Don Juan, The Adolescent xD

هاااااااااااي

اليوم والله مادري شفيني

قمت الصبح قلت أنا جنه صارلي قرن مو كاتبلكم بوست ;Pp

جان أشمر عن سواعدي و قلت يالله يا بوعلوة

شتكتب شتكتب

جان أتفاجئ بأمي تطق علي الباب تقولي روح ييب الماجلة ;s

أحلى شي بالماجلة انها تتيحلي اختلاس الخردة الباجية ;Pp

المهم

رحت مركز سلطان و رديت

جان افكر شنو أكتب شنو أكتب شنو أكتب

جان أقول مااااكو غيرها

خل أكتبلكم عن مراهقتي ;Pp

طبعاً احنا كشباب مراهقين نموت على شي اسمه ممثلات و موديلز و هالسوالف

انا الحين باخذكم برحلة معاي من أواخر التسعينات لي اليوم ;D

و انتوا كيفكم حكموا ,, عندي ذوق ,, ما عندي ذوق ,, انتوا و نزاهتكم ;D

يلا نبدى

*****

أول وحده حبيتها بمراهقتي كانت موديل فرنسية اسمها لاتيشيا كاستا ,, مادري وين قريت عنها يمكن بسمرة أو اليقظة ,, بس الله وكيلكم شفت صورتها انسطلت !!

و ما راح تلوموني صح ؟ ;D

*****

بعد الست لاتيشيا ,, كنت بأحد ليالي الصيف الحارة ساهراً و انا أتابع LBC

و أشوف هالحلوة تغني

" بدي دووووب إلي إلي بجنون بحبك أنا مجنووون ما بنسى حبك يوم "

و الاغنية بالابيض و أسود

و حللللللللللوة الي تغني @@

كان اسمها إليسا !!

وقتها محد كان يعرف اليسا ,, بعدين صارت ملك الشعب :(

*****

تذكرون بالتسعينات صارت سالفة انه حنان ترك صايدينها بشقة دعارة

قبلها ما كنت اعرف حنان ترك

بس لما شفت صورتها ,, زعلت أوي انهم صايدينها بشقة دعارة :(

*****

بعدين عاد جان أحول على مصر من عقب حنان ترك ;D

و شفت هالمزيونة بمسلسل " رد قلبي "

و شكلها مو مصرية عشان جذي حبيتها ;Pp

نرمين الفقي ,, تركت علامة مميزة في مراهقتي ;Pp

*****

له خال على صفحات خد

كنقطة عنبر في صحن مرمر

و ألحاظ كأسياف تنادي

على عاصي الهوى الله أكبر

سيندي كروفورد ,, يعجز لساني عن وصفها :(

*****

بينيلوبي كروز ,, تذكرون فلمها الي كانت تشتغل طباخة و بكل شي تحط فلفل

انا بالضبط من هني دخلتها باللستة ;Pp

حلوة مو ؟ ;D

*****

مونيكا بيلوتشي ,, يا جماعة هالإيطالية الي يشوفها و ما يتحطم فيها صدقوني ما عنده سالفة

مو طبيعية ,, جمالها صاروخي @@

و الي للحين مو مصدقه

انها كبر أبوي @@

ابوي مرة قاللي انه الحريم لما يتقدمون بالعمر يعني يوصلون الخمسينات و الستينات هذولي عادي لو بينت ايدهم ولا شوية من شعرهم حق الغرب لأنهم لا يرجون نكاحاً

قلتله لو تشوف مونيكا بيلوتشي راح تغير رايك ;D

بس للحين ما وريته مونيكا ;Pp

*****

ميس حمدان
أول مرة شفتها بسمرة من سمرات التلفزيون مع منصور المهندي ,, و كانت تطق رقبة على اغنية غيار
هذي و الي وراها صج دشوا قلبي بدون استئذان و دقولهم فيه خيمة و مرباع :(
ما أنلام صح ؟ ;Pp
الحين شوفوا منو وراها ;D
*****

الست سمية !!

اول مرة شفتها والله ما اذكر وين كانت بس شي مو طبيعي

هذي الي صج دشت قلبي و دقت فيه خيمة و مرباع و سوتلها حوطة و الحكومة ثمنتلها الحوطة بعد :(

يا جماعة ,, جمالها مو صجي ,, جمال بنت البلد ;Pp

و الناس يقولون عنها خايسة

ليش يا جماعة لييييش :(

سمية هذي سمية :(

أنلام فيها ؟ ;D

الحين يلا قولولي ,, حلوات ؟ جياكر ؟ عندي ذوق ؟ ما عندي ذوق ؟

;D

هذا بوست مو سياسي ولا شي ,, خوش الامة كلها تتحلطم بعد ما يصير انا اتحلطم ;Pp