Time For Mourning

At 8:15 of last night , the Angel of Death passed by my Granma's ( Balqees ) room in Al-Amiri Hospital :(

She suffered lots of pains in her life , may she find peace now :(

GoodBye Granma :(

شنوووو هذااااااا @@

لكل واحد فينا بهالحياة مشاهداته

و تختلف هالمشاهدات من شخص لشخص

في شخص مثلاً يشوف أكبر المصايب مجرد شي عابر

و بعضنا يشوف أصغر الأمور و توافهها شي كبيير

لكن مو هذا موضوعي

موضوعي اهو مجرد ذكر لبعض الأمور الي شفتها و قد تعجبكم و قد لا تعجبكم

,,,,,

البوتات !

شكلهم باللبس جداً حلو اذا كان اللبس متناسق

لكن بالأمس القريب و انا اتمشى مع رفيجي بالمارينا

عند فيرجن جان نشوف واحد و وحده يمشون

منظر طبيعي لحد الآن

لكن شنو الغريب

الحمش الي كان وياها شلون راضي انها تطلع جذي ماني عارف

الله وكيلكم يا جماعة حاطة ذاك المكياااج الأححححححححمر

و طبعاً لازم قوطي النيدو تحت الشيلة

و لابسة تنورة يا جماعة لي حد الشسمها ,, كلش كلش كلش بالمليمتر يا حبيبي بالمليمتر

و تحتهم مو لابسة هيلاهوب ,, لابسة بوت شطووووله صاير جنه هيلاهوب

و كان يبين فخذها و اهي تمشي

بالله عليكم هذي هيئة وحده تطلع فيها جدام الناس

يا بنت الناس حريتج ما قلنا شي بس حريتج تنتهي عند ازعاج الآخرين و مظهرج مو غثني إلا سببلي دوار البحر!

و اليوم وحده نفسها بالكلية جذي بس على العععععععععععن

الله يهديهم و يستر على بناتنا ما نقول الا هالشي

لكن والله منظر يلوع الجبد ;/

*****

الشماغات الملونة

هابين هبة الحين بالشماغات الملونة الي تنلف عالرقبة

اشوف طول عمرنا نلبس شماغات على روسنا و بلونين يا احمر يا ابيض و ان لبسنا احمر بالصيف قالوا شهالمقيزة

المهم ما علينا

هالشماغ هم حلو

بس هم مو مع كل شي

لكن مشكلتنا بالكويت لما نهب بموضة نلعن خير خيرها نخلي الي طلعها يتحسف

يعني هالشماغ ينلبس مع ملابس كاجوال اذا بيطلع حلو

لكن مسالة اني ادش الكلية من صباح لله خير

و تعبان حدي المرض شاقني بالنص

و اول ما ادش ولا بويهي وحده

والله يا جماعة اني ما اقول عن نفسي ملك جمال و شمتني

لكن يا جماعة بالعقل

انا وحده قصيره و ماني ضعيفة و مافيني ملامح نعومة و حتى شنبي اطول من شنب الي قاعد يكتب هالبوست

و لابسة عباة

و هم حاطة قوطي نيدو

و هم لافة شماغ نفس الي هابين فيهم الحين على رقبتي

يا جماعة حراااااااااااااااااااام عليكم خفوا شوي عالذوق العام

مو كل شي حلو علينا

يعني مثل ما اللوويست و الفنايل اللوسي مو حلوة عالمتان فهم الشماغ هذا مو حلو على وحده لابسة عباة

تبون دروس بالموضة اقدم لكم و بالمجااااان مع اني ما اتبع آخر صرخاتها و صرعاتها لكني عالاقل ما العن والدين الذوق العام

لا و الطامة الكبرى

اضغطني

والله مال تستلم حبيبتي الي اقرى مقالاتها كل يوم يمعة بالراي نادين البدير على هالخزعبلات الي تطلعونها

آآآآآل شو

الشماغ حرام لانه فيه تشبه بالجنس الآخر

و كان قضايا الامة انتهت و بس قاعدين الحبايب يقشرون " فصفص " و يشوفون شنو باقي قضايا ما افتوا فيها

*****

مقالة جعفر رجب اليوم بالراي حلوة

اضغطني

و بس خلاص تعبت من التحلطم و خشمي شقني بالنص ;D

seeeee you ;********

ذات الخمار الأسودِ

توني رايح الجمعية بشتري شوية علوج ليس إلا

توني صاعد من المصافط ولا اشوف جدامي

شنو شفت جدامي @@

ثنتين منقبات و معاهم وحده كاشفة ويهها

منظر طبيعي كوني ساكن بمنطقة بعد الدائري السابع ;D

لكن الي مو طبيعي الي شفته

وحده فيهم ,, الطرفية عشان اكون واضح لانها قبالي كانت

رافعة عبايتها نوعاً ما بحيث انه ساقها مبينة !!

