في الحقيقة انا فتحت صفحة كتابة البوستات و لا يوجد هناك ما يشغل ذهني
لكن فوجئت بانه يت على بالي فكرة الحقيقة
شنو اهي الحقيقة ؟
الناس يفنون عمرهم و اهم يمشون وراها ,, يدورونها
من مكان لي مكان
يمشون وراها بكل فريج و سكة و بكل شارع
يموتون قبل لا يلقونها
يعني انا اعلم في حقيقتي و قرارة نفسي اني قاعد اسوي اشياء غلط
قاعد ألقي وايد ناس ويه
قاعد اعطي ناس اولوية بحياتي و اهم يمكن ما يعطوني دور ثانوي في حياتهم
قاعد اتغاضى عن حقي
قاعد اجامل ناس ظلموني
و كل هذا أسويه
و أدري انه غلط
و انه هذي اهي الحقيقة اني قاعد اسوي الشي الغلط
لكني مع ذلك
كل يوم قبل لا انام
أقول ما راح أكرر هالأخطاء و لازم احط حد حق هالاشياء
لكن أقوم الصبح و و أكرر نفس الأخطاء
يعني القائمة مثلاً
ظلمت فيها ,, بشكل او بآخر ظلمت و لكني ما عملت ضجة ولا شي
آثرت الإنسحاب
و صدمت بعد فترة انه اقرب الناس لي
قاموا يقولولي انت كنت غلطان و انت ما تؤمن بالديمقراطية و انت غلط و كنت مكبر راسك على فلان عالفاضي
و سكت هم ,, لأنه ادري بعد فترة كلامي بيطلع صح
و الفعل كلامي طلع صح
و حالياً الأشخاص الي وصفوني بكل هالاشياء قاعدين الحين يعانون بسبة تكرارهم لنفس الأخطاء و رفعهم من شأن ناس ما يستحقون حتى نظرة ثانية
و لكن مع ذلك ماني متشمت فيهم ,, مع انه محد راح يلومني لو شمت فيهم ,, بس مو من طبعي
الحقيقة انه احنا قاعدين نعطي وايد بحياتنا ,, نعطي المستحق و الغير مستحق
بدون مقابل ,, و كذلك بدون حدود
و النتيجة قد تكون نكران الي نقوم فيه او شيء ثاني لكن صعب انه يكون الشكر اهو النتيجة حق الي نسويه
و لكن نظل نكرر نفس الأخطاء
إذا أقدر أقول إن الحقيقة عارية ,, كلنا نشوفها ,, و لكنها سوداء ,, فلذلك نوخر عنها و ما نحبها :)
Don Juan.
30 comments:
مجامله الناس تعتبر نوع من انواع العلاقات الدبلوماسيه
انا كنت اكره نفسي مرات لما اسلم على ناس ما ابلعهم
واساعدهم وجذيه
لكن عقب سنين طلعو هالناس اهم السنعين وغيرهم لا
فلما عاملتهم بدبلوماسيه كسبتهم وكانو وياي لما الكل كان بعيد
لاتزعل ولاتتضايق
ماهي مشكله ان سويت شي غلط وانت تدري ان غلط
المشكله لما تسوي اشيا غلط وانت ماتدري
او تكابر عليها
كلام جميل
الحقيقة ان احنا ناس طيبين وما نبي نزعل الي حوالينا حتى لو كان على حساب نفسنا
والحقيقة ان المفروض ما تعطي ويه إلا حق الناس الي تستاهل
but it's easier said than done
كلامك لامسني
فعلا في اشياء وايد نبديها ونسويها للناس على حساب انفسنا
ونتناسى ان لنفسك عليك حق
ومثل ما نبي الخير للناس لازم ندور الخير لنفسنا ومانجرحها ونقهرها
وانها محسوبة علينا وراح نتحاسب عليها يوم القيامة
هالاشياء كلها نفكر فيها تالي الليل عقب ماجاملنا وقهرنا وظلمنا انفسنا
لان مايخطر على بالنا ان من انواع الظلم ظلم النفس باجبارها على اشياء تكرهها
ونعيد ونكرر هالشي الى الابد دون ادنى حد
وفوق هذا
كلمة شكرا نادر مانسمعها
وان سمعناها تكون مجرد كلمة والسلام دون معنى مقصود
مادري شقولك .، بس أعتقد كان المفروض تكتب تحت البوست بقلم : ثلجيّة القلب و الأقراط "
لأن فعلاً و انا اقرا قمت اكمل الكلام بروحي بدون لا أقرا و جنه انا الي كاتبته :/
قاعد ألقي وايد ناس ويه و "
قاعد اعطي ناس اولوية بحياتي و اهم يمكن ما يعطوني دور ثانوي في حياتهم "
بالضبط !
