امس و انا قاعد اقرى الجريدة طاح بين ايدي كتيب صغيرون مجكنم " ذو " ألوان زاهية و مزين بعنوان
" من منكرات الأفراح و الأعراس "
الكتيب بمجمله يقولكم لازم بوقت العروس و الافراح تسوون سرادق عزاء و ما تظهرون أي نوع من أنواع الفرح
لأنه انتوا لازم ما تفرحون و أمه أي واحد فيكم يعبر عن فرحته يقلبون راسه فوق ريله
من الاشياء الي أثارت انتباهي ألا و هي من منكرات الخطبة
انه ما يجوز الحريم يزغردون = اليباب !!
يعني بعرف شنو راح يضر اذا الحريم يببوا ... فرحة ... يبجون يعني ولا يشغلون مارشات عسكرية !
قراءة الفاتحة أيضاً من منكرات الخطبة !!
اوكي اهي ما تلزم بالزواج او العقد على الزوجين لكن لو قروا الفاتحة على نية البركة هم منكر بعد !!
نروح حق منكرات عقد النكاح = الملجّه
الامتناع عن تشبيك الاصابع او فرقعتها أثناء عقد القران لأنه يجلب الحظ السيء !!
شهالخرافات يا جماعة !!
نروح حق الفاصل الكوميدي الأقوى
منكرات الأعراس و حفلات الزفاف
ذهاب العروس إلى الكوافيرة حراااااااااااااااااااااااااااااااااااام
لانها تكشف عورتها و تقص شعرها مثل الكافرات و هذا حرام كما قال البحبحاني ;p
التشريعة و هي أن تلبس المرأة ثوباً أبيضاً طوييييييلاً يحمله الأطفال من خلفها .... يا حريم ... يا آنسات ياللي بتصيرون سيدات
الله الله في الميني جوب ;p
خروج النساء متطيبات متبرجات .... يعني روحوا العرس بخياسكم بريحة مطابخكم بريحة كل شي خايس روحوا اياني و اياكم أشم وحده ريحتها بخور أو دهن عود أو بارفان ... لا تلوم إلا نفسها ترى نقيم عليها الحد ;p
لا تقولون بالرفاء و البنين لأنها من دعوات الجاهلية ... خو انتوا بروحكم مو ناقصين يا جماعة
الكوشة هم ما تجوز يا جماعة لانه الريال يكشف كل النساء الفاسقات المفسقات المتبرجات ... ويلهن لا يدرين ما فعلن ;p
و طبعاً بعد كل هالتحريمات أكيد المغنين و المغنيات و الطقاقات حرام و لازم تبدلون هالسوالف كلها بالاناشيد و يفضل الجهادية منها ;p
2 comments:
اللي عجبني مو المنكرات
التعليقات فلم!
يعني من منكرات الاعراس, الاعراس
بالله الواحد يحط ايده على خده ويتذكر فلم حزين يعني
حتى فرحتهم نكد
لووووووووووول
مادري شفيني اعلق على بوستات قديمه
بس احسن ماكو احد هني p;
اللي كاتب هالمنكرات
الله يعينه على روحه :)
Post a Comment