جربتوا من قبل احساس انه في صبة كاملة قاعدة على صدوركم و قامتة نفسكم ؟
مو خوش شعور
و امس كنت حاس فيه بسبب ,, ولا اقول خلوني ساكت ,, خليها بالألب تجرح ولا تطلع لبره و تفضح :)
المهم
دق علي صديقي و عزيزي جابر
هااا علااو وينك ؟
بالبيت
شعندك يا شقول صايرلك مدة مو مبين
والله ماكو ضيقة خلق
ايييي يالله زين دلني بيتكم الحين بييك
المهم دليته البيت
و انا قاعد البس ملابسي جان يدق علي يقولي ييب كامرتك وياك !
اليوم عندنا مغامرة !!
المهم وصل بيتنا و سلم علي و قالي دلني ماكدونالدز أول شي
المهم رحنا ماك
طلب اهو و رحنا قعدنا عالطاولة
شوي ولا ايي واحد ورانا باسكتاني
اول ما قعد جان يسلم علينا !
شوي جان يعطينا وجبته
قلناله لا مشكور ما نبي طالبين
رد علينا بالاوردو !
طلع ما يعرف عربي
رفيجي كلمه بالايراني ,, ماكو فايدة الريال توه طالع من حيدر آباد ;D
و لجنا
كل دقيقة يعطينا اكله يقولنا مأكل هييه ؟؟
مرة يحط عندي الدياي ماله مرة الصمونة
جان اقوله آخر شي يا بعد جبدي اكل انا شبعاااااان و قاعد احرك ايدي بشكل دائري على بطني ;Pp
احنا ما سويناله شي عشان كنا خايفين انه يكون كاميرا خفية
المهم الحين إلا يبينا نقرى من النوته مالته
و رفيجي يقوله انا ما اعرف
و يروح يقوله انا اكتبلك جان ياخذ قلم من مدير ماك و يكتب بالأوردو !!
آخر ما توصلنا له قبل لا ننحاش انه اهو تايه و ما يدري وين بيروح و شكله توه ياي من باكستان
بس وايد كان يردد كلمة فوهيل فوهيل ,, احنا قلنا يمكن قصده الفحيحيل ,, تهقون شنو يقصد ؟؟
المهم مو هذا الموضوع الأساسي حق الليلة الي طافت
رفيجي قالي بوديك مغامرة
قلتله وين
جان يقولي بوديك بنيدر !
قلتله جابر شوف بتخطفني قول عشان لا تختلف اقوالنا بالمخفر ;Pp
جان يقولي لاااااا شخطف فيك شنو ناقص بلاوي انا ;Pp
المهم ولا اثاري الحبيب دال مكان فيه خنادق ملوت فرقة عسكرية قبل
الي يروحون بنيدر اتوقع دخلة 250
فيه هناك لواء دبابات جنه
خلوه وراكم و كملوا سيده يصير على يمينكم مكان مثل ثكنة عسكرية او شي جذي مهجور
عشان اعطيكم المعلومات بشكل أوضح
هالحجي كان الساعه 1 الفير ;D
المهم وصلنا هناك
و انا قلبي طاح ببطني
ماكو شي يمنا
و خررررمس
المهم قاعدين ندور الدخلة
مولاقينها
كل شي محفر بهالمكان
اخترعنا بصراحة ;D
المهم بالأخير جان نلقى الدخلة
طبعاً المكان وعر جداً و احنا داشين بشنو
بملك الطرقات
بقاهر الصحراء
بالملك
بأعظم سيارة سووها أهل اليابان
TOYOTA CAMRY ;Pp
المهم والله ما قصرت الكامري
اول شي صورت مكان مثل شسمونه
قولوا معاي
المتاريس ,, الي الجنود ينخشون وراهم على مود الفشق ما يحوشهم ;D
بعدين رفيجي يقولي ترى انت ما شفت شي للحين
لف وراك
لفيت وراي ولا المخازن و هالبلاوي وراي
اكثر شي يخرع كان هذا
انا بصراحة ما تجرأت اقرب منه اكثر من جذي ;D
المهم بعدين جان نروح بنصور مدخل الخندق الي ورى هالبنكر
و احنا قاعدين نصور قلت جابر صكر ليتات الكامري عشان لحد يجكنا
و عشان الاضاءة قلت خل استعمل فلاش اكستيرنال
المهم انا بس طقيت الفلاش جان مرة وحده الخط السريع يصير ظلمة
بالتزامن بنفس الوقت كان فلاش كان بلاك حق ليتات الخط السريع ;D
منو يقول ما اخترعنا :p
المهم خذينا صورة تذكارية هناك و لما يينا بنقوم ولا نشوف ليتات جيب !