يعني رافعتها مبين انها بقصد

لانه شافتني و انا اشوف ;D

و مبين انها مو لابسة شي طويل تحت ;D

دشوا الجمعية و انا دشيت وراهم

لاحظوا انه نيتي سليمة يعني انا داش بشتري علوج ;D

توني واصل عند برادات الببسي ما اشوف الا هذي الي تسحب سايد بريك و تلف علي لدرجة اني استهلكت الباقي من رشاقتي عشان اتفاداها ;D

مبين و واضح من المشهد انه المنقبات في الحقيقة ,, لسن منقبات

خاصة اذا ما عرفنا انهم كانوا يمشون مشية كلها ميوعة ,, و هذا تصرف لا يليق بمنقبة !!

السؤال هو

دام انه النقاب قاعد يحد " بعض " البنات الي يلبسونه على الغلط و صاير بالنسبة لهم مثل عائق

و دام انه البيئة الي قاعدين يخرجون منها المنقبات بالغالب ماخذة الأمر كعادات و تقاليد و لا تنطلق من منطلق شرعي

و حيث ان النقاب غير ملزم شرعياً للفتاة إلا يمكن في حال كان جمالها فتااااااااااااااااااااااااااااااااان

حتى بمصر الحين وزارة الاوقاف مسوية حملة ضد النقاب ;D

و للأسف ان بالغالب الغرض من النقاب ما نشوفه مطبق لأن و بحقيقة الواقع و انا طالب بكلية ترسها منقبات و مجاور لكلية المنقبات فيها لو يسوون فرعية ممكن يوصلون مجلس الشيوخ الامريكي من كثرتهم

اجد بصراحه انه المنقبة و للأسف مرتبط اسمها بالــ خفة !!

و انا هنا اقصد من أراهم و رأيتهم قبل قليل و لا أقصد بذلك التعميم

انتوا شرايكم بالنقاب ؟؟ ادري حست فيكم وايد ;D

أنـــــــا رديــــت لــعــيــونــكــم أنا رديــــــت ;D

أنا رديت من دبي ام السميييت

لك شنو هاي دبي
لك والله عَبالَك دتمشي بطوكيو
اي والله
!


لك شنو هاي عمايرهم تخبببببل !!
بس هاي بيها سلبية هواي خطيرة
هوااااي غااااالية ;D

ليش قاعد اتكلم عراقي مادري ,, كله من عدي الي بالمطار ;D

see you soon ;**

مــــــســــافـــــر ;D * UPDATE *

بسير دبي

تامرون على شي غير سلامتي ؟

;D

UPDATE ;D

THIS CITY IS VERY BIIIIIIIIIG and THEY ARE FOND OF HUGE BUILDINGS ;D

HaPpY 3eEeD

اخييييييييه لو خرفاننا جذي جان ما ضحينا فيهم و قعدنا نطالعهم ;Pp

عيييييييييييدكم مبااااااااااارك :)

My Friend's BrokenHeart ;'(

تعرف عليها قبل سنتين
كان جداً متحمس لعلاقته وياها
بالبداية ما كنت أدري انه يحب
الصبي كان يضحك على الشباب الي يكلمون
و يزف الي يلعبون عالبنات
لأنه كان يقولهم الدنيا دوارة
ليما على يوم جذي و احنا قاعدين بساعة صفا
جان اقوله
بوحمود ,, انت ما حبيت من قبل ؟
جان يقولي لا والله من قبل ما حبيت
توني ياي بقوله شي
جان يقولي انا الحين احب !

انا عيوني طلعت !
بوحمود يحب !!
شلون ؟
وين ؟
متى ؟

جان يقولي تذكر مناظرة القوائم الي صارت بالحقوق
قلتله اييي شلون ما اذكرها
و انت ما ييت بوحمود و انا زفيتك على هالشي
جان يقولي
تصدق انا كنت بالادارية يومها !
قلتله شنوو !!
اي والله كنت بالادارية

زين شعندك هناك بمعقل الرأسمالية الفاسدة ؟ ;Pp
جان يقولي كنت ناطرها
أثريها كانت معطته نوت و فايل و اهو متولع بويهها القمري
و خدودها الوردية
^^ لما قالي هالوصف حسيت انه سعد البياتي جدامي مو رفيجي ;D ^^
المهم قلتله زين و بعدين شسويت كلمتها ولا لأ !
جان يقولي ايييي من صجك
الاسبوع الي طاف ثلاث ايام داقلي خيمة بالادارية و الشماغ ما طاح من راسي و الريحة تقول مصنع جيفنشي متحرك
المهم يقولي قعد من الساعه 9 الصبح لين جريب المغرب بالكلية
ليما بالغصب قدر يكلمها و يعطيها الرقم

المهم قالي انه مع الأيام حبها حييل
و على قولته
كان يروح عند بيتهم يشغل اغاني علي العيساوي ;D
و على وجه التحديد اغنية
" كــون يــمــك "

