين ما لمحوني لاني مشيت بسرعة


هالأثنين شكانوا يسوون ؟؟


واحد فيهم فاتح مجلة من المجلات على مقابلة ممثلة او شي جذي


و الولد شكله مسخسخ عالواقف


جان مرة وحده @@


و فجأة بدون مقدمات @@


يبوس المجلة @@ !!


و يحضنها @@


انا مشيت هني ,, قعدت اعيد المنظر ببالي ,, ما قدرت استوعبه ;Pp


المهم و احنا طالعين من مركز سلطان


ولا الحبايب قاعدين عند الباب و ماسكين عدد مجلتنا !!


ولا قاعدين يدورون مقابلة الي عالكفر @@


معقولة يا جماعة القحط وصل بالشباب لي هالمرحلة ؟؟


عَــــــلَـــــــنــــــي !!


الموقف هذا الي شفته رجعني لي سنة 2003


كنا مسافرين مع وفد كشافة رايحين تونس


معروف الي يروح تونس لازم يوقف ترانزيت يا بروما او بالقاهرة


المهم احنا بالروحة وقفنا بمطار روما


كان في ويانا واحد ,,, مو شايف من الدنيا شي


جد والله مو شايف شي !!


هناك مرينا صوب المكتبة


طبعاً باوروبا بالمكتبات عادي انه يكون في سيكشن خاص حق ال18 و فوق من مجلات و افلام و هالسوالف


الحبيب جان يروح حق وحده من هالمجلات !!


طبيعي جداً لحد الآن ,, دام انه القائد مو شايفه ;Pp


الحبيب اخذ المجلة


تصفحها و اهو يلهث @@


شوي


جان يسوي


******


تحذير : إذا مالكم خلق ينخدش حيائكم ولا تلوع جبودكم لا تكملون قراية و روحوا سيده على الكومنت بوكس
اوكي ;Pp
******
جان يفرد المجلة
و
و
و
he put it on his thingy :S
and he was moaning like an animal :S
طبعاً احنا كلنا عيوننا طلعت
و العيوز الي بالمكتبة يتله و قعدت تصارخ عليه و تقوله كلام بالايطالي ما فهمت منه ولا شي
و اهو عااااااادي ولا كأنه مسوي شي !!
,,
هالأمثلة هذي من حياتنا الواقعية
يمكن انت الي قاعد تقرى ما شفت منها
لكن بالنسبة حق الي شافهم او ما شافهم
برايك شنو الحل لهم ؟؟

Tuesday, May 12, 2009

The Class of Feminism !!


عندنا مادة بقسم الإنجليزي اسمها
Modern Drama
هالكورس انا ماخذها عند ,, أعتقد أغلب الكويتيين البلوقرز يعرفون الدكتورة
المهم
هالكلاس هذا ندرس فيه تطور الدراما ليما وصلت للمرحلة الحالية و شنو تأثير بعض الامور على مسيرة الحركة الدرامية بالتاريخ
الطلبة بالكلاس " not including me "
ما يعجبهم انه الدكتورة أكثر اختياراتها الدرامية الي ندرسها تدور حول المرأة و قضاياها
أنا بالنسبة لي ما عندي أي مشكلة بالموضوع بالنهاية المرأة عانت بالمجتمعات العالمية مو بس العربية
و لكن اليومين الي طافوا قامت تصير النقاشات تاخذ منحنى جدلي أكثر منه نقاشي بوجهة نظري
و المشكلة الدكتورة أحسها حاسبتني وياهم :(
المهم خل اقولكم شصار اليوم
ما اذكر الدكتورة شنو قالت بس تكلمت عن المرأة انه هل صحيح انها تفضل انه الرجل يكون بموقع القيادة ؟
انا تكلمت بوجهة نظري الشخصية انه المرأة بالمجتمعات العربية تفضل انه يقودها الرجل بإرادتها و محد يجبرها على هالشي يعني باختيارها
جان تتكلم عن الوطنية و انه الشخص الوطني ما يحدد هالشي كونه رجل أو إمرأة !!
she got me wrong ,, I know !!
ييت بوضح نقطتي ,, حقي يا جماعة ;D
جان ينط واحد يمي و خبص الأكو بالي ماكو !!
قعد يتكلم عن المرأة و انها مو خوش قائدة
جان اقوله لأ كلامك غلط !!
جان يقولي خلني اكمل نقطتي
جان اقوله نقطتك غلط خو @@
^^ كله بالانجليزي ترى ;Pp ^^
جان ينط واحد ثالث يقولي علييي هدييي شفيك معصب !!
يا جماعة خو ما قلت شي ,, هذا قاعد يهرف بما لا يعرف !!
جان الدكتورة تقوله ممكن تعطينا امثلة
جان يقولها في واااايد أمثلة
جان تقوله اوكي عطنا مثال واحد من هالامثلة
جان يقولها ,, أسيل العوضي @@
Dude !! what is wrong with you @@
جان تقوله الدكتورة انا بتكلم عن الدكتورة أسيل بعدين بس انت شنو عندك عليها
خل اقولكم هالبارت بالانجليزي ,, it's more funny ;Pp
He : she's a good manager but not a good leader
Dr. E : and how is that ?
He : she can manage things right but she's not a leader
[ I wanted to interrupt here but ,, I rathered listening to what he was saying ]
FS(Female Student) : what's the difference between leadership and management ?
He : there is a difference !!
FS : what is it ??
هني جان الدكتورة تغير الموضوع لأنه اتضح انه راح يخرج عن إطار السيطرة
يعني الي انا كنت بقوله انه المرأة بمجتمعاتنا لم تمنح الفرصة
لكن على مر التاريخ المرأة أثبتت مقدرة كبيرة بالعمل السياسي
بداية من زنوبيا و وصولاً لتاتشر و ميركل و غيرهم و مروراً بإليزابيث الأم و إليزابيث الي توفت و طبعاً ما أنسى غولدا مائير :)
Women never have the chance in our societies ,, that's true ,, and I believe it's time to give them the proper chance they need and we'll wait and see what they'll come up with ,, I'm sure they'll be succesfull politicians ;D
و بالعودة لنقطة الدكتورة أسيل العوضي انا كان عندي تعليق بسيط لم يكتب لي حقيقة اني أقوله بالكلاس لكن بقوله هني
و إذا الدكتورة قرته ما يضر هالشي و إذا الطالب الي كان قاعد يمي قراها هم ما يضر بالعكس يمكن يستفيد حق المستقبل :)
"
first of all she has never been in a leading position ,, she's not a manager because she's a phylosophy professr and above all ,, there is no difference between leadership and management
"
Thank You All for Reading ;D

