اليوم و انا طالع من كلاسي العصر
شفت شي يحرني
خلاني أبقبق أبقبق من داخلي
و انا نازل من الكلاس ولا جبالي استراحة الشباب
شفت داخل اثنين قاعدين
شوي جان تيي وحده و توري واحد فيهم شي بالتلفون
وحده منقبة بعد !!
قلت يمكن في شي غلط
شفت مرة ثانية قعدت اركز
هذا شعار الرابطة !!
و البنت مو بره البنت داخل !!
تهقون شافوني ؟؟ ;Pp^^
المهم جان ايي واحد وراي
قلتله يا فلاان
شوف جدامك في شي ؟؟
جان يقولي ايي هذا صبي شعره طويل
جان اقوله في بنت داخل ؟؟
جان يقولي ايي معاهم بنت ,, كاااك
بغيت اكفخه عالكااك بس قلت مو إلا ;Pp
جان اقوله الحين شسوي
ما يصير جذي هذا غلط و انا ما ارضى بالغلط
جان يقولي والله مادري كيفك تبي تقول حق السكيورتي قول
جان اقوله هااا ,, اقول أو لا أقول ؟؟
المهم بالنهاية جان اقوله انا بقووول المهم انام و ضميري مرتاااحة ;D
المهم الحين انا والي معاي رحنا كل واحد من صوب
توني ماشي بالشارع ولا الف ويهي صوب الممر
ولا واحد " ألماني " ,, منشي الشماغ و مضبط السبعه و ماكو الحبيب جنه أمير سعودي
قاعد يتحرش ببنت أشكره عيني عينك !!
يا جماعة موووو جذي الإنحدار
ما يصير هالإنحدار بمستوى الطرح
طول عمري ادافع عن هالكلية و اقول هالفئة ما لازم تحكمون منها عالباجي
بس مو جذييييييي يا جماعة البنت ماشية بحالها و هذا يتحرش فيها
شنو اعنبو خيرك عبالك داش مجمع العنود ولا أجيال !!
ما علينا منهم
رحت حق السيكيورتي
ولا الحبايب يسمعون احمد عدوية !!
جان اقولهم يا حباااايب
يا كااابتن انت وياه
جان يرد علي واحد يقولي
خير في ايه يا باشا
قلتله انتوا قاعدين هني و المسخرة عالآخر بالكلية !!
جان يقولي فيين !!
قلتله روح استراحة الشباب في بنت داخل !!
جان يقولي و اهو يضحك
بجد ؟؟
هذا الي برفسه !!
جان اقوله روح شوف بعينك شنو بجذب عليك شنو ميانة بيني و بينك !!
جان يروح ينادي حمادة صاحبه و هني انا مشيت و خليتهم يولون
بس والله الكلية صايرة زبااالة
ذاك اليوم واحد بغى يقط وحده من فوق
و اليوم هذي بالاستراحة و البنت الي تحت
لحد يقولي انت مع التعليم المشترك
انا مع التعليم المشترك لي آخر يوم < صج يحرجي لكني معاه ;D
لكن هذا الي صار لاهو تعليم ولا قالها الله
هذا اسفااااف
هذي مسخرة
حتى لو كانت اخته
هل يرضى انه اخته تنحط بهالموقف و اي واحد ممكن يشوفها بهالمنظر شبيقول عنها بعد الحادثة الي صارت الاسبوع الي طاف !!
انتوا قولولي الي انا سويته صح ولا غلط ؟؟
لأنه ضميري حبيبتي منأبتني :(
*****
أمس رحت دورة " علم الفصول " بدعوة شخصية من الرائع الي يقدمها الاخ : عيسى عادل العيسى
حقيقة استمتعت و كنت بكتب هالبوست عن هالدورة لكن الي شفته بالكلية خلاني أبقبق أبقبق ;D
انشالله البوست الياي عن الدورة بيكون بس عسى ما اشوف شي يخليني انفجر مرة ثانية ;D
;*
33 comments:
مع الأسف
الي اختشوا ماتوا!