يقولي كنت اقعد بالساعات عند بيتهم بس اسمع هالاغنية
رفيجي يمر عندي يقولي انزل الدوانية الشباب كلهم هناك
و ام رفيجي تييلي تقولي جاسم شفيك
و الولد سرحااااااان

المهم بعد هالفترة الصبي قطع عنها
يقولي خايف انها تحبني و انا مو ويه حب
ما يعرف يتعامل مع البنات و ما يبي يظلمها معاه يخاف انه بيوم
من الأيام يغلط عليها ولاشي من هالأشياء
فاهو آثر الابتعاد

اهو بعد هالابتعاد صارتله مشاكل
و طلع من الجامعة
و محد وقف وياه بذاك الوقت غيري انا و نسيبه
و انا الي شجعته انه يطلع من الجامعة عشان يلحق على عمره و لا يضيع نفسه

ليما بذاك اليوم و احنا خالصين من قزتنا
لنه كان ضايق خلقه
جان اقوله
" بوحمود ,, الي انت تحبها شصار عليها "
انا ما كنت ادري شسمها
ولا كنت ابي ادري لانه هالشي خاص فيه و محد له الحق يسأل عنه
جان يقولي تصدق مادري عنها
احبها بس ياخي والله مو قادر انساها بس قاطع عنها
قلتله ليش
قالي ,, تدري فيني مابي أحب
" طبعاً انا كنت قايله الي صاير معاي و اهو كان يضحك علي و يقولي انساها و مالك شغل فيها و لا تصدق انك تحب "
المهم جان اقوله الحين انت مو تحبها
قالي بلى :(
قلتله ما تبي تتزوجها ؟
قالي بلى :(
قلتله عيل يا مال الضربة شماله ما تكلمها ;@
جان يقولي مااادري بونجف مااادري
قلتله هااات تلفونك اهوو
خلني انا ادزلها مسج ;Pp
والله ما اذكر شنو كتبت المهم اني ما خليته لأني ادري ان خليته ما راح يسوي شي
و دزيتلها المسج
و قلتله خلني على علم بالتطورات الي تصير معاك
أريغاتو << متأثر بمسلم البراك ;Pp

شوي جان يدق علي الصبي يقولي بونجف هذي ردت علي
صوته كان متغير
قلتله خير شقالت
قالي : قالتلي الغلى انت الي تناسيته مو انا
^^ المسج كان اغنية حق راشد بس شنو اهي ناسي شكتبت ;Pp "

قلتله هاااااااااااا :×

هذي والله البلشة
قلتله
بررلها ظروفك يا بوحمود افا عليك بس
قولها كانت عندك ظروف قاهرة و محد يدري فيها الا الله ثم بونجف ;D

المهم جان بعدها بساعه جذي يصحيني من النوم
قلتله خير شصار
جان يقولي صاحبتها دقت !!
انا هني طقتني البوهة قلت شالسالفة ;D

المهم ولا اثري البنت قايلة حق صاحبتها و صاحبتها داقة على رفيجي قالتله
" ترى كلمة أحبك تكفي "

انا قلت هاااااااااااااااااااااااااااااااااااااااااااااااااااا
يتمنعن و هن الراغبات ,, شيطونااات ;Pp

و اليوم الي وراها الصبي كلم البنت
و اليوم الي وراه طلعو مع بعض
والله لو اوصفلكم ويهه شلون كان يكلمني عن لقائهم و اهو مستاااانس و الدنيا مو سايعته
قلتله زين متى الملجة

قالي اول ما ارجع من الحج
قلتله حلو خير البر عاجله بس كلم الأهل بالأول اخذ موافقتهم

و كلم امه و وافقت
و ابوه تحمس و وافق
^^ ما عندهم الا هالصبي الباجي كلهم بنات ^^

و حتى ابوه قاله بهالموتر الي عندك ما ازوجك بالاول اشتريلك موتر أوادم
بيني و بينكم موتره بغى يودرنا مرة ;Pp

و ابوه مدح ابوها و قال ايي و نعم هذولي خوش ناس
^^ على اساس انه يعرفها من الكلاس بس ;Pp ^^

المهم يا جماعة الخير مالكم بالطويلة

يوم اليمعة اللي طاف
و انا توني داش فراشي
و ليلتها الفراش الله وكيلكم داااااافي

شوي جان يرن تلفوني
ولا هذا بوحمود

" هلا بوحمود هلا حبيبي خير شصاير "
" بونجف أبيك تمرني "
" بوحمود لازم ,, والله تعبان "
" شفيك شنو كنت نايم "
" اي والله توني نايم ,, يعني ضروري ضروري امرك "
" والله هااا ,, خلاص روح نام بونجف حبيبي "

الصبي صوته ما يطمن
قلبي طاح ببطني
والله خفت لا يكون صايرله شي

شوي جان يدق مرة ثانية
" خير حبيبي بوحمود شفيك "
" بونجف لازم امرك "
" يبا مرني خلاص مرني انا قاعد "

والله ما طول عشر دقايق الا اهو عندي
" بيتهم قريب من بيتنا مو دايس ولا شي ;D "

انا لبست بنطروني و جاكيتي و طلعت
اشوف ولا الحبيب كاشخ
جنه معرس !

