التنمية تبدأ من هنا ;D

قبل اسبوع الشيطان وزني و قالي يا فلاااان

جيك على دفتر سيارتك

جنه منتهي صارله قرن ؟؟

اجيك عليه ولا والله منتهي و من شهر 6 بعد مو من يوم و يومين

قلت زين

و والله اروح الخميس مو الي طاف الي قبله بجدد الدفتر

و اروح ادفع فلوس التأمين

و أروح مرور الأحمدي أدامهم الله ذخراً للأمتين العربية و الإسلامية

رحت بطلع برنت من المخالفات

ولا يقولي عليك 170 دينار

و عشر دنانير تنفيذ حكم @@

و اطلع برنت

و لله الحمد انا مو مخالف بتاتاً

سيارة اختي بروحها عليها 110 دنانير @@

و يقولون الشباب متهورين ;/

المهم ما علينا

و جان ارجع بيتنا و قلت يوم الاحد اروح ابدل الدفتر

و رحت و دفعت الفلوس و طلعت البرنت و كل شي

و اروح اودي المعاملة

و اعطيها حق الموظف الي قاعد هناك و جان يقولي استريح ليما ننادي اسمك

رقمي بالضبط كان 40

اشوف الوقت يمشي

و يمشي

و محد ناداني !

معاملة المواطن رقم 70 خلصت و رقم 40 قاعد بمكانه ما يصيييييير

جان اقوم حق الموظفين سألت واحد فيهم

يا الغالي صارلي سنة قاعد هني محد ناداني

جان المزدوج يكلمني بكل وقاحة و يقولي

" أنت رح أقعد مكانك و هم ينادونك ;@ "

ايا الجنق !!

انا ينقالي رح اقعد مكانك

بس هين

اشوف فيك يوم عند منفذ النويصيب يا المزدوج ;@

لاحذفك بقرع خايس ;@

و اروح اقعد

دقيقتين ما قدرت

قاعد افرفر بمكاني :@

جان اقوم حق واحد اقوله خالي

ستين الف واحد يا وراي و خذى دفتره و انا قاعد

وين دفتري !!

ما علي مخالفات ولا شي !!

جان يقولي هاااا

جيب الورقة الصفره !

و اعطيه الورقة الصفره

و يدور

و يدور

و يدور

و يدور

و يدور

و يدور

لين خاب ثناه !!

جان اقوله ها حبيبي ,, وينها ؟

جان يقولي الظاهر انها ضايعة

انا هني طلعت عيوني @@

شنو ضايعة

دم قلبي دافع عليها تقولي ضايعة !!

حريييييييمتك ;@

طلعووووووهااااااااااااااا ;@

و يدور يمكن نص ساعه

جان بالاخير يقولي شف انت رح ادفع التأخير و جيبلنا ورقة

و رح للنقيب فلان الفلاني قوله يعطيك نسخة من الورقة !!

و لما رحت بدفع التاخير

جان الموظف يقولي انت وينك صارلنا ساعتين ناطرينك

جان اقوله مضيعين المعاملة !!

الموظف طلعت عيونه @@

المهم دفعت التاخير و رحت يبت الصورة و ثلاث دقايق مو اكثر جان يطلع الدفتر

مشوار ربع ساعه صار ساعتين و نص ببركة رجال الداخلية

المختصر

قبل يومين طق واحد الباب جان يقولنا هذا بيت فلان

قلناله ايي

جان يقول اييي انا معاي معاملتكم @@

ولا رجال الداخلية بارك الله فيهم معطينها حق السايق ماله بالغلط !!

انا أسأل

الموظف الي عطى الهندي المعاملة

ما لاحظ انه وايد اوراق معطيه ؟

و السؤال اهوه

الