اليوم كنت قاعد أشوف حكايات عالمية
تصدقون اكتشفت انه في وصف افضل حق الولد الي ما يحصل الي يبيه
الي اهو
" الولد ذو الشعر الأحمر "
حكاية من التراث الإيرلندي
لا لا لا هذي مو مالتي ;Pp
المهم خل اقولكم شالموضوع
اهو للحين ما صار الموضوع عشان لا اجذب عليكم و عشان لا تقولون شفيه مستعيل ;D
الموضوع الي يسلمكم
انتوا قريتوا قصة حسين و طيبة ؟؟
عرفتوها ؟؟
الي كتبتها روابي البناي بالقبس
الي ما قراها هذا لنكها
قريتوها ؟
عرفتوا الغمنده ؟
ايييييييييييييييي زواج الشناكل من السنافر ;D
انتوا شايفين فيها مشكلة ؟؟
انا واحد عن نفسي ماني شايف فيها مشكلة :)
بدون لا اجذب عليكن << عشان صبا هذي ;D
المهم خل اقولكم
عشان اعطيكم key fact
اخوي متزوج من سنية ,, و عايشين حياة سعيدة و لله الحمد
بس مو هذا الماضوووووع
الموضوع اني قلت حق امي خل تقرى القصة
اول ما قرت سطرين منها جان تشتغل بالتريكو مالها !!
قلتلها يمااااا اقريها
جان تقولي النظارة مو يمي
يبتلها النظارة
يما اقريها
وييييييييه بدى المسلسل
طبعاً لما يبدى المسلسل معناها خلااااااااص
امي توصل لي مرحلة النيرفانا ;D
المهم
جان بالاخير تلتفت صوبي و تقولي
" شوف يا عليوي ,, لا تسويلي فيها رضيت حق اخوك ما رضيت حق اخوك ,, كفاية الي ياني من قبل و رجاءً مابي مشاكل و عوار راس "
انا هني انصدمت @@
يمااااا
لا تقولي يمااا ما يمااا ,, سمعتني
انا هني جنها جرحتني في القلبي يا اخوااان @@
اهو انا اعتقد المشكلة مو بأمي
المشكلة انه الناس دايماً تركز على هالمواضيع بانها مواضيع سلبية
ما انكر اني سمعت اقاويل لما اخوي كان بيتزوج من طقة
" يعني بالله بناتنا شفيهم عشان يتزوج سنية ؟؟ "
اييي والله يا اخواااان هذي منظرة سمعتها بالعيوني !!
و جذي صكرتها امي بويهي
باجر عقب باجر فرضاً يعني فرضاً صار هالشي
امي عشان عوار الراس بتقولي
برو آمو برو
هل ترضون بهذا يا اخوان و نحن على اعتاب القرن الثاني و العشرين و نواجه كل هذه الازمات على جميع الاصعدة و بيصير عندنا مفاعل نووي انه امي تقولي هالشي تفادياً لعوار الراس
هل يعقل يا اخوان @@
رجاءً لحد يقولي انته مثالي و انه يمكن السنة ما يرضون
انا اتكلم عن الجميع هني سنة و شيعة
ما احدد احد و اخصه بالذكر لا لا لا
بس انا ذكرت مثال من حياتي الشخصية
ليش الناس للحين بهالعقلية انه لا والله ما نبي مشاكل
ولا هذا مو من مواخذينا
المواخيذ هذي بروحها بحث مفصل شفته ببلوق عثماني و ضاق خلقي ;D
بس يلا قولولي
شرايكم ؟؟
Bloggerista
انشالله كفيت و وفيت ؟؟ ;D
37 comments:
أنا عن نفسي ما أشوف فيها مشكلة أن يكون في زواج بين السنة والشيعة..
بعد التأكد إن عالأقل أساسات كل شخص من الزوجين صحيحة تجاه المذهب الآخر وتقبله وما إلى غير ذلك..
والإتفاق على بعض الأمور الأساسية.. حتى يتم تجنب الوقوع في مشاكل والطلاق..