ركبت السيارة جان اسمعه يكلمها
يقولها خلاص مابيج تكلميني
و حسيت من نبرة صوته انه فيه داخله شي
و شي جايد
وده يبجي بس اهو اعرفه ما يقدر يبجي جدام اياً كان

المهم كل دقيقة يقولها خلاص
الله يوفقج
خلاااص لا تحنين
ليما آخر شي قالها فكيني عاد و صكه بويهها !

انا هني قلتله
خير ,, فليتوا ؟ ما مداكم !!

قالي تخيل
من الصبح طالع وياها
رحنا كارينوز
و رحنا سينما
و رحنا تشوكلت بار
و رحنا ميس الغانم
و آخر شي بنهاية هاليوم السعيد تقولي

" ترى انا مخطوبة حق ولد خالي "

انا هني حنجي طاح بحضني !!

قلتله من صجك انت
وين كلامها
وين وعودها
وين كلمة احبك الي تكفي !

يقولي اليوم قالتلي
انها كلمت امها و امها قالتلها ترى انتي محجوزة حق ولد خالج لا تسويلنا سوالف و لعب يهال و تحرجينا معاهم !

انا انقهرت اكثر منه
^^ yeah yeah you can tell ;X "

انا انصدمت بصراحة
و الصبي متنرفز
يقولي يعني شنو كانوا ناطرين امي تروح عشان يردونها و اطلع بالشينة جدام امي !!
و شنو يعني البنت محجوزة حق ولد خالها
و ليش تقولي الحين
و ليش من الاول ما قالتلي
و ليش تقولي انها تحبني
ليش خلتني اتعلق فيها

و المشكلة تخيلوا انها بعد كل الي سوته تقوله و بكل وقاحة

زين عالأقل خل يكون بيننا مسجات !!
مسجاااات !!
لابوووج ,, لابو آبوج ,, لابو آبو آبوج !!
^^ هذي من عندي مو من عنده ^^
^^ انا هني بغيت ابجي لما سمعته شلون يتكلم ^^

قلتله
هون عليك يا بوحمود افا عليك بس
مو انت الي كنت تقول السمكات بالبحر كتاار
ياخي عدها سمكة و راحت افا عليك بس
ولا تسوي بعمرك جذي
^^ كان يدخن بشكل مخيف حزتها الزقارة ما تطول دقيقة بايده ^^

شوي جان يقولي
والله يا بونجف الحين حسيت فيك لما كنت تقولي انك تحب فلانة و شنو الشعور الي حاشك

^^ ما اخفيكم قلت بقلبي ,, اي منت اول ولا آخر واحد ,, كلهم يعيبون علي و بعد فترة اشوفهم بحالة اصعب من حالتي ;/ ^^

جان اقوله هونها يا بوحمود افا عليك بس
زين انها يت من الحين يمعود

و قلتله خلاص انشالله يوم الأثنين انت محرك رايح الحج و هناك بتنساها انشالله
و الحمدلله ليلتها عدى الموضوع و خليتها يستانس عالأقل ما نام و اهو متكدر

*****

ترى هالقصة صجية بكامل احداثها
و من خلالها بوجه رسالة

يا فلان و يا فلانة
اذا انتوا منتوا قد الحب
ولا انتوا مستعدين تواجهين الأمواج الي بتييكم من وراه
فلا تحبون
و لا تخلون احد يتعلق فيكم لي هالمرحلة

خافوا الله بالناس و بقلوب الناس
ترى الدنيا دوارة :)


إهداء للقلوب المحطمة :(

إنتهى المشوار

آخر الرجال المحترمين

بكل بساطة

ما هو تعريفك أو تعريفج لآخر الرجال المحترمين ؟؟

:)

شفتك ولا حطيت

The Official End :)

Now I'm satisfied :)

Friendship Qs ;Pp

:@

IKEA's HOT DOG !

روحوا الأفنيوز
و روحوا ايكيا بالذات
و لا تشترون شي
و ميزانيتكم 500 فلس فقط
و انتوا طالعين بعد الكاشير في كفتيريا
اخذو منها أحلى هوت دوغ دون هوان كلاه للحين
;D

it's sooo tastyyyyyyyy ;D

DC

هذا تالي تقديري لك يا الوسط :(

بس ما أقول إلا

مشكووووووورة

تردين الصدق ما قصريت :(

Perdida :'(

أول مباراة !!

