اليوم الفيّر خلصت رواية " كوابيس بيروت " للرائعة غادة السمانالرواية بمجملها وايد حلوة
بلحظات الحب بينها و بين يوسف ,, حبيبها الي ذبحوه جدام عيونها لمجرد انه مو من ملتها
ولا تعلقها بمكتبتها و بمركز العمليات بشقتها الي احترقت باللي فيها
معاناتها مع القناص الي فوق الهوليداي ان ,, الي حسب الي عرفته للحين ما عدلوه عشان يكون شاهد على الحرب الأهلية
او عيشتها لمدة ثلاث اسابيع تقريباً مع امين و ابوه و خادمهم السوداني
محاولاتها لانقاذ الحيوانات من محل الحيوانات الي بعمارتهم
مشاعر الجوع ,, و العطش ,, و الوحدة ,, كلها كونت خليط قوي بهالرواية قلما رأيته بأي رواية أخرى حقيقةً
بس لفت نظري شي
غير الحلم الأخير
كان في ملاحظات بنهاية الرواية
ملاحظة وحده شدتني وايد من بين هالملاحظات ,, الملاحظة 14
الملاحظة 14 :
اللامبالاة بما يدور هو جريمة ,, ليس هنالك محايد. لا احد بريء في مجتمع ظالم , فالسكوت بحد ذاته تشجيع على استمرار الظلم و هو بالتالي مشاركة لا مباشرة في ارتكاب الجرم . ( المحايدون ) يشجعون الظالم بسكوتهم - فهم لا ينطقون إلا بعد أن تمس مصالحهم المباشرة - و هذا السكوت هو نوع من التواطئ الضمني و معاهدة ( حسن جوار )
بين الظالم و الذي لم يظلم بعد أو المظلوم أقل من سواه أو المظلوم إلى حد لم يدفعه بعد للإنفجار.
ما تهقون عندنا وايدين من هالنماين بالكويت ؟ :)
شيء محزن للأسف :)
30 comments:
حقيقةً من الملاحظه الأخيره الي ذكرتها تشوقت جداً إني أقرا هالكتاب و خاصةً ان انا أعشق بيروت و أهلها و جداً أتأثر بمعاناة المواطن اللبناني في الحروب الأهليه و غيرها من الأزمات الي تمر فيها لبنان ، و من الملاحظه الي لفتت إنتباهك و مقارنتها مع الواقع الحالي في ديرتك أثبت فعلاً انك قريت الكتاب عدل فـ برافو عليك P:
وانا شخصياً اشجعك انك تقرا مثل هالكتب الي تتكلم عن المجتمع و دور الفرد فيه لأن لو كل مواطن كويتي يقرا هالكتب و يحاول يتثقف بأي طريقه أخرى " غير الكتب " و يفكر و يقارن بالطريقه الي قارنت فيها راح نحد من اللامبالاة و السكوت و الظلم والمصالح الشخصيه في ديرتنا الغاليه ،
أعتذر اذا قرقت وايد :× \و يعطيك العافيه .،
i've read so many for '3ada bas ma mar 3alay hal ketab :S
it seems interestingggg!!
in my books list inshallah
الكتاب مبين عليه ممتع
وصج وايد عندنا ناس يسكتون عن الحق اذا ما كان لهم مصلحة في الكلام :(
انا وحده من الناس
في بعض المواقف ما اتأثر فيها إلا لما تمسني شخصياً
فلنفرض مثلاً قضيةإسقاط الديون
لو امي وابوي ما عندهم قروض
جان ما أيدت فكرة إنهم يسقطونها
وبقول ليش الأوادم تاخذ قروض
في ناس عايشه بدون القروض ومنهم امي وابوي
كمثال طبعاً
لما القضيه تمسك إنت كإنسان في المجتمع
غير لما تمس غيرك !
بتقولون ان كلامي مو منطقي
وإني ماحب ديرتي ومعارضه للوحده الوطنيه , وبلا بلا بلا :/
بالعكس
انا قصدي إن الإنسان لما تمسه هالقضايا
بيحس أكثر , وبيصير عنده دافع إن يتكلم ويقدر يقنع اللي جدامه
بس مو معناته انطر لين اييني الدور !
انا مو مجبوره ادافع عن حق غيري
كل واحد يتكفل بحقه لكن إن تعدت
هالقضايا حدود المعقول وصار فيها ظلم اشكره طغت على ربع المجتمع
اهني يمكن ادافع
اما اذا شي , ما مسني ولا ضرني !