الحق ما تلحق يا ولد
ولا تشوفون شكلي و انا اركض و شايل حامل الكاميرا معاي و ناسي انه احنا يايين بسيارة ;Pp
و بالأخير طلعوا نفسنا
Myth Busters ;Pp
بس شرايكم بالمكان
ما يخرع ؟ ;Pp
26 comments:
رجعتلي ذكريات الغزو الله يهداك
ضاق خلقي بس شفته
مو على مود الاعلام بالشوارع احساسنا وطني
بس الصورة صخر ماشاالله
شنو كامرتك؟
بس
اللي مو قادره افهمه
يعني ليش حق اشحقه بالليل؟؟
مو لو الصبح الصور بتكون احلى
وكنتوا بطلتوا هالمحكر
وطحتوا على بقايا فروة راس
أظافر شعر عظام
لووووووووول
تحس قلبي قوي
تربية الغزو شسوي
:")
mnu ygool a5tr3na :Pp~
looooooooool ..
mn al5r3a al9ba anksrat wala ll7enk ??!!
al7een kl hatha bs 7a6 9ura wa7da ??!!@@
أنا عندي نفس سؤال زوووز
ليش بالليل يا حظي؟؟؟
سووا رحلة ثانية الصبح بليز
ونااسه
يبيله اروح
بس الصبح طبعا!
فعلاً تذكرت جولاتنا في خنادق الغزاة بعد التحرير، وبعض المغامرات الصغيرة أثناء الغزو :) صورة جميلة
فعلاً الكويت أصبحت مسرح للكثير من العمليات الحربية، ومن الأسف فالاشتراطات الصحية وفحص الأشعة وضوابط السلامة لا يتم مراعاتها كما يجب بحسب علمي، ولا حول ولا قوة إلا بالله.
__________
أرجو أن يكون قد وصل الفحيحيل بسلامة :( قادم إلينا بأخلاق القرية وكرمها، حماه الله من شر المدنية وزاعمي التدمن!؟
هههههههههههههههه علاو مت ضحك على سالفة الي قعد معاكم بـ ماك و عليك لما تقول من انك نحشت مع الكاميرا من الخرعة آخر شي
هههههههههههههههههه :p
بس المكان وااي صج شكله يخرع !!
لو انا منك جان من زماااان منحاشة :p
و على هذاك الي بالمطعم قاعد و يقولكم فاهول .. ههههه لالا هذا بروحه حكاية ثانية مو صج
علاو ذكرتني مرة بالادارية كنت حدي مستعيلة و عندي كويز عاد و انا منطلقة بين الممرات و لا بغيت ادعم طالب نيجيري .. علاو والله تعرف لما اييلك واحد جدامك عادي يكون وزنه 30 و طوله 4 امتار و سواده سواد الليل :p
عاد انا من هول الصدمة و اساسا كنت مستعيلة فما لفيت عليه و اشوه اني ما دعمته :p
بس الموضوع مو اهني الموضوع انه بعد ما صار هالموقف قاعدة اسمعه من بعيد يطالعني و واقف بمكانه و يقول (سومي .. سومي .. سومي)
ههههههههههههه و لي يومك انا اتسائل شنو كان قصده :p
يا حلو هالمغامرة
والاحلى سالفة هذا اللي توهقتوا فيه بماك
المرة الياية حسبوا حسابي:p
ZooZ
لا لا لا المعسكر مو مال عراقيين ,, مال الجيش القطري على حسب كلام رفيجي
و اذا انتي تربية الغزو فانا امي تقولي انت عمرك سنتين وقت الغزو تهد الغدا تروح تشوف الطيارات وقت القصف من البلكونة ;Pp
تحسين الي مروا عالغزو مبيع ما يبون عمرهم حتى اليهال ;Pp
و الكاميرا نوعها
Nikon D40x
بس الصورة كنت مضطر اني ادخلها الفوتوشوب عشان اعدل الوانها
*****
virgin
mo bs enksrt ela ra7t w ma rdt ;Pp
w ne6rw bachr rnro7 el 9b7 n9wr ,, ed3olna el shr6a ma y9edona ;Pp
Fahionista
eeeeeeeee 5o bachr bnro7 el 9b7 ;D
rfeji mt3md wdani bl leil 3shan yksr el 5of ele feni min hl amakin :$
*****
Sn3a
اييييييييي خوش مكان
بس لا تقولين حق احد انه انا الي مدليج ;Pp
علااااو
طلبتك طلب
اهوه طلب ماله شغل بالموضوع :p
بس ادري انك حلو و راح تساعدني :p
علاو ابي شلون احط فيديو يوتيوب بالبلوق ؟
صارلي ساعة اعابل و ماني عارفة :/
العدالة الكويتية
والله بيني و بينك ما اهتمينا جان هالمنطقة فيها نشاط اشعاعي ولا شي ثاني
خوفي كان انه فيها الغام للحين بس اشوه كاني للحين موجود ارد عليكم بالبلوق معناها المكان سليم ;D
و ما يندرى عن هالمسكين جانه للحين ضايع ولا وصل الفحيحيل :(
*****
Pure
ولا مرة حسيت بهالشعور مع الأفارقة ,, يمكن لانه الي عندنا طولهم Average ;Pp
و بعدين كلمة سومي تحتمل فرضيتين
يا انه بيقولج سوري و هذا الاحتمال الكبير
يا انه يقولج رفعي علي قضية ;Pp
الله يرزقج انشالله بمرة جذي و انتي تصورين تنقطع الكهربا يمج بشوف شعورج حزتها شنو بيكون ;Pp
كبرياء وردة
خلاص افا عليج باجر الصبح نطرينا عند الحدود ;Pp
*****
Pure
انتي من وين طالعة !!