بمناسبة انه باجر مباراة الديربي بين العربي و الكودري و بمناسبة اني وايد متحمس لاني من زماااان مو رايح مباراة

اهو في شي غير بملاعبنا

صج انه المدرجات مغبرة

و الملاعب جنها راس واحد حايشته ثعلبة

و اللواعيب الله بالخير

بس أحس شي يمشي ويانا بالدم انه نحب مباريات دورينا ,, خصوصاً العربي و القادسية ;D

أتذكر انه أول مباراة رحتها بحياتي كانت نهائي كاس الأمير بين العربي و الساحل

أيامها ما كنت أدري عن شي اسمه كرة خارج حدود الخليج العربي ;Pp

غير انه كل 4 سنين في شي اسمه كاس العالم و ما كنت أحبه لأن الكويت ما تدش فيه ;Pp

المهم نرجع لمحور حديثنا

اذكر انه يومها لما رديت من المدرسة جان امي تقولي اليوم المغرب بوديك الدعية هناك في مفاجأة لك

قلتها شنو المفاجأة ؟؟

جان تقولي بتروح مع عمو عدنان المباراة !!

انا ويهي صار جذي xD

المهم عالعصاري جذي جان امي تقولي روح اسبح ,, رحت سبحت و خلصت

جان تلبسني ملابس جني رايح غدى العيد مو مباراة ;D

و قعدت طول الطريج تقولي لما تروح هناك قول حق عمو عدنان مشكور و مو تأذيه و و و و و و ;D

المهم وصلنا هناك ,, جان اشوف بالتلفزيون ولا بادية المباراة قاعدين يعزفون السلام الوطني !

عمو عدنان وينه ؟

بالمناسبة عمو عدنان ولد عمي بس لأنه أكبر مني بعشرين سنة فصار أهو أصغر عمامي ;D

المهم شوي جان يبين عمو عدنان و يقولي يلا بنروح المباراة ,, قلتله يمدي ؟

جان يقولي مالك شغل نوصل نوصل ;Pp

والله و يصير نيد فور سبيد بالشارع ;D

المهم وصلنا

ولا نشوف أشكال ما أنزل الله بها من سلطان ياية تشجع نادي الساحل العظيم ;Pp

المهم يينا الحين بندور دخلة ,, ولا ماكو إلا باب واحد مفتوح و صاير ورى القول و الدوس كله على هالباب

و زحمة

و صكة جتوف

و انا كنت وقتها توني طفل ;Pp

المهم و اسمع مال الشرطة يقول " يا جماعة روحوا البوابة الثانية فتحوا الباب "

و الناس تصارخ لأ إلا نبي نمر من هني ,, أثري هذي خدعة من الشرطة عشان يطشرون الناس ;D

المهم انا من الخنقة قلت حق عمو عدنان ,, خل نسمع كلامهم و نروح هناك ,, جان يقولي انت اسكت مالك شغل ;Pp

والله و جان ايرني بين الناس و صعدنا فوق ,, أثري بعدين اكتشفت انه انا كنت واسطته ;Pp

المهم

لما اشوف المباراة الحين اكتشف انه كانت بقمة السخافة و السقالة ;Pp

بس انا كنت مستاااااااااااااااااااااااااااانس

و لما العربي حطوا القول الأول ,, يا اللللله ما الذي يحدث ,, ماهذا يا العربي ,, كنت اصفق بطريقة غبية ;Pp

و لما الساحل حطوا التعادل تحبطططططططططت

ليما آخر دقيقة و ولد عمي قال الظاهر المباراة بتصير اضافي

و يرفعها مالك القلاف

على راس كلاوديو

و قوووووووووووووووووووووووووووووووووووووووووووووووووول

و يهتز الملعب

طم طم طم طم ,, طم طم طم طم

و الي يصفق و الي يصارخ و الي يناقز ,, شي خيالي كاااااان

صج احساس يونس لما الواحد يكون بين الجمهور و فريقه اييب قول بالدقيقة الأخيرة من النهائي و يفوزون بالكاس

خصوصاً لما الجمهور يصارخ مرة وحده ,, هياااااااااااااااااااااااااااااااا

و نقزتهم مع بعض و التصفق و

الواحد صعب يوصف هالشي بصراحة ,, مو تضحكون بس صج لما اتذكر هالمباراة احس انه ودي تنعاد ;D

و باجر باخذ معاي ولد اختي ,, المقصيدي أكثر من عرباوي ;Pp

عشان بنروح نشوف ديربي شارع الحب ;Pp

دعواااااتكم للزعيييييييييييييييييييييييييييييييييييييييييييم ;D

قالها بو بولتن ,, بس محد صدقه

BORING :(

Thinking about it just kills :(

When a man loves a woman ,, she can bring him misery :(

يوم ,, مش زي كل يوم

وناااااااااااااااااااااااااسة

حيل مستااانس من ردتنا للمركز الثالث

طلعت من صالة الفرز تقريباً الساعه 12 إلا ربع بالليل

و رحنا الدوانية على ما رديت البيت كانت الساعه 2

رديت يا جماعة الخير حسيت اني سكران من كثر التعب ,, من الساعه 6 قاعد و غير الشغل بالكلية كنت قاعد أصور بالفرز

المهم حطيت راسي عالمخده و وقت الساعه على 7.30 الصبح

و قعدت الساعه 7.30 بس الي صار انه رديت حطيت راسي عالمخده و ما قعدت إلا

8.40 !!