ولكن حتى عن الغرب وعند المسيح فمو سهلة أن يتزوج شخص مثلاً أرثدوكسي من شخص كاثوليكي أو بروتستانتي.. والعكس صحيح
فالمسألة ليست مسألة إنني في القرن الـ 21
وايد كنت اتناقش بهالموضوع .. حتى من كثر ما كنت احن عليه حسبالهم اني احب واحد من الشناكل ;q
بس اراء الناس الي اعرفهم .. " حلات الثوب رقعته منه وفيه "
انزين ليش ؟
اولا فكري بحجي الناس
انا شكو بالناس :\
ثانيا عيالكم راح يتشتتون بينج وبين الابو
انزين وين الديموقراطيه ؟
انا اقول بهالحاله النصيب يلعب دور اذا الله كاتب ارتباط سنفوره بشنكول او العكس ف راح يتم بدون تدخل من الناس .. لا ام ولا ابو ولا اخو
الحين السنة مو قاعدين ياخذون سنة من سوالف أصيل ومو أصيل
هالمرة تبي اللي أكبر منها العقدة الكبرى تنحل, سالفة شناكل يتزوجون سنافر. ماكو فايدة فيهم
خربو الدنيا. شنو أصيل ما أصيل حصن أحنا!!
وخير يا طير أصيل, شنو بسوي يعني
" يعني بالله بناتنا شفيهم عشان يتزوج سنية ؟؟ "
حليلنا اش فينا!! اش زينا اش حلاتنا
:DDD
الصراحة موضوع حساس ,امك طبيعي اتقول هالكلام T.T
حتى لو كنا في القرن الألف <_<
لللأسف...
انا ما اشوف ان في مشكلة اذا شيعي خذا سنية او العكس
خاصة ان "المفروض" ان احنا الحين نكون ناس بعقلية منفتحة ونفهم
انا ابوي سني وامي شيعية والحمدلله كل شي ماشي تمام
بس كلمة حق تنقال... ترى العيال اهم الي ياكلونها... يصيرون حدهم ضايعين بالطوشة ;p
يعني انا ما كنت فاهمة سالفة شيعة سنة إلا يوم صرت بالثنوي
لا تعور قلبي اكثر من جذي ، هالقصة بالنسبة لي مأساة ، و أسوء شي مر علي بحياتي ، يبا شفيهم الشيعة ؟؟ والله الشيعة اللي مروا علي أحسن ب100 مرة من السنة اللي مروا علي ، انا ما اقول كلهم بس هذا اللي شفته بحياتي . وكل ما يبت طاري السالفة حق أمي ( وترى هم للحين ما صار شي مجرد كلام ) تقولي لو شنو يصير ما ياخذج شيعي ـ ليييييييش ؟؟ بس ابي افهم ليش !!
@@
وانت ليش ملمح حق امك الا ان اكو سالفه براسك هاه
لووووووووووووول
يلا اعتررررررررررف عشان نساعدك اشلون تقنع امك ;p
صح صح كلام كويت!!
تحب وحده؟؟
راح نساعدك عشان تقنع امك
:dd
المشكلة تتكرر في الكثير من اليوت وليس معك فقط رغم قصة أخيك ..
الحمد لله في عائلتنا لا يوجد الكثير ممن يفرقون .. فأعطينا أخواننا السنة وأخذنا من بناتهم ..
ولكن للأسف المتعصبون لدى الطرفين كثيرون ..
ولديهم قناعات تكون مخيفة جدا أحيانا ..
موضوع جميل ..
تحياتي ..
الحب ما يعرف سني ولا شيعي
بس عقلياً علشان افك عمري و من الاساس اريح بالي
اختار الابنية الي تناسبني و تناسب مذهبي علشان لا يصير حجي مني مناك
يعني ما تسوى احب ابنية غير عن مذهبي و يمكن اهلها ما يوافقون لما اطق باب بيتها
ثاني شي انا قاطع فكرة اني احب هالايام لانه ما وراه الا المشاكل
يمكن افكر فيه لما اخذ شهادة او اني احب من بعد ما اتزوج
و توتة توتة خلصت الحتوتة حلوة ولا .. آآ نسيت التكملة المهم سامحني على القصور و الغيبة اليوم داش بلوقي لفت انتباهي بلوقك لا تسإلني ليش جان اقرر اني اقرى بس ما قدرت امنع نفسي من اني احط كومنت
ليش قرقي انا المهم سوري على الطوالة سلاامزز ;p
قوه عزيزي
عاد انت صج عزيز
شخبارك انشالله تمام
شوف يا ولد الناس انت مبين عليك خوش ولد وطيوب ونيتك صافيه وحبيب
ولذلك انا قررت اني افكر واشغل مخي معاك من الحين اشلون المام توافق
ترا سهل جدا الام بسرعه ينكسر خاطرها
:)
وبعدين ومو انت قلت لي انك معتزل الغرام
ليش تجذب على
:\ \:\
هونت ماني مساعدتك
:(
.........