شوفي روحي يوتيوب
تلقين صوب الشسمة
related videos
تلقين فوقهم شي اسمه
URL
هذا سويله كوبي
و بالوورد سويله بيست لانه ساعات يعلق ما يطلع بالبلوق
و بعدين من الوورد سويله كوبي و سويله بيست بالمكان مال البوست الي قاعده تكتبينه
و فالج المليون ;Pp
و بعدين شفيج مقاطعتنا ,, شنو تزوجتي من ورانا ؟ ;D
علاااااو
ما طلع :(
يطلع اللاين نفسه
انا ابي الفيديو على طول يكون طالع
و انا مو مقاطعتكم .. راح تعرف عما قريب :D
Pure
مو تاخذين اللاين الي فوق
لا لا
شايفة الrelated videos
فوقهم فيه شيين واحد
URL
و الثاني embed
انتي روحي حق الاول و سويله كوبي
بعدين سويله بيست
بالوووووورد
و تالي من الوووورد سويله كوبي او كت و بيست بالبلوق و راح يطلعلج كامل انا كل مرة يطلعلي جذي
لا تسوين كوبي دايركت من الموقع
و فالج المليون و ناطر ردتج على احر من الجمر ;D
علاااو ساعد صديقتك مو راضي :(
قاعده اسوي نفس ما تقول و لما اسويله كوبي وبيست و احط معاينة يطلعلي لاين الفيديو مو الفيديو نفسه
يعني لازم الي يدش يضغط على اللاين عشان يشوف الفيديو :(
شلوون علمني
إن كنت صديقي ساعدني :p
بالمعاينة مو راضي يصير
يعني تهقى لما انزل الموضوع يطلع الفيديو نفسه و ما يطلع اللاين ؟
Pure
مو تسمينها معاينة مرة ثانية سميها تنسيق النص ;Pp
والله مادري انا كل ما احط فيديو كليب بهالطريقة يطلع زي الورد
انتي جربي يمكن يطلع وياج
يطلعلج حجي وايد لما تسوين بيست بالوورد و بعدين بالبلوق ولا حجي شوية ؟
علاااااو ههههههههههههههههههههههههههههههههههه
و الله انك ما تيوز :p
معاينة و لا تنسيق الي اهو ههههه :p
علاو انا لما سويت كوبي من المكان الي قلتلي عنه طلعلي هاللاين
http://www.youtube.com/watch?v=3GgfrOa4Gg8
و رحت بالوورد سويت نفس ما قلتلي و بعدها نسخته بالبوست
طلعلي اللاين نفسه
في شي مكتوب عليه إضافة فيديو هاااي شني بعد ؟
Pure
لا لا لا لا لا مو هذا
لحظه شوي خل اسوي الصورة
http://img15.imageshack.us/img15/3817/embedcu7.jpg
طلع مو ال URL
طلع الثاني ;Pp
سوي كوبي حق الثاني و كملي باجي الخطوات :$
علاااااااو
و الله انك فنااااان :D
طللللع الفيديو لما سويتله
(معاينة)
:p
thanx dear .. u are the Best ;D
Pure
أشوه ما طلعت بويه مقصوص ;Pp
اهم شي انه طلع لما سويتيله معاينة ;D
و للحين ماني عارف سر الغياب :(
علااااو
I will be there soon :)
promise ;)
أما سالفة الهندي عجيبة :)))
بس وين هالمكان بالضبط خنروحله .. شسالفته مال من متى ؟ وشنو فيه ؟
شيفكك من لقافتنا الحين ؟ :))
LOOOOOL
shay jameeeeel :P
ههههههههههههه انزين شللي حاااادكم الساعه 1 الفير ؟؟؟
يعني عشان جو المغامرة ؟ !
لووول
حلوة الصورة
بس الحمدلله ما مريتوا على ألغام ولا شي<<<< ذكريات أليمة
أحمد الحيدر
الله يسلمك خل اللواء هذا الي قلتلك عنه مال الآليات بظهرك و كمل سيده تلقاه على يمينك ,, بعد اكثر من جذي ما اقدر اقول أخاف بعدين اضطر اشتري بلاك بيري و اكتبلكم بوستات من سجن الابعاد ;Pp
*****
Balqees
marrrra jameeel ;D
Lulwa
مو الله يسلمج انا اخاف من الزهيوية و الينانوة فرفيجي قرر انه يكسر خوف الينانوة الي فيني فقالي امش خنروح بالليل و للأسف انه ما قدر ;D
و الحمدلله المنطقة مافيها لانها ما كانت منطقة عراقيين على حد علمي
Post a Comment