ييت لبست ملابسي جان اشم ريحتي ,, ويييييييييييييييييييييييع ريحتي خايسة نسيت اسبح قبل لا انام ;Pp

المهم جان اقول مش حالِك كلها محاضرة و بتمشي ;Pp

طلعت من البيت بتمام التاسعة

تسع و ربع وصلت عن دخلة المطار من الدائري السادس ,, ولا الشارع مصكر

جان اتذكر انه رفيجي قالي في طريج رقمه 55 هذا سالِك

المهم رحت هالطريج و عديت اول اشارة ,, لا والله الشارع سالِك ;Pp

ثلاث دقايق بالضبط

جان يتصكر الشارع :(

المحاضرة الساعه 9 ونص

وصلت عند الخالدية و كيفان بالضبط 9:45 !!

و انا ياي بدخل صوب الحارتين الأخيرتين عند الاشارة جان المراية اليمين مالت سيارتي تطق بسيارة نقل صغيرة ;Pp

انا قلت طقة نفس كل مرة ,, شفت المراية ,, ولا ماكو مراية ;Pp

و اشوف سيارة هذاك ,, حتى ما تأكدت اذا فيها شي ولا ما فيها جان امشي ,, لما وقفت عالاشارة اشوه ورى قاعد يصارخ علي ,, جان اقول عند صدام و انا شكو فيك ;D

المهم وصلت الكلية بالغصب عدلت الليت عشان لا يطيح

و اصعد لي الطابق الثالث و ما القى الدكتورة

أثري معطتنا off ;Pp

المهم جان اطلع من الكلية و اروح شويخ الصناعية

بالغصب لقيت محل يبيع مرايات فورد ,,, محل الرضوان اسمه يستاهل الدعاية خصوصاً العامل الي داخل الي اسمه روي ;D

المهم نطرت نص ساعه على ما وصلت المراية ,, و لما وصلت ولا مو المراية الي انا أبيها :/

و أنطر نص ساعه مثلهم على ما توصل المراية الي ابيها ,, و لا تشوفون شصار فيني

بروحي منشول و العرق تاكني من الحر و فوق كل هذا الدشداشة صيفية يعني الوصاخه على كيف كيفك ;Pp

المهم بعد ما خلصت هالسالفة رحت الخالدية لأني بصور مهرجان الوسط بالعلوم

المهم طبعاً صار فيني فلم هندي على ما لقيت موقف

و انا قاعد أمشي داخل 1خ

ولا ,, قا ,, قا ,,, قا ,, قااااااااااااااااااااااااا

^^ يعني مؤثرات صوتية ;Pp

بنت خالتي بويههي

قلت بقلبي الحين لما اكشخ ما تبينين و لما حالتي حالة تطلعين بويهي ;Pp

المهم جان تشوفني و تقولي ,, سلاام

انا قلتلها ,, هلااااا شلونج شخبارج انشالله مرتاحة ,, اي انا زينة انت شلونك ,, والله انا تمام الحمدلله مرتاح ,, حتى ما وقفت ;Pp

طبعاً أنا لاعتبارات خاصة ما وقفت أشرحلكم اياها في المستقبل إن شاء الله في بوست منفصل << أقلد الشيوخ الي عالأنوار الي يقولون انشالله هالموضوع سنفرد له ليلة مخصصة ;D

و هذي كانت نهاية الأفلام بهاليوم ,,

و نسيت أقولكم ,, الدكتورة كانت دازة ايميلات بس انا ما جيكت الايميل الي تقولنا فيه انه اليوم

OFF ;D

سؤال الحلقة :

منو فيكم شافني أمس بفرز الانتخابات ؟

أمي و أخوي قالولي انهم حطوني و أنا أزف اقولهم يوقفون التصويت بالآداب ;D

HIYAAAAAAAAA WASA6iYAAA ;D

شعب واحد حرٌ ..

