إيييييي ... اليوم فيني نشاط زايد فبنزل بوستين ... بوستين كاملين
... أول يوم دوام
واااااو .... يوم جداً جميل كان
قعدت الصبح جان أشوف الساعه ولا توها 8 الصبح قلت خل اتمقط
تمقطت نص ساعه جان اشوفها 8 نص قلت خل آخذلي غفوة ما قعدت الا الساعه 9.45 ... يعني طافتني محاضرة الساعه 10
نزلت جدولي من النت و حطيته بالتلفون و رحت أخذتلي شور و انا اسمع موسيقى هادية مادري منو مألفها
المهم و بعدين جان اطلع اليونيفورم الشتوي " دشداشة سودة + قحفية + عقال + شماع أحمر و بما اني بالآداب لازم بروجيه :p "
المهم سويت كوبرتي ... و لبست حذائي و دقيت موتري سلف و حركت لي الجامعة على بركة الله
و لما وصلت الجامعة جان اشوف الجدول ولا مكتوب يم رقم الكورس بما معناه انه مشترك
صعدت الطابق الثالث على أمل انه الكلاس النسبة فيه متساوية لأني خجوووووول جداً مع انه ما يبين علي :p
دخلت الكلاس ولا انا و معاي واحد " سحب الكورس فيما بعد " و باجي الكلاس كلهم بنات ما يقارب 20 بنت !
المهم جان أنزوي وحيداً في القاعة
ايييي نسيت اقولكم
لما وقفت عند باب الكلية قعدت اشوفها و أقول
" ايييييي يا الآداب ... متى أفتك منج ... متى أمر من هالشارع و اوقف جدامج و اقول اي نعم انا استحق الشهادة لاني تخرجت من ثالث العن كلية بالوجود ... متى أمر من هالشارع و يكون هدفي اني اروح المباراة مو أدش الكلية ... متى يا الآداب متى ... "
و مع لفحة هوا بااااردة مرت علي كان المشهد ولا مشهد جاك و روز بفلم تايتنك :p
المهم نرجع حق كلاساتي
خلصت هالمحاضرة و داومت المحاضرات الباجية بشكل اعتيادي بس الغريب انه هالكورس وايد مليق و الجو ما يساعد انه الواحد يقعد بالحديقة و انا اساساً ما أحبها فلذلك اعتقد انه القار الي بشارع الخليج راح يعاني من تواير سيارتي :p
see you sooooooon ;)
1 comment:
الصورة مو صج
اصلا وريتها حق ابوي
يقول بابا كل عيال الجامعه جذيه
قلتله اغلبهم;p
اهم شي بروجيه
خنت حيلي
ميخالف انزوي كثر ماتقدر المهم تخلص المواد وتتخرج
الكورس حده مليق
عقلي للحين باجازة
Post a Comment