بس هم تظل هالأشكال أقلية... بس احنا نركز عليهم اكثر لأن صراحة يسون حركات محد يقدر يسكت عنها!
@@
هذي كليـة التربيـه ما هيـك ؟ ;p
والله تبي الصج ايام الجامعه كان عندنا ماده بالتربيه بكيفان وماندل شي فيها الدكتوره قالت تستلمون الكتب من الرابطه زين وين الرابطه وصفت المكان وطبعا بما ان احنا مو من هالكليه فحتى وين الجبرات ماندري ونمشي ونسأل وحده تأشر هالصوب ووحده تأشر ذاك الصوب وولد يقول هناك وهندي يقوول مايعرف آخر شي شفنا باب مكتوب عليه الرابطه ومادري شنو جان اندرعم احنا 3 بنات لا تشوف ويوهنا واحنا داشيين غرفه جنها دوانيه وشباب يطقون جنجفه وناس متسدحين يلعبون بليستيشن :\
على طوووووووووول طقينا يوتيرن من التدوده بنطلع قاعدين ندز الباب لبره والباب المفروض ينسحب لما داخل :\
اما السوالف الثاني فحدث ولا حرج وأشره عيني عينك بالشويخ على ايامي يعني قبل جم سنه بعد مادري عن الحين ان جان تغيرالوضع هذا كلام ثاني :)
ولا محاضرات التخصص الي مدتها تكون 3 ساعات وتبدا 5 العصر وتخلص 8 لا تشوف الكليه وقت بريك الصلاة تخررررررررع
هالأشكال يكونون حدهم ماخذين راحتهم على بو ان الكليه فاضيه نوعا ما :\
ليش تحس بالذنب! إنت سويت اللي عليك
بالعكس زين أنك سويت جذي
وهذا لو كانت اخته شدعوه رضاها حقها
الشرهى عليها اهيا صراحة
يا خوي
الاخلاق راحت بهالديرة
و سلم لي على ... الالمان
:(
3endena wo 3endkom 5eer ana ma sheft shy bs agolek el7en bedayat ele be9er shy wo enshallah ma ye9er :)
khalhum ib7alhum.. o layhimoonik.. ile sawaita mu '3ala6, bil3ks.. bs itha bitsawy nafs ishay kil mashift man'6ir muz3ij, agolik min il7en inik mara7 itkhali9! laish?
bajawib ib 3ibartain o inta 3ad fasir:
1)il6iyor 3ala ashkaliha taqa3
2)for every action, there is an equal reaction.. fa since a reaction duz exist, the action will keep on going.
عشان لاتلومني والله انا بكورس واحد بكيفان شفت اللي ماشفته بسنين بالخالديه;p
بس مو منكم
وصدقني هالعقيدي ماتوقع ان طالب
تلقاه ياي يتمشى الكليه او مو طالب بكيفان
انت ماغلطت
بالعكس انت سويت الصح
وبليز نبي بوست عن الدوره
وهذا مو دكتور عيسى العيسى مال طب الدندون؟;p
الدندون لغير المتحدثين باللغه الفارسيه اهو الاسنان;p
waay ana 3ala kither ma handasa feeha 3yoob, lai 9ar 3indi mada ibkaifan.. asjid sajdat shiker 3al ni3ma ili ana feeha! la2ana ma2saaaatt.. sry bs i hate it there. anyways good thing u did inik ri7t gilt 7ag isecurity, i wudve done the same.. oo 3ala fikra, china ithameer mothakar mu mo2anath?
