أمس وايد أشياء صارتلي
أول شي بالسينما
بالتحديد بسينما أجيال الي بالفحيحيل
واقف بالدور عند راعي البوبكورن و البيبسي و هالسوالف
و كان الساتول مزحوم ,, لأنه الامة كلها تبي تشتري و ماكو الا واحد يخدم عليهم
و مقسمين نفسهم انه شباب صوب و عايلات صوب
المهم
و انا واقف عالكاونتر اسمع وحده تتحلطم وراي
" if we were in Europe we would've had our pop-corn ages ago ,, people here don't respect ladies ,, they don't have anything like Ladies First !! "
جان الف وراي ولا هالمنقبة الي قاعده تتحلطم
بصراحة الآكسنت مالها عجبني ;Pp
بس قعدت أفكر
هذي ليش وايد أنانية !!
يعني لو انا وياها بالدور بروحنا جان قلتلها تفضلي و عادي يعني و فوقها ابتسامة
بس انتي واقفة بالطابور
لو انتي صج تبينا نصير نفس الغرب انجعمي و اوقفي بالطابور ;Pp
المهم
ما علينا من هالخبلة ;D
صارلي حروة اسبوع قاعد اقرى كل يوم شوية من كتاب " كوابيس بيروت " مال غادة السمان
يا جماعة الكتاب مو طبيعي
و انا فيني عيب شرعي
لما اقرى كتاب و انشد حق اسلوب الكاتب و الاحداث
انغمس فيها ;D
فغادة السمان كانت تكتب عن مشاهداتها بالحرب و معايشتها لها
التلفون بالليل مثلاً كان فلم رعب بالنسبة لها ,, و لكنه كان سلوى في أحيان أخرى
لما تصحى من النوم فجأة هذي كلها أشياء كانت تخرعها
لما تنام بروحها بالغرفة و تشوف اغراض حبيبها و ذكرياتها
المهم
فأمس
صكرت الكتاب من هني , جان انام من هني
هالحجي الساعه وحده و نص
مرة وحده الساعه ثنتين يرن تلفوني ,, انا عندي خطين واحد وطنية و الثاني فيفا
الفيفا مخليه ستاند باي لانه عندي تلفون ثاني و مابي اخليه مصكر
بس محد يعرفه
المهم
و انا نايم
جان يرن التلفون @@
شالسالفة !! هالتلفون محد يعرفه و ما يتشير !!
جان ابلع العافية و اخليه سايلنت و ارد انام ;Pp
جان شوي يوصلني مسج على خطي الثاني
ولا رفيجي " أمين سر وسط الإدارية " دازلي مسج يقولي ترى الوطن بايقين صورك !
انا قلت راحوا بنات الناس ذاك اليوم مصورهم و محد شاف الصور غيرهم !!
و جان انام
عالساعه ثلاث و نص جان يوصلني مسج !!
قلت لااااااااا صاااااااااااااارت الحرب الاهلية يتلنا ;Pp
ولا مسج من الإئتلافية يعلنون فيه عن دورتهم :@
تعرفون الي ودي اطلع رقم اي واحد منهم اطلع فيه حرتي و ارد انام :@
نمت شوي
ولا اسمع تلفون البيت يرن !!
قلت لاااااااااااااااااااااااااااااااااااااااااااااااا الوضع ما ينسكت عنه
اقوم من فراشي
ولا مرت اخوي تقولي خالتي قاعده ,, البيبي قاعده تزوع
بس اشوه الليلة عدت على خير ;D
شنو الخلاصة من كل هالبوست الطويل العرييييض
لا تقرون كتابات غادة السمان قبل النوم ;Pp
دمتم بحب << يعني منهم ;D
21 comments:
لووووول قصتك مثل فلم توني شايفه اسمه
bedtime stories ;p
لووووووووووول
ياخي اسخف شي لما يرن التلفون وانت نايم
جنه الأمه كلها تدري إنك نايم
تلفون ورا الثاني
احسن شي شيل البطاريه ولا صكر جهازك ونام
........
وماتشوف شر بيبيتكم p;
للأسف ولا مره قريت حق غاده
بس شكلي بجرب p;
يعطيك العافيه
etha 3n 9ortik malat r7lay wasa6 al edaria mawjoda bl 8abs b3d .. !
looool walla ur posts never failed to make me LOL-ing!!
