Banker's Diaries - EP02

أمس وين وقفنا ,, ايي وقفنا عند نقطة الاسبوع الثاني

طبعاً انا نسيت اقولكم

الفرع كلللللللللله كاميرات

يعني عسى ما سويت شي يبين بالرئيسي ,, كحيت يبين عندهم ,, تنحنحت يبين عندهم ,, تثاوبت يبين عندهم

الوضع بالضبط وضع مخابراتي

اهو بالحقيقة الوضع مو مخابراتي ولا شي لأنه انا على ثقة انهم بالرئيسي مو فاضين حق ام(ن) يابتنا ,, بس الخوف الزايد من البعض يخلي الوضع بالفرع بالضبط بالضبط مثل ما يقول سمير القلاف

" أشششششششش ,, ستليييييت "

ما علينا

انا احب اسولف بالبي بي ام

يا اخي غرامي السوالف

متعتي السوالف

عيل ليش شاري بي بي ؟ عشان اسولف

طبعاً مو دايماً اسولف مع اللحايا الغانمة لا كان عندي ناس اسولف وياهم بس كل حي و له نصيبه ما خذينا وراهم الا عوار الراس

المههههههههههههم

فانا كان على طول راسي بالبي بي ,, يا ربي بسولف

فهني بدت العلاقة تسوء بيني و بين المدير ,, و السبب طبعاً

الـــــتـــــوت الأســـــود !!

تبون تعرفون شلون صارت

كنت قاعد اسولف اسولف اسولف و كنت قاعد بعييييييييد متنعز بزاوية الفرع

جان يشوفني

والله و اييني ميق

" سيب البي بي يا عَلي "

طب اسيبه ليه ؟ محدش بيشوف !!

لأ دي الكاميرا بتشوف كل حاجه ,, حطه في الدرج يلا بسرعة ما تقادلش

حطيته

اول ما لف ظهره جان اطلعه ;Pp

المرة الثانية الي حصل فيها موقف بسبب البي بي هم كنت مندمج

بس هالمرة كنت قاعد باول الكاونتر

قباله على طول !!

طبعاً اهو المدير الخواف نفسه الي دعيتله بالجرأة أمس ,, اهو الوحيد الي يسويلي مشاكل مع البي بي

جان يشوفني بطرف عين و سكت

شوي ولا يقولي

" شيّك الايميل بتاعَك "

شفته ولا دازلي ايميل الله لا يوريكم البدليات الي فيه و يقولي انه هالمرة انا حذرتك المرة الياية بوصلها حق الإدارة

انتوا متخيلين !!!!!

ترى والله ما كنت امسكه و جدامي عميل مولية , مطلقاً , استحالة

بس الخوف و ما ادراك ما الخوف !!

بس مو هني المواجهة بيني و بينه ,, للحين كنت اخاف منه و ما راددته

المهم بالاسبوع الثاني عطوني يوزرات

عطوني يوزرات يعني خلاص الحين اشتغل رسمي

" شُغل قامِد "

و بالفعل الشغل قامِد بالمطار ,, شغل فظيع

في قوانين ما ادري هل البنك الي حاطها ولا البنك المركزي ,, لأنه بالوطني غير عن الي عندنا ,, المهم

مرة و هالحجي كان يوم خميس ,, ياللي واحد فلبيني و معاه 6500 دينار توه ساحبهم من البنك تااااااازه

و يبي يحطهم بحسابه

يا ألف نهار أبيض هو حد حايشك يبني ,, حطهم بحسابك ,, خذيت صورة بطاقته المدنية و كل شي

نسيت شي واحد

" مـــصـــدر الأمـــوال "

قلتلهم انزين اهو جدامي ساحبهم

ما يفيد , لازم ايي و نعطيه وصل يديد فيه مصدر الفلوس

ليش؟

لأنه بعدين ممكن العميل يكون زغل و يقولك انا مادري من وين مصدر الفلوس و الموظف يكتب كلام انا مادري عنه و كلاوات ما تصير بفلم هندي من اخراج تارانتينو ,, لكن ما علينا

أبيكم بس تتخيلون الموقف

بس تخيلوا معاي

انا , شاب كويتي , عمري 23 سنة , جنسيتي أولى بالتأسيس

أدق على فلبيني اترجاااااه انه يرجع الفرع اعطيه وصل يديد

أكو أكثر من هيجي ظلم ؟ :(

أبد مافي يا جماعة

ولا الفلبيني يقولي انا ماني ياي هذي غلطتك !! شفتوا اكثر من جذي ذل !!

مو عشان شي ,, حشى مو عشان شي ,, بس عشان نعطيه وصل يديد فيه مصدر الفلوس !!

بالأخير كان خوش واحد و رجع

سالفة ثانية صارتلي انه ياللي عميل سوري

كان ياي بيسحب 320 دينار

بس 320 دينار مو اكثر

وقع جدامي على وصل السحب

شفت التوقيع نفس الي عندي بالجهاز

جان امشيه

حلوين ؟ ماكو احلى من جذي

بعدها بنص ساعة المدير يستدعيني

تعال , كلم هالعميل خل ايي يوقع ,, انت شلون مسحبه ما تشوف

التوقيع مختلف !

طيب شلون مختلف انا شايفه نفس الي على السستم

لا مختلف مالي شغل

روح دق عليه يلا ,, لا تضيع الوقت

و ادق على العميل و ما يرد

و ادق عليه و ما يرد

ليما آخر شي رد علي جان اقوله تعال انطرك لي ال 11

طبعاً احنا نقدر نقعد بالفرع لي 11 و نص اذا في شغل او شي

لكن يومها المدير لأ يبيني ,, الساعه 11 لاااااااااااااااااااااااااااااااااااااااااازم اصكر الفرع

معلش , انا استاهل

الحين انا بعرف شنو بيصير اذا ما يا العميل عشان يوقع

مو راضي يقول ,, مولية مو راضي يقول

بالاخير جان يقولي بكنسلها و اخليك انت تدفع فلوسها !!

I was like " what's wrong with you dude!! "

المهم العميل بعد جهد جهيد يا الفرع و وقع

تبون البارت الي صج قهرني

انه العميل وقع نفسسسسسسسسسسسسسسسس التوقيع مال أول مرة !!!

و وافق عليه المدير !!

استر يا ستاااااااااااااااااااااااار ,, شسوي فيه !! مادري

هذي احداث اول جم اسبوع بالفرع ,, جنه والله ابرز احداث اول اسبوعين ,, المصخره قادمة بالطريج و الخير بقبااااال ;P

نراكم غداً على خير انشالله ;D