المدرسة الوطنية
القائمة الأم
رمز البقاء
الدستور
الحريات
الديمقراطية

و قبل كل هذا

الـــكــــويــــت

قائمة تعاني من زمان
ما أنكر هالشي و محد ينكر هالشي و الكل أصلاً يدري بهالشي
خلافاتها الداخلية البعيد يدري فيها قبل القريب و الكل يدري انه هذا عيب هالقائمة الشرعي

كعضو عامل للسنة الرابعة بالقائمة
أعترف
بأن كوني طالب في الجامعة و عضو عامل في الوسط الديمقراطي جعل مني شخص مختلف ,, و إنسان مختلف بل و أكثر من ذلك
ترسخت لدي قناعة بأن بضع من شباب و شابات هالقائمة اهم مستقبل هالبلد

ماكو قائمة تهتم بتوعية الطلبة بحقوقهم و حرياتهم الي كفلها الدستور و القانون إلا الوسط
ماكو قائمة تدافع عن الدستور ككيان واحد بجامعة الكويت إلا الوسط
ماكو قائمة تؤمن بإن متى ما الكويتيين حكومة و شعباً تمسكوا بالدستور فراح يكون هالشي هو الي يجعلهم متقدمين إلا الوسط

قائمة يفتخر الطالب انه ينتمي لها
يفتخر انه عالأقل يقول انه بيوم من الأيام كان عضو عامل فيها
لأنها قائمة مبدأ
قائمة مو متخذة الهدف فوز و رقم ,, لا لا
قائمة همها الوعي قبل كل شي

قائمة تجمع الحضري و البدوي و الشيعي و السني و مختلف الأيديولجيات بخليط متجانس متماسك تحت مظلة الدستور الكويتي الي ساوى بين الجميع

قائمة تفتخر انها وقفت بويه التيارات الظلامية كلها ليما أثبتت إنها اهي الصح و الباجين مجرد ركاب أمواج متى ما حلت لهم الموجة ركبوها ,, لا الوسط مو جذي ,, الوسط اهو الي يتحمل الموجة و تبعاتها ليثبت انه صح

أعترف بأني قبل لا أدش هالقائمة
كان ولائي و إنتمائي الأول و الأخير للجماعة و لمصلحة الجماعة و الجماعة فقط

لكن هالقائمة ... يا جماعة شقولكم

قائمة تفتح عقول طلبتها بطريقة انا من اربع سنين ماني قادر أوصفها للحظة كتابة هالبوست هذا

الكلام وايد و لو بحجي عن هالقائمة ما أخلص

بيقولون مزورين ,, بيقولون قائمة مصخرة و وصاخة ,, بيقولون رداية و مو قادرين يطيحون الإسلامية ,, بيقولون قائمة همها اختراع المناصب ,, بيقولون هذولي ما يدرون وين الله قاطهم و لازم يتحالفون مع المستقلة عشان الكويت ,, بيقولون و بيقولون و بيقولون

لكنها بتظل الأصل و الكويت و معنى الوطنية داخل أسوار الجامعة و الباجين مجرد صورة رديئة تعكس الواقع الرديء خارج و داخل أسواء الجامعة

و طول ما إن في ناس تصارخ بالجامعة و اهي تقول

شعب واحد حرُ لا للطائفية
لا سني ولا شيعي
فوحدة وطنية

ثقوا تماماً بأن الكويت الله حاميها بوجود هالشباب و الشابات الي كل همهم

الـــــــــكـــــــويــــــــــت

و يوم الاحد الياي موعدنا مع جولة يديدة ,, ما راح تكون جولة أخيرة بالتأكيد
لكن نبي منكم دعواتكم للوسط :)


و إصنعوا عهداً جديد :)

ما خلوا شي أهل العيون المسحبة !!

Many people around the world believe that Yanni is the best pianist in the world and also they believe that he and his band make the best music around

That's true actually ,, Yanni's band and solo music notes are top rank ,, but ,, in this world of Music and Arts in general ,, there is nothing called " THE BEST "

This Korean pianist ,, Yiruma is just marvelous ,, just listen to this note ,, it's called ,, River Flows in You

HE's GOOOOOOOOOD ;D

ما ظل بيها إحترام :'(

كلنا نعرف الأونو ,, لعبة بريئة جداً ,, أخف و أسهل و أحلى من الجنجفة بوجهة نظري عالأقل ما تقدر تقول حق الي معاك بالفريق انت يا ابن الكذا و يا كذا و يا كذا و يا كذا ,, لأنه باختصار انت الفريق بهاللعبة

المهم ,, نعود لمحور الحديث

عندي بنت اخت الله يخليها لي و السامع يقول آمين و يخليلكم عيالكم و عيال خواتكم و اخوانكم ,,

المهم ,, هالبنت اخت ,, عطوفة ,, أمها معلمتها شلون تلعب أونو

لعبت معاها بأول اسبوع برمضان ,, و كسرت راسها تكسير بدون مبالغه يمكن فزت عليها 10-4

الاسبوع الي وراه ,, بطلعة الروح فرقت عنها بقيمين

عاد أمس كانت القراند فينالي بيني و بينها

لعبنا أول قيم ,, فزت عليها بسهولة

القيم الي وراه جان اهي تفوز

و الي وراه

و الي وراه :/

بالضبط بالضبط ,, الدرو فور داق اقامة عندها ;D

المهم رحت بعدين الجمعية مع يوسفو ولد اختي شرينا قولدن فيش من جمعية الدسمة ,, أما حتة دين مزز بهالجمعية ;D