---
so el9ara7a about that mona8abah gurl,agoolek shay? don't follow the rule of ladies first ba3d il youm,ma 3ad tenfa3 hal youmain
ba3ad hal shay eli it happened once in the mall (dubai)
wa7ed local dude weya erbe3ah wagfeen 6aboor in a pasta resturant waiting their turn o
ya3nee 9j 9j 6aboor e6weel (it took like half an hour to reach ur turn ><")!! we7da a pakistani girl (modern one not bu
5aimah zarga :D)
warahum wagfa o malat mn shay esmah 6aboor o chan etgoolah ladies first bas hoo galaha we are all in 6aboor o ehee twaha yaya mn shway o dashah 3arth!! o chan el 7abeebah calling el security dude telling him that the two UAE-ian dudes yet7arashon feeha!!!!they didn't do anything a9lan, 3ad ana ehnee i was in a total shock,madree m wain yatha 8owat el 3ain :@ o chan flan embageg 3oynah mb em9adeg eli ga3ed e9eer! yeba yetkalam chan el security egoolah o hoo o erbe3ah jedame 3al police!! o ehee el
7ayawan looking at them with her scornful eyes,madree what happened to the guys after that situtaion
weeeird people walla
الخلاصة وانت الصاج
طفوا التليفون لما تنامون
تدري لو الوطن يبوقون صوري شسوي فيم احوكهم بقضيه اخليهم يسكرون الجريده لانه ما عندهم فلوس تسدد فلوس القضايا
والتلفون ليش ما تحطه سايلنت ؟؟؟
الله يهداك حد يقرا حق غاده السمان قبل لا يرقد؟؟؟ حد يقرالها من الأساس؟ هههههههههههههه
المهم صك تلفونك قبل لا ترقد مب صاير رئيس دولة انت
;p
sorry D.J it`s in "awna" mo al8abs :$
تصدق شوقنـي خلاص بقرا الكتاب
لا و قـبل لا انام بعد :D
منقبه تتكلم جذي؟ متأكد بهل لغة ؟؟
;p
انزين تعال صج شلون جذي ماخذين صورتك ؟
اذا مو انت اللي معطيهم !!
كاااااااك
أكشــن والله
والله يبيله اقرى الكتاب قبل لا انام
عاد حياتي بروحها فيها اكشنات وايد ..
و عجــبتني الخبله p
وايد تحونش هلمواقف لمه اطوف وحده بستاربكس .. يدشون 10 جدامي
فــ انحرج
مشكور عزيز :p
yumaaaa loooool
ana mara shft film ykhari3 w yom r7t anam.. nimt sa3a wila yrin itelephone .. hal 7ache isa3a 2.30am.. shilta wana nis nayma ma3araft mino 6ila3 rayal fa 7igarta.. dag 2, 3, 4, 5, 6 times chan ayin ! 3a6ayta 7g umy ga3da wila sakraan LOOOOL ;$
3bady
والله مدحولي هالفلم قالولي يسوى اني اشوفه ,, انت شرايك اشتريه ؟ ;D
*****
حافية القدمين
لاااا مرة صارتلي سالفة انيل من جذي
نايم و بسابع نومة ,, و جان اييني مسج
" الي بيسمع رنة المسج : http://www.youtube.com/watch?v=jaPAXknX88k "
و قمت قلت يمكن صاير شي خطير ولا هذا
ولا مسج من وحده تقولي انه فلان خطب فلانة :s
طيرت النوم من عيني ;Pp
virgin
dwrtha bl qabas ma lqetha ;/ ,, a5rtha 6l3t b Awan :@
;Pp yala mo moshkila ,, 7ilwa el 9owar ? ;D
*****
Candy
well ,, I'm honored ;D *blughing too* ;Pp
eeee lazm dam feeh 6abor y7trmon el 6abor ,, sorry 3ala hal kilma bas el 7areem mo nazleen b qofa mn el sima ;/
فريج سعود
هذي من الدروس المستفادة ;Pp
*****
عنيف
يا عمي خلني ساكت ,, انت كنت بديوان الملا و يمكن سمعتني شقلت عن القضاء و النيابة و هالكلام كله ;D
مو تقول حق احد يمعود أبي أصير وزير ;Pp
msha3erha
ليييش يمعوده محد يقرالها ,, كتاباتها وااايد حلوة ,, و المشكلة ما اقدر اصكره ,, اخاف اوباما يبي شي ,, انا من أيام بوش و كل يوم لازم بالليل ادق على الرئيس الأمريكي و اعطيه نصايح في الحياة ,, كلينتون لو كان مستشيرني أيام فضيحة مونيكا جان ما صار الي صار ;Pp
*****
virgin
b3d eeeh ya5ti ;Pp
*Being One
ايييي خوش كتاب من صجج انتي ,, و لا تقرينه الا قبل النوم ;D
*****
ساحبة سايد
ايييي عادي ,, كان في معانا بدوية بكلاس بالكورس الي طاف تتكلم انجليزي بشكل جميل ,, بس اي كلمة ما تعرف تلفظها كانت تسكبها ;D
و انتي ادرى بموضوع الصور ;Pp
Gucci
تنحرج @@
ودي أصدق ;Pp
*****
Mar8adoosh
sakran !! hatha ywanis etha mo yayni noum aqazrha wyah le el9b7 ;Pp
ليش تشتري سحبه من النت ;p
3bady
ما احب الفيديوات الي من النت ,, مو كواليتي ;D
اسحبهم blueray ;p
Post a Comment