لـول هاذا يدل على إنك شخص ذا قلب ثلجي و ليس ابيض فقط و نصيحه من إختك الأصغر منك خلك جذي ، لأنك جذي قاعد تحترم نفسك قبل إحترامك للغير و انا أهنيك على هالشي حقيقةً P:
يعطيك العافيه " يالطيّب P:
صحيح مليون بالمية
بس شآخرتها؟
انا اقول لك... مهما سويت و مهما غلطت بحق نفسك و راعيت وايد ناس على حساب روحك ... تظل انت الكسبان
بحالة وحدة بس... و الي هي
أبدا أبدا لا يجي عليك يوم تلوم نفسك
لا تفكر ولا تزعل ولا تقول هاي ناس تستاهل وهاي لأ... سو خير و قطه بحر
راح تلاقي الرضا بداخلك
بس ... لا تسمح لأحد من هالناس سواء الي يستاهلون او الي ما يستاهلون انهم يتجاوزون حدودهم معاك .. و اذا صار
اوقف .. و علمهم شلون الحق يكون
سو خير وقطه بحر
:)
علي .. بس اذا الشخص الي جدامك يستاهل اي عطه حتى لو ماي عيونك .. بس انك تلقي الكل ويه !
الناس الي ما تحسها تستحق خلك جداً عادي بالتعامل معاهم .. يعني هم مو شرط تكون لا مبالي بطريقة كبيرة
و لا تقول ما اقدر اغير من طبعي .. اكيد تقدر تتحكم بذاتك من الداخل
الحقيقة واضحة ، أوضح من أن تحكى ..
لكننا نتجاهل كل شيء صريح / واضح ، خاصة من تعودوا أن يعيشوا خلف الظلام .. يخافون النور ! ، يخافونه جداً ..
قليل من يعي لغة الصمت في الشدائد ..
أمس كنت أناقش وحده من الأهل بـ الموضوع ، إكتفيت بـ إني أقول " كل شخص بييله يوم يعرف ، صدقيني "
بس إهي كانت مصرة على إن الحق يجب أن لا يسكت عنه .. و " حقج إخذيه بـ إيدج " ..
لم تدرك فعلاً أن الحاصل هو ذلك ..
كلهم سيدركون يوماً ما .. !
DONNNNNNNNNNNN
i miss ur blog ;D
umm
za T`3uth ..
it can be ugly it can be sad it can be hard it can be any thnig But wt U want but we have 2 deal with it any way .. " Oo agrb wagt dayman ohwa al27san " ..
Oo lazm nb6l njaml alppl cuz bl25eer a7na ga3deen njaml nfsna 3ala 7sab nfsna ..!!
