في ضيافة هذا الرجل ;D

ترى هالصورة من اللقاء الي ذاك اليوم ,, غيرها ماكو ;Pp

أشوف جنه محد من البلوقرز الي راحوا حق " يرد الرووح " كتب شي عن هالزيارة

أخاف ما رحتوا ؟؟

فريج سعود ,, رحت ولا ما رحت ؟ ;D

المهم خل اقولكم حيث انه محد كتب اي شي عن الي صار هناك

خل أنا أكتب ;D

قبل لا أروح الديوان قريت ببلوق عاجل إن الحوار بيبدى الساعه 7 بالليل

انا خلصت مشاويري قبل هالوقت و مريت عند الديوان

أشوف الباب مصكر و ماكو أحد

حتى رينج الملا مو موجود ;Pp

جان اروح و أرجعلهم عالساعه ثمان

لقيت انه لا والله اكو سيايير أشوه ;D

بس الباب العود مصكر :(

خفت لا يكون مقلب ;Pp

بس اشوه لقيت واحد هناك جان اقوله

" يا الغالي انتوا يايين حق لقاء الملا صح ؟ "

جان يقولي ايييي كا الحين بدش داخل :D

قلتله ايييي يعني أكيد في لقاء ;Pp

المهم

صفطت السيارة و خلصت

جان أنزل

حسيت شكلي غلط ;D

لابس فنيلة عليها رسمة ملعب ;D

و جاكيت القنص ,, عفواً جاكيت التصوير ;D

الحين دشيت من الباب الجانبي الي قبال سيتي بانك

شفت اول ديوانية ,, ماكو أحد ,, ولا اسمع الصوت من الثانية

طبعاً اشوه انه ماكو احد شافني و انا داش الديوان جني ببوقه ;Pp

قاعد اتلفت و حالتي حالة

لأنه طول الوقت عبالي بومحمد بيقعد بره بالهواء الطلق ,, بس الجو ما يساعد موووول ;D

المهم وصلت عند الباب المفتوح

أجدم خطوة و أرجع خطوة

أدش ؟؟ ما أدش ؟؟

جان اقول انا دامني ياي ياي خو خل ادش و أفك عمري بعد هالمشورة ما ادش شالفايدة ;Pp

جان أدش و انا لابس هاللبس ولا الكل مغترين و آخر سكبة ;Pp

السلاااااااااااااام عليييييييكم ;D

جان يرد علي بومحمد و يقولك و عليكم السلام هلا والله اخوي ;D

جان اقوله بديتوا ولا بعد ؟ ;Pp

جان يقولي لا كا قاعدين نسولف الحين و بعد شوي بنبلش

جان اقوله اييييي زيييين لأنه قالولي ماكو صحافة ,,

جان يقولي اي ماكو صحافة القعدة خاصة " ما قال جذي بالحرف بس هذا المعنى "

المهم ,, جان اقوله ,, بس عادي أصور صح ؟

جان يقولي ايي عادي اخذ راحتك

انا هني جان افصخ جاكيتي

و كانوا قاعدين يسولفون عن الاعتصام مال الفضالة الله يرده بالسلامة لأهله

و بعدين جان يبلش

انا سويت شي حسيت بعدين انه غلط ;D

كان عبالي اني قاعد اصور بمقر كل دقيقة مغير مكاني ;Pp

المهم

انا بصراحة ما راح أقول الي قاله لنا

لكن بقول الصراحة

بعد الي سمعته ,, تغيرت وجهة نظري بالاستجواب

أولاً اهو مو مثل ما تفضل البعض انه عازم المدونين عشان يقولهم كلمتين و يمشيهم

لا بالعكس ,, تكلم و أخذ و عطى لي ساعات الصباح الاولى

و بكل أريحية و كان في ناس مخالفينه بوجهات النظر لكنه تناقش معاهم و بكل رحابة صدر

يعني من كثر ما انا اندمجت بكلامه نسيت اصور ;Pp

بس انا ما سألته إلا سؤالين ,, و هالحجي الساعه جم

الساعه 1 و شي الفيّر ;D

لأن انا ما اعرف اقاطع و ادرعم بنص الحجي كنت كله رافع ايدي حتى الي يم الملا ضحك و قاله هذا فقير صايرله ساعة رافع ايده ,, تفضل إسأل ;D

سألته عن تحويل الموضوع للنيابة و من هالحجي

جان يجاوب علي

انا اذني كانت معاه

بس من التعب ,, قمت اشوف كل شي جدامي احمر و اخضر و اصفر ,, حاشتني حالة غريبة ,, يعني اسمعه و بشكل واضح بس ما اشوفه ;Pp

بس سمعته دونت ووري ;D

عاد قبل لا أطلع ,, كنت قاعد أشوف صورة يده ,, الي اهو ملا صالح الملا ,, جان أقوله

" بومحمد ,, هذا يدك الي ذكره العدساني بمذكراته "

جان يقولي اييي هذا اهو ,, بس لا تصدق كل شي يقوله العدساني ;Pp

عاد جان انا اطلع ,, ما حبيت اطولها لأني بغيت اقوله انه العدساني ذكر موقف حق يده خلاه يكبر بعيني اكثر من باجي الي انحاشوا بسنة المجلس ;D

الي حبيته بهالانسان انه لما يتكلم بتجرد ,, تحس انه صج انسان موضوعي و يتكلم بكل شفافية و يحط كل شي عالطاولة

لا تحاولون ,, ما راح أرضخ للضغوطات ولا راح أقولكم شنو صار ,, مو قالكم تعالوا ,, شماله ما ييتوا ;Pp

و أحلى شي اللومي الي شربته هناك ,, فظيييييع كان ;D

و بس خلاص قلتلكم ما راح أرضخ للضغوطات ;Pp

;******

T.C

و هذي اهداء حق الحلوين الي جنهم زعلانين علي ;Pp