الله يسترنا بستره
لا والله لا تسكت عن الغلط
ساكت عن الحق شيطانا اخرص
الله يهديهم ويسترهم يارب
Aurous
اييي والله صاجة ,, الي اختشوا ماتوا للأسف و ما خلفوا وراهم ناس يختشون :(
و بالضبط مثل ما قلتي ما نقدر نتجاهلهم لانهم يسوون اشياء محد يفكر يسويها :/
*****
Kuwait
مو التربية ,, الآداااااااب :(
و على طاري هالحركات المفاجئة
مرة بالحقوق لما كنت مستجد كنت رايح صوب الكافتيريا ,, في واحد الله لا يسامحه قالي الطريج حق الكفتيريا من هالصوب " هالصوب في مرسم البنات و استراحتهم "
و انا كنت كل مرة ادش هناك و ماكو اي قطوة ,, ليما على يوم دشيت هناك ولا ثلاث منقبات قاعدين عالكراسي و وحده عالأرض و " منشكحة عالآخر " ,, انا افترضت حسن النية و قلت يمكن تعلمهم شلون يرقصون " معلاية " ;Pp
Momentum
يعني انام و أنا مطمئن ؟؟ :$
*****
عثماني
لا و البلا انه هذولي اهم الي صاكين راسنا بالاخلاق و الشرف و حالتهم حالة
أحلى من الشرف مفييييييش :/
3bady
انشالله ما يصير يمعود صدقني مناظر مقززة خصوصاً لما تكون تدافع عن الكلية انها كلية محترمة :/
*****
L.R.643
امممم ,, اهو انا اشوف ناس مواعدين بالكلية و امس شفت واحد مطلع وحده بسيارته بس هذا ما اقدر ابلغ عليه الأمن + مالي خلقه لانه وايد مليق بس انا الي بط جبدي اهو التعدي الصارخ عالقوانين يعني قبل اسبوع او اسبوعين كان في واحد بيذبح وحده بالكلية انتي الحين قاعده وياهم بالاستراحة :/
Sn3a
انا شايف فيها بلاوي بس كله عبالي الكلية ما زالت محترمة :(
للأسف انه كلية الآداب بدول بره حق الطبقة المثقفة و الناس الراقين ,, عندنا بالكويت اهي و العلوم حق النطيحة و المتردية إلا من رحم ربي :(
و عيسى العيسى مو دكتور مال دندون ;Pp
اهو محاضر و ماخذ عدة دورات بهالمجال و من خبرته الشخصية هم ,, الدورة وااااايد حلوة ;)
*****
post
والله الهندسة الف مرة ارحم من الآداب ,, الآداب ما ينافسها بهالامور إلا العلوم ,, العلوم يمكن تتفوق عليها من الحجي الي اسمعه :/
و انا حاطها متعمد بدلية ;Pp
عفره
هذولي ناس حتى لو الله يسترهم اهم يروحون يفضحون نفسهم بنفسهم :/
الله الهادي يا معوده :)
3afwan bs su2al
hal el thameer 9ij mu2nath wala ur joking ;p !!!!
i know btkf5ni shaga elsalfa .. bs lel2saf el kuwait kil mala o lelen7dar !!
Jouja
laaaaaaaaaaaa2 el kilma mothakra bs ana aqld Dawood 7sein b Enta5bo Um-3li ;Pp
يبه نام وضميرك مرتاح
انت سويت اللي عليك
واع اش الصورة هذي
والله هالأشكال اهي اللي مخربة الكلية ، والله الآداب ماكو مثلها بس هذيل الع.. ما ادري من وين طالعين كل ماتتلفت تشوفهم
والله ما صارت آداب هذي صارت ...
تعال شوفهم بعد الساعة 3 صج صج مصخرة
بس الواحد شيقول غير الله المستعان !!
كبرياء وردة
أششووه ;D
*****
fleur de rif
it suits the context ,, isn't it ??