U R gr8 DJ don`t let ppl bring U down ;)
كنت أعاني من هالمشكلة
و مازلت أعاني منها , و لكن ليس بنفس القدر الذي كنت أعاني منه
و ذلك لأني تعلمت حب ذاتي كثر, و ترتيب بعض أولوياتي
هناك صفين في قائمة كل شخص
أشياء تستحق
و أخرى لا تستحق
و أنت تحكم .. و تعلم ذلك
أنصحك باختصار بقراءة كتاب
too nice for your own good
أو .. ترجمته من جرير
" لا تكن لطيفا أكثر من اللازم "
بعد نهاية الدوامات
أما قوائم الانتخابات .. بيني و بينك
هذا هو السيناريو الذي تعودنا على سماعه .. و أسهل ما علي فعله هو الابتعاد لأنها بالفعل مواضيع ترفع الضغط و تهبط المعدل ;p
أبعدك الله على هبوط المعدلات ;p
سو اللي تشوفه صح واللي يمليه عليك ضميرك وبس
والحقيقة ما يغطيها شي
احنا اللي نتحاشاها اما لانها تألمنا او ما تعجبنا
يعني الغلط فينا طبعا :D
بس اذا انت طيب ها مو عيب و لا غلط الغلط اذا الناس ستغلو طبيتك :)
Sn3a
بس هذولي المشكلة انهم يصدمونج بين فترة و فترة ,, يعطونج جرعة احساس بالذنب
بس على قولتج ,, يمكن بيوم يطلعون احسن من غيرهم
Aurous
ايييي هذي هم نقطة مهمة
ليش ما نحب أحد يزعل منا
مو يمكن لما هذا يزعل يدز رسالة تحذير حق الباجين انه اللعب ويانا ممكن يزعل ؟؟
و شلون نعرف الناس الي تستاهل ,, صعبة بهالزمن :)
خديجة البهاويد
جان في شي بيدخلنا النار دايركت فاهو ظلمنا لنفسنا بهالدنيا قبل ظلمنا لغيرنا :(
ثلجية القلب و الأقراط
القلب الثلجي ما يفيد هالأيام ,, الناس ما يحبونه مثل ما يحبون الي قلبه اسود و ترسه شر
يقدسون هالشخص للأسف ,, و الي قلبه نفس حالتي و حالتج يقطونه عالرف :)
msha3erha
والله مادري شقولج ,, ياما قطيت بالبحر و ما فاد وياهم ,, ترد عايدي علي كل مرة ,, حتى البحر ما ياخذها :(
حافية القدمين
:)
Pure
المشكلة انج تدرين انه هذي مو طبيعتي ,, اعامل الكل بنفس الدرجة
Reem
اهو صج ماكو ظلم يضيع عند رب العالمين ,, بس ساعات لما اييج الشعور بالغصة لما تشوفين انج قد ما تسوين ما يبين بعين الناس ,, مو خوش شعور
Palo
I missed U BIIIIIG TIIIIME our Nun ;D
virgin
your words are just so ,, sweet :$
thanks really ,, your words raised my spirits ;D
Miss Q8
القوائم مرض ,, فكرتهم حلوة بس الناس الي فيها مرض أعوذ بالله ,, بالألف تلقين 10 زينين !!
و شكله خوش كتاب لازم أقراه :)
كبرياء وردة
ما احنا نرتكب وايد اخطاء بحياتنا مع سبق الاصرار و الترصد ;D
*Being One
و للأسف صارت أكثر من مرة :(
كلّ النفوسِ وحوشٌ لستُ آلفها
تعضّني كأنما دليلها ذاتي
أبكي عويلاً و الوقت يرمقني
و بكل عجزٍ أبتلع متاهاتي
و أمد لها يد العون باسمةً
و كأنما هي غرضي و غاياتي
-
الله كريمْ
راقصة على أوتار الغنج
يبتيها عالجرح :(
إذا أقدر أقول إن الحقيقة عارية ,, كلنا نشوفها ,, و لكنها سوداء ,, فلذلك نوخر عنها و ما نحبها :)
^^^
truly believe in that! great post.
foryoursoul
thanks for passing by ,, BTW ana ele m6l3ha :$
Post a Comment