وبالنسبه للطلب الي طلبته مني
انا انطر بيربل ترد من السفر
علشان تعطيك الموسيقى والطريقه
لاني نسيت اسم الموسيقى واعتقد عندها
انا دزيت لها ايميل وما ردت على
وتااااامر أمر يالشيخ
ساحبة سايد
اهو أكيد لازم كل واحد يتاكد من حسن نية الثاني ,, يعني مو معقولة اتزوج وحده ذات خلفية سلفية مثلاً و مو معقولة السنية تفكر انها ترتبط بشيعي متعصب و تفكر بنفس الوقت انها تظل على مذهبها ,, حياتهم راح تكون عبارة عن خلاط مشاكل :)
و المسالة اسهل مما انتي متصورة على فكرة :)
*****
Engineera
اييييي هذي النقطة الي ذابحة الناس بما فيهم امي ,, حجي النااس
زين والله جد انا شكو بالناس
بيتحجون شهر شهرين سنة سنتين اول و تالي بينجعمون مو يسكتون ,, مو حالة هذي نمشي حياتنا حسب كلام الناس !!
Momentum
عندج تذكرة حق الجنة one-way
و عالفيرست كلاس ;Pp
*****
Cnady
ما بكم شي يمييي شحليلكن ;D
و للحين ما قلتيلي شنو يعني T.T ;D
Aurous
ما صاروا عيال هذولي كله ضايعين بالطوشة ,, خل يضيعون بالطوشة ولا انهم يصيرون طائفيين ;Pp
*****
Frenzy
great blog ;)
Kuwait + Candy
شفيييييييييكم @@
مافي حدااااا دونت ووري ;D
زين جذي خليتو صبا تشك فيني ;Pp
*****
أحمد الحيدر
القناعات هذي ممكن تتغير اذا كانوا الاطراف مستعدين ,, لكن كل واحد بيركب راسه لا بالله تغيرت القناعات !
3bady
عاش من شافك يخووي
و بالفعل مثل ما انت قلت الحب ما يعرفش شناكل ولا سنافر
بس شتسوي بالحرس القديم ;D
*****
صبا
عزيزتي صبا ,,
صدقيني انه مافي اي سنفورة حالياً متربعة على عرش قلبي أو حتى شنكولة
لكن انا خليت امي تقرى القصة على افتراض لو حصل هالشي ,, بعدين الماما كسرت خاطرها من قبل و تقدمت بس كان الرد بالرفض القاطع :$
فلذلك ما تبي تجرب معاي انا بالذات ,, تعبت مني :)
عاد قلتلها خل تخطبلي سمية الخشاب دام انها مطلقة و تبي السترة بس ما رضت :(
و بالنسبة حق الطلب دونت ووري تيك يووور تااايم عزيزتي صبا ;)
wallah yatni bachya
akrah akrah akrah hal salfa
shfeeeha ya3ni itha senya tzwjt shee3i !! mo kilna muslmeen o nwa7ed allah !!
laish hal tafreqa el 3n9rya !!
laish ahlha yestmt3oon eb 3awar gloobna !!!
9ij 9ij ya 7alat el ajaneb chandas o gal laha will u marry me galt yes i do ,, dagat 3ala omha mom i am getting married oo el om t6eer mn el far7a ! o e7na hni deen o math'hab o a9el o fa9el
o la telga 7ita lo math'hab wa7ed ! la bs hathool ghair 3annah !!