Sweets
اييييي و انتي صوتيلهم بعد عشان يتكاثرون مثل البكتيريا بالكلية ;Pp
شوف اخيي انا بالغلط مريت كيفان
@@ شفت اللي ما يتسماش هذا وانا قاعده بسيارتي
ولانه رفيجتي تدرس مناك
بكل بساطه سألتها سلن مستحمله الوضع
اهي تقول انها بتنين وسالت طالبه ثانيه تقول انا بحول مصبره عمري
الله يستر لما اخذ بكيفان @_@
الله يوفقك وتتخرج وتفتك
اوووف من صجك..؟؟ المشكلةماتطلع هالسوالف الا من الي يقولون عيب وعيب.. وعلى فكرة كثروا العبايات والنقابات الي احسهم لابسينه مشان محد يعرفهم .. مو حبا فيه .. أولا وثانيا .. للأسف لأن وايد يقوولون الآداب العامة ومنع الاختلاط كثرت الحركات القذرةاتوقع على ايام الاختلاط صج اول كان قليل هالشي واهلنا شهود على ذلك ... مشكلة والله هالقليات العبيطة .. وحب غيرتك والله جن زين كل الشباب ج1ي شباب اليوم اليوم يفكر براحته وعلى باله اخته محد يقدر يمسها ..
اول شي .. يعطيك العافية على البوست
ثاني شي : ضحكوني الألمان صج هيلق
ثالث شي : الشكوى لله
رابع شي : الأخلاق راحت عند البعض
الصراحة مو بس بالجامعه تشوف هالاشياء وهالأشكال .. انا صرت بيتوتيه من كثرتهااا
واخيـــرا .. راحت الديرة
terkwaz
وييييه المصافط سالفتها سالفة
مرة اذكر بالفاينل لما قالوا بيصكرون الشوارع انا رحت مبجر
الله وكيلج المصافط صارت شارع الحب ,, ثنتين جدامي نزلوا من سي ال اس و لا نزل وياهم واحد من السيارة رافقهم عيني عينك جهاراً نهاراً :/
و هذا غير الي شفته بالمصافط ذاك اليوم
الله يستر علينا انا اقول
*****
طموحة مملوحة
المشكلة انه اهم الي يطالبون بمنع الاختلاط و اهم الي صاكين راس الأمة بالأخلاق و بالاخير يأتون ما ينهون الناس عنه :/
azzurriya
الألمان مسوين مشكلة وين ما يروحون والله ما تنلامين بصراحة اذا صرتي بيتوتية من سوالفهم
انا شفتهم بالمسيرة مالت عيد التحرير بغيت اطق على راسي من المسخرة الي شفتها :/
الألمان ؟؟ LOL
لا خلاص ماني مصوته لهم ، بصير اسلامية احسن لي ;p
خو أنا من الحين شايلة نوتهم :D
Sweets
يعني يا اقصى اليمين يا اقصى اليمين من الناحية الثانية ,, توسط ماكو ;Pp
LOoooooooOL
لا ماكو توسط ;p
يا ظلمة يا سرايين :p
إلي سويته عين الصواب..
والأخلاقيات بدت تتلاشى بهل بلد :(
والجامعة ماهي إلا مجتمع مصغر من المجتمع الكويتي.. بس المفروض تكون فيه الطبقة محترمة بما إنه أعلى صرح أكاديمي
بس بالكويت ما ينطبق علينا هل شي
Sweets
lazm lazm ykon feh tawaso6 ;Pp
*****
Sa7ba Side
laha Allah hl Q8 :(
انا معاك شايفه بلاوي بالكليه بس نوعي ما احب اتكلم مالي شغل بأحد :x
عندنا بالخالديه في هالسوالف بس قليل تشوفها .. و الصج ينقال ان لو كانت موجوده نشوفها بسكوير الجاليات اغلبهم مو كويتيين
انا الكورس الي داومته بكيفان شفت العجب !!
سويت الي عليك عشان ما تكون " شيطان اخرس "
ويزاك الله خير
Engineera
كيفان و يا طلابة كيفان ,, هالكلية كل بلا بهالدنيا فيها :(
Post a Comment