ليش اعارضه ؟
وهذي وجهة نظري واللي معارضها يتفضل D:
يعطيك العافيه
والسلام عليكم ورحمة الله وبركاته p;
sounds tempting
is it available in any book store ?
thx :)
اللامبالاة بما يدور هو جريمة ,, ليس هنالك محايد
So true
مادري ليش هالملاحظه ذكرتني بالغزو
والدول المحايده
فعلا
المحايد مجرم
مثل زميله لي "غير كويتيه" علقت على قتل صدام حسين بأنه ظلم للكيان العربي
ولما ناقشتها جادلتها مجادله طويله عريضه
قالت لي شي صدمني
"هو ما ضرش شعبي ولا بلدي فمأدرش أحكم عليه"
سبحانك ياربي
وصلت الانانية فيننا لهالدرجه
اكيد
فالساكت عن الحق شيطان اخرس
شوقتني اقراها
انصحك بعد قرائتك للكتاب هذا تبلش بكتاب الاستبداد في خير امة اخرجت للناس للكاتب يعقوب محمد اسحاق كاتب سعودي وباحث في الإسلام السياسي صراحه كتاب لا يعلى عليه
عفواً صاحب هذه المدونه بس بما ان الإخت حافية القدمين قالت الي يعارض خل يتفضل ف انا ودي اتفضل و الفت نظرها لشغله و بكل ود و رحابة صدر ،
إختي العزيزه :
يمكن فعلاً انتي أو أمج و أبوج " كمثال ما يعانون من مشكلة القروض ، بس يمكن عمج أو خالج أو صديقتج يعانون من هالمشكله ، يعني صح ان ما يضرج و لا يمسج و لكن يضر و يمس شخص قريب منج و عزيز عليج ، فما بالج اذا كان يمس و يضر نص أو ثلث ارباع شعب ديرتج ! هل هاذا يعني ان انا ما ابدي رايي و لا اعارض لمجرد ان ما يمسني و لا يضرني ؟
مثال آخر بعيد جداً عن القروض ، اعتقد سمعتي عن الأخ المفقود حسين الفضاله ، و شفتي شلون الشعب يطالب بالبحث عنه و ذلك من خلال مظاهرات و التلفزيون و الجرايد و غيرها ، ليش الشعب الكويتي وايد اهتم بالموضوع ؟
معنه لمن طوّل غيابه احنا ما تضررنا لا متنا و لا قلّت معاشاتنا و لا تأثر إقتصادنا و لا شي ، يعني ما مسنا و لا ضرنا ، عيل ليش تكلمنا و طالبنا بهالشي ؟
إذاً الموضوع إهني مو سالفة ما يمسني الموضوع صار روح وطنيه و مساعده و مسانده للطرف الثاني المتضرر ، و احنا بما إن بديره وحده تجمعنا كلنا ككويتين فـ أنا ملزومه إني ما اسكت و أوقف مع كل كويتي ، و لو تلاحظين على موضوع القروض وايد ناس انا شخصياً سألتهم و شفتهم بالتلفزيون و أكثر من واحد قال :" يمكن انا فعلاً ما عندي قروض بس دام انا اشوف ان شعب ديرتي بمن فيهم اهلي و اصدقائي متضررين إذاً انا ككويتي من واجبي اني أوقف معاهم و اساندهم
ملاحظه " الي قلته ما يعبر عن وجهة نظري في اسقاط القروض و لكن الي اقصده اني ما اسكت عن موضوع اشوف أبناء ديرتي متضررين منه لمجرد ان ما يمسني و لا يضرني ،
شكراً لج عزيزتي .،
و اعتذر مره اخرى أخوي اذا قلبنا المدونه حلقه للنقاش و هاذا آخر تعليق لي على هاذا الموضوع ،و يعطيك العافيه P:
ثلجيه :
أرد عليج خيتو نقطه نقطه عشان نكون واضحين
If you read my put off again you'll inderstand
"First"
فلنفرض مثلاً قضيةإسقاط الديون
لو امي وابوي ما عندهم قروض
جان ما أيدت فكرة إنهم يسقطونها
انا قلت " لو " يعني ما يمنع كونهم عليهم ديون
Get it ?