المهم نرجع لموضوعنا ;Pp

رديت من الجمعية و كلي حماس و نشاط جان أفوز عليها بقيم

صارت النتيجة جم ,, 3-2

حلو الكلام ؟ ;D

توسع الفارق بينها و بيني لي 6-2 :(

جان افوز بالثالث ,, جان توصل لي 8-3 :(

هني انا استجمعت قواي مرة ثانية و رتبت صفوفي و وصلت لي نتيجة 8-6

شوي جان تييب التاسع ,, أنا وصلت لي الثامن بشق الأنفس

شوي و انا ياي بييب التعادل ,, قلت أونو ,, هالحركة سوتها فيني مليون مرة أمس :(

قلت أونو ,, جان تشوفني و تعطيني ابتسامة من التي هي و تقول

لأ مو أونو

و تقط الدرو فور ,, و كانت شايفة أي ورقة عندي و اهي قالت اونو ,, و جان تغلبني :(

تعرفون الي انا منصدم ,, لأنها فازت وصلت لي العشرة ,, و انا حاط ايدي على راسي من الصدمة جان اشوفها تضحك علي و تقولي

كسرت راسك :'(

و قعدت اهي و اخوها يناقزون بالصالة و يضحكون علي :(

أنا تهزأت يا قدعان

المباراة الياية راح تكون لرد الإعتبار

it's a matter of honor ,, it's a matter of reputation ;D

و بس سلامتكم ماكو إهداء اليوم احنا برمضان ;Pp

ملاحظه : عطوفه موجوده بالفلكر مالي ,, دوروها تلقونها ;D

شكلها ما يوحي

بس قولوا ماشالله قبل لا تشوفون الصورة ;D

smile wla kashra ,, what's the difference !

قبل سويعات بديوان النيباري بالضاحية
كنت قاعد أصور غبقة المنبر الديمقراطي

حلو ,,

حلو ;D

المهم انا شفت انه دام النائب العزيز و المحبب إلي صالح الملا موجود فلازم أصور معاه و أستغل الفرصة ,, هي ساعة الحظ دي بتتعوض ;D

اهو كالعادة لما صور بابتسامته الهادئة الخجولة

أنا كنت مكشر نفس هالحبيب

" :D "

لأنه لو ببتسم نفسه بطلع جني منفس و معصب و غاصبيني أصور معاه ;D

خو بعد مستانس ,, صج اني طالع بالصورة مثل اليهال الي مستانسين بالعيدية بس كيفي مستانس ;D

المهم اخوي و أمي شافوا الصورة جان يقولولي و ليييييش الكشرة ليييييييييييييش ,, مو عاجبتهم كشرتي
:(

اذا الواحد مستانس انه بيصور مع شخصية اهو يحبها
هل فيها إشكال اذا كان مكشر ؟؟

;D
:D
xD


seeeee yaaaaaa ;*

هوَ ولا مو هوَ ؟؟

دشيت الفندق

قعدت أتمشى بالمعرض أدور مكان المجلة

المعرض كبير و وايد حلو

نطرت وايد على ما وصل راعي المعرض

لكن بالأخير وصل

و نطرته أكثر على ما وصل صوب المجلة

المهم انه بالأخير وصل صوب المجلة و صورته و خذيت راحتي بعدين

رحت الصالة الثانية

و أنا قاعد اصور ,, في ناس يرضون في بنات يتعززون في بنات ينحاشووون

المهم اني وقفت عند بوث بصوره

كنت ناطر البنات يتيمعون جان عيني تطيح عالبوث الي يمهم

شفتها جان أسرح

هالويه وين شايفه من قبل

إهيا ولا مو إهيا ,,

بعدين جان أصور هالبوث و تعمدت انه الصورة تطلع مو حلوة عشان أظل واقف

شفتها مرة ثانية جان تلمحني و انا اشوفها

الملامح ,, جنه اهيا

بس مادري حاس انه مو اهيا

ليش شافتني جذي

شمسويلها هذي خو انا ما اعرفها

ليش تشوفني بنظرة خايسة :/

عاد هني جان اتذكر اغنية عبدالمجيد

هوَ ولا مو هوَ

تهقون هوَ ولا مو هوَ ؟؟

:)

دعوة للإسترخاء :)

Something's Gotten Hold of My Heart

Live the moment :)

خرج و لم يعد !!

5roofa

Harlow

Wenhom ??

Wa7da 7a6a post y5awf mn zman wl thanya mas7a blogha w kil mot3lqatha mn el net !

a7ad y3rf 3nhom shi ??

..

Jouja

Bagpipes

EMJOOOOOOy ;D