ya3ni come on balaha hal ta3qeedat :@
Jouja
:(
اخيييييه والله عورتي قلبي و انتي تسولفين :(
ودي اقولج اي شي بس المشكلة انه ما عندي شي اعلق عليه ,, نفس الحالة :(
الله يعين يخووج الله يعين :(
انت مزهب الدوا قبل الفلعة و لا منفلع و خالص؟
في فرق ترى :P
و ردا على سؤالك
كفيت و وفيت :)
Bloggerista
لحد الآن مو مفلوع :)
بس ما يندرى ما تخبئ الأيام ;D
احلى شي برو آموو بروو;p
انا ما أؤمن بزواج وراه وقبله مشاكل
الزواج بكبره تحدي ومشاكل وشد وجذب هالمره هالفرق
ولاتقول ماكو فرق خلنا واقعيين كل واحد من مذهب مختلف ومتعود ومؤمن بمذهبه صحيح الرب والدين والرسول صلى الله عليه وعلى اله وصحبه وسلم كلهم واحد
وهذيل اهم الاساس
لكن مايجوز باجر تجبر بنت الناس تعلم عيالها صلاة ماتصليها
وعيالك يفطرون وانت صايم
واهيا تعيد وانت صايم
جايز انت ومرتك تتغلبون على هالاشيا
لكن لاتصيرون انانيين بحق عيالكم
انا عمي ماخذ سنيه والحمدلله عايشين احسن عيشه اللي يشوفهم مايصدق المشاكل اللي قالولي صارت لما خذاها
بس هذا نصيب ومكتوب من الله
لكن عيال الزواج المختلف بالمذاهب اهم اللي يتشتتون وهالشي محد يقدر ينكره
صحيح ان احنا كلنا مسلمين وكويتيين وكلا المذهبين متربين تربيه نظيفه لكن الزواج مو زواج شخصين وبس
انا هذا راييي
وسالفه ان القرن 21 ولا مليون عمرها ماراح تلغي اختلافات من مئات السنين
وانا اقول اختلافات مو خلافات والله يبعدنا عن الخلافات
Sn3a
ليش دايماً نتفرض الأسوء ؟
ليش دايماً نقول انه اييي باجر حياتكم بتصير كلها خلافات ؟
ليش نفرض انه العيال بيطلعون مساطيل و مشتتين ؟
و انا بصراحة مااشوفها اختلافات كثر ما اشوفها خلافات عميقة بدون اي محاولات للتقريب ,, اذا جذي بنستمر على نظريات الطرفين انه كل واحد بالنار عيل دعوات الوحدة الاسلامية هذي كلها لفيها و قطيها بالزبالة !!
انا ما اقول انه زواجي انا من السنية ولا زواج اي احد ثاني اهو نقطة انطلاق الوحدة الاسلامية بس خلنا نكون واقعيين اذا على هالموضوع نقعد نعيد و نزيد بالخلافات عيل بباجي المواضيع شلون !
و شكلي والله ما راح اسمع الا برو آمو برو =/
انا ماقلت ان رايي اهو الصح خيو
بس انا جذيه دايما افترض الوورست سيناريوز
احنا لازم نتعامل مع غيرنا بنفس الطريقه سواء سنه او شيعه وتعاملنا لازم يكون واحد مع الكل
لكن الزواج شي ثاني وانت بتحاسب على اختياراتك وتربيه عيالك وصلاتهم ولبسهم ومعيشتهم
وبالنهايه هذي الامور كلها تخضع للنصيب وكتبه الله
Sn3a
رايج عالعين و الراس بس انا شوي مشوش اليوم ,, سوري اذا حسيتي انه ردي عليج شخصي :)
Sweets
وييييه انتي وضعج وايد صعب ,, بدك توخذي أمِك بالسياسة يا بنت ;D
اخطب اخت مرت اخوك وانت تحطهم بموقف محرج
:)
فريج سعود
اهي اصغر وحده ولا جان سويت هالحركة و جربتهم ;Pp
آنا انقالت لي كلمة مرة
انتي لما تاخذين واحد ما تاخذينه بروحه , تاخذين اهله وياه
المشكلة يمكن مو بالجيل اليديد إلي اغلبه ما يهتم لهالمشكلة إلا إلي تربى على الطائفية
لكن المشكلة 99,9% من الأهل = )
شفيييييييييكم @@
مافي حدااااا دونت ووري ;D
زين جذي خليتو صبا تشك فيني ;Pp
lool
افا محد T.T
tara i got exctited bro T.T
Miss.Q8
الأهل و طلابة الأهل ,, لو يفكون الواحد من شرهم و يقصرون على خيرهم جان ما انقال الأقارب عقارب :(
*****
Candy
خلاص لما يصير فيه حدا انا راح أقولج انتي و كويت عشان تخطبونها لي ;D
البحث عن الكنز
لعبتنا اليديده
http://shlalat.blogspot.com/2009/04/find-treasure-game.html
http://antihack-protect.blogspot.com/
شأعتباب القرن الثاني والعشرين؟
مو جنه توا الناس؟
ماضحكني الا برو امو برو
والله امك تهبل الصراحه :)
إذا مرت أخوك أصغر وحده شووفلك وحده من بنات خواتها
ما اعز من الولد الا ولد الولد
راح تحرج الوالده و اخوووك
واكيييد بيزوجووونك
Shlalat + Anti Hacking
Thanks for passing by :)
*****
Dr.Blue
إمبلا تو الناس :)
Makintosh
اهي تهبل بس كله صاكتها بويهيي ;Pp
*****
Cat
يعني إلا أقول خلصوا كلهم و طارت الطيور بأرزاقها ;D
Post a Comment