ثانياً :
انا وحده من الناس
في " بعض " المواقف ما اتأثر فيها إلا لما تمسني شخصياً
قلت بعض
والبعض ما ينفي إني أأيد الشعب بأغلب المواقف
ثالثاً :
حسين الفضاله
في بعض المواضيع ماحب أبدي راي فيها
يمكن لأن ما عندي خلفيه واضحه عن هالشي
تلقيني ما أأيد ولا أعارض
بس ما قلت إني اعارض رجوع الفضاله
بالعكس اكو احد مايحب الخير حق الناس
يمكن على يوم انا اختفي p;
وهذا يخدم كلمة" بعض " بالكلام اللي فوق
وبعدين احنا دوله ديمقراطيه
كل واحد يعبر عن اللي يبيه
ويدافع عن اللي يبيه
ردي كان منتهى البساطه
بس لو مركزه شوي
وو بس
Don you didn't mind our discussion , did you ? p;
nice story bas ka2ibatne lol ;p
bs ako min hal nimayin waaayed bs ilwa7ed shu badu ysaweee;p
ثلجية القلب
ايي مو هذا الي تعلمته بعد أربع سنوات من دراسة الأدب ,, دايماً نقارن و نقارن و نقارن ;D
بس المقارنة لوحدها لا تكفي
لازم يكون في هناك حراك لتصحيح هذه الأخطاء :)
Candy
لأنج مشغولة بروايات عبير ;Pp
لازم تقرينه هالكتاب ,, رغم انه عمره 33 سنة لكنه رااائع ;)
Aurous
هالناس هذولي لازم نعلمهم درس ما ينسونه ,, ولا شرايج ؟ ;D
حافية القدمين
الي انتي تتكلمين عنه هذا شي فيه نوع من السلبية , انه لازم القضية تمسني عشان احس فيها ,, لازم يكون عندنا الإحساس بكل المواطنين ,, و قبله يكون عندنا احساس بالوطن و نحط اهميته جدامنا ,, سرقات المال العام مثلاً ما راح تدش بجيب المواطنين ان رجعت ,, لكن الكويت أحق بهالفلوس من الي باقوها ,, عشان جذي كنا و مازلنا ندافع عن المال العام على سبيل المثال و يعتبر خط أحمر بالنسبة لنا ,, رغم انه مو داش بجيبنا شخصياً :)
و غيرها طبعاً قضايا كثيرة من الحريات العامة و غيرها :)
و أنا ضد اسقاط القروض لأنها ضد مبدأ العدالة و المساواة و راح تضر بالاقتصاد و تعلم الكويتيين عالدلع ;D
Lulwa
is that your first visit to my blog ,, I think I saw you here before ? ;D
انا شريته من معرض الكتاب ,, مادري بصراحة وين يبيعون روايات غادة السمان ,, و بالفعل الحياد بهالعصر قد يكون جريمة ,, لأنك قاعد تساهم باستمرار الظلم على المظلوم بسكوتك :)
كبرياء وردة
الساكت عن الحق شيطان أخرس , واللي أبلى منه الي يشوف المظلوم و ما ينصره لمجرد انه هالشي ما يمسه :)
عنيف
اممممم ,, الإسلام السياسي مو موضوع اهتمامي حالياً لكن اوعدك راح أقرى هالكتاب اول ما احصله :)
حافية القدمين + ثلجية القلب
it's a free world ;D
mar8adoosh
فيه يساوي كتير ,, أليله ما يعطيهون وش ولا ريء حلو ,, ما هييك ؟ ;D
للأسف محد قادر
يفهم نقطتي مثل ما انا ابيها
بس
it's your view
Lady Bare-Footed
I don't want to look fascist but ,, why don't you express your idea again ,, you might get us with your idea this time ,, I'll be sitting here and waiting :)
من كل هالنقاش
كان قصدي
إني وحده من الناس
في بعض ما أعمم !
بعض الأمور أأيد الشعب فيها
وبعضها لأ
مثل ما قلتلك لو امي وابوي ما عليهم قروض
جان قلت لا يطيحونها , في ناس قاعده تحافظ على دخلها , وفي ناس لأ شايله على ظهرها ديون تكسر الظهر
إهني كنت راح أعارض المظاهرات ومطالب الشعب
إن يطيحون القروض
على اساس إن امي وابوي ما يعانون من هالمشكله
إنشالله تكون واضحه هالنقطه
إنيي حق الأمور اللي أأيدها مع الشعب
مثل النظام الموحد
يوم كنت بتاسع كنت اسمع طلاب الصف العاشر يتحلطمون من صعوبة المناهج
بس مع هذا وقفت معاهم يوم احتجوا
معني ما كنت مجربه النظام عشان احكم !
عشان جذي
يا معشر البلوقريه
لا تفهموني غلط
وإذا بتعتبروني " متبلدة الإحساس " وما احس بديرتي
يسلم راسكم :)
Something caught me in this blog..
i dont know is it the art, the words, the thoughts..
amazing
xoxo
Eden
حافية القدمين
never mind :)
Eden
awwww ,, that's so sweet :$
:)
Sh7afana
what are you hiding behind that smile ? =)
الكتاب فعلا يشوق لقراءته وشكله ممتع جدا
بس مآسيه وايدة وانا مو ناقصة ضيقة خلق
فبأجل شراء الكتاب لاجل غير مسمى :)
اما بوستك الي طاف مال hold me
:"(
:"(
بجيتني
اول مرة اسمعها الاغنية عجيبة
انت من وين تطلع هالسوالف :)
خديجة البهاويد
و انتوا البنات كله مأيسين و بس
استانسوا
الدنيا حلوة ,, ماغير قاعدين و تاكلون بعمركم ,, مو حجي هذا ما يصير جذي !!
و هالاغنية تعبت و انا ادورها يمكن صارلي سنتين ادورها ;D
Post a Comment