Monday, May 11, 2009

RESPECT is not that expensive !


Yes ,, it's not expensive ,, in fact ,, it's free ,,
it's something that will make people like you and respect you also
especially if it came out of your Professor ,, it will show you how much you worth to him and how much a valued student you are ,, even if you're not that good student

but,,

in Kuwait University ,, appearantley ,, " SOME " Profs. are asking to be Straightned Up :)
Today ,, is the class the F***** Prof. was teaching us Hyponomy and Co-Hyponomy ,, that's something I don't like and even I don't understand .. this F***** Prof. is not efficent ,, I didn't understand anything of what he said since the begining of the semester ,, although I'm trying hard to understand the subject but when I study the book i always find myself LOST !!
back to the F***** Prof. , always when I ask this F***** Prof. it seems to him that I'm asking him for money or some estates !! for God sake I'm trying to understand your subject !! and the problem is he always say " no questions ? no arguments ? " ,, today when he was explaining the Hyponomy and Co-Hyponomy ,, I got lost in the middle between them ,, it's just confusing !! ,, so I asked him humbly " Sir ,, is this hyponomy or co-hyponomy ? " ,, he showed me that Cheesy-Ass look that he is famous of and said " whaaat ? :/ " so I repeated my question ,, he was giving us examples about animals and plants so he went directly to the dog and said " THE DOG is a kind of animals " ,, it may sounds normal but while he was saying this ,, he was pointing at me !! @@ ,, and the guys in the back cracked up !! ,, he insulted me !! he insulted me !!
I remained silent till the end of the lecture ,, and when I got out of the class a guy of the ones who laughed came and ask me with a big smile on his face " why he called you dog ,, it was one hell of an indirect insult " ,, SO I'M NOT THE ONLY ONE WHO SAW and FELT IT !!

I got mad ,, anybody in my situation will get mad ,, but what can I do for God sake !! nothing !! yes ,, nothing at allllllll
when I came home my mother saw that look on my face and asked me " what's wrong ? " I told her everything ,, she got worried on me because I was mad and I was cursing this F***** Prof. in every way I know !! what ?? don't I even have the right to curse him ??
but I swore that someday I'll teach this bastard a lesson ,, she told me to calm down and Curse the Devil ,, why should I ? to calm down ? I don't want to calm down !!
It happened before to my elder brother ,, a F***** Prof. from the Faculty of Science was about to ruin his future ,, but thank God he went to America and there he became a Doctor ,,

maybe you're asking why I'm mad ?
ok ,, I'll answer you
it's because in Kuwait University the Doctor is almost like God ,, don't start your " ast'3fr allah " stuff because I know it's not the best way to describe but believe me ,, they have protection against everything ,, they can rape students in the class and the students will be blamed for being raped by a ghost !!
Yes ,, you can't question them for anything ,, either for grading or for what they teach or the way they behave or even the way they treat you, and my father is a peaceful man ,, he will blame me and tell me maybe you miss understood him ,, no Dad ,, if you're reading this believe me ,, I'm innocent

For now there will be no actions ,, I just want to pass this course ,, graduate next year ,, then ,, I have to straight some people up :)

Thank you all ,, :)

Thursday, May 7, 2009

قوم لوط عاد !!


قوم لوط عاد !!
لهالدرجة انحدر مستوى الخطاب !!
والله عيب يا جماعة الي قاعد ينقال هالأيام من قبل نوائب الامة !!
مرة جوتي
مرة قوم لوط
الله يستر من الياي !!

Monday, May 4, 2009

Shame on you ,, Yankees :@


Probe call in Afghan 'convert' row


Video :
http://aljazeera.net/english/news/asia/2009/05/20095423950874168.html

*****

The Secular States

The Dream of Liberals

The World's Policeman

^^ ALL ,, BULLSHIT ! ^^

Appearantley ,, after all ,, it's just another " Christian " State ,, not the United one :)

I swear to God if Jesus heared what you guys are saying on behalf of him he would've turned into an Anti-Christ :@

Saturday, May 2, 2009

وصلني المسج

إفتتاح مقرات مرشحي المنبر س8
عبدالله النيباري , الأحد 3-5-2009م
صالح الملا , الأثنين 4-5-2009م
محمد العبدالجادر , السبت 9-5-2009م
نرجوا التواجد باكراً
*****
مو ما تيوووووووووون ,, أزعل بعدين ;Pp