DETTOL
الديتول ... كلنا نعرفه ... منو ما يعرفه
قوي على الجراثيم ... ماسح البقع ... لا صعوبة مع ديتول
يزيل أصعب أنواع الدهون و يلعن خير البُقَع
لكن شنو يصير لما هالديتول يحوش .... المخ ؟؟
شنو تتوقعون يصير لما المخ ينغسل بالديتول ؟؟
الجواب : راح يصير نظيييييييييييييييييييييييييييف
زين لما يصير نظيف يعني شنو أقدر أسوي ؟؟
الجواب : تقدر تحط فيه الي تبي
******
ما فهمتوا شي ... صح :)
لا تقولون فهمتوا لاني أدري انكم للحين انا شنو أقصد ;p
بالكويت .. بالتحديد بالروضة و قرطبة عندنا مركزين .. أو ليش الجذب ... جمعيتين لغسل العقول و الأدمغة
أنا قبل كنت أقول يمكن يا فلان انت تبالغ ... يمكن كلام هالصايعين الضايعين الي ما دفعوش المصاريف كله جذب بجذب
لين ذاك اليوم " قبل يومين مو وايد " كنت مع زميل لي بصالة التسجيل بشويخ نؤدي واجبنا القائمي
المهم انه الي معاي كان قاعد يسولف مع أحد " أبناء الحركة " و الي اهو بطبيعة الحال بيكون عضو بالائتلافية
المهم يا محفوظين السلامه الولد قال جم شغله تحط العقل بالكف
الكويتي المسيحي هذا لازم ما نتعامل معاه لانه كافر و راح يضرنا و ما نبيه ؟
لازم تتعدل المادة الثانية من الدستور ( أدري قديمة بس يحبونها الشباب الثائر ) ؟
الكويت دولة إسلامية ؟
أهم شي عندنا الشريعة بعدين الدولة و المواطنة و هالأمور ؟
تبون الأحلى
" أنا مو سني ... لكني أعرف انه عند السنة ولي الأمر هو الحاكم "
الأخ الفاضل الي يكلمني ذاك اليوم تدرون شنو قال
الحاكم مافيه مواصفات ولي الأمر لأنه ولاية الأمر لها مواصفات خاصة ؟
تبون الي صج ما تتطوف
إذا كنا أقوياء و متمكنين و شفنا انه الحاكم ما يطبق الشريعة راح نخرج عليه ؟؟؟
يعني بالضبط " بخلاف انهم معيشين هالابرياء بوهم " قاعدين يغذونهم بأفكار مسمومة تعود هؤلاء على سماعها و الآن أتى وقت التطبيق .. قاعدين يربون جيل قائم على عدم المساواة بين البشر و بين الأجناس المختلفة .. قاعدين بالضبط يخرجون أجيال إرهابية
يا ناس حرام عليكم ... حرام عليكم الي قاعدين تسوونه بهالبلد حراااااااااااام
انتو مجرد أداة ... شيلوا الغطا الي على مخكم يا شباب يا بريء و راح تكتشفون انكم مجرد حجر بيدق بايد ناس لها مخططاتها الخاصة و محد راح ياكلها غيركم و قولوا دون جوان ما قال
No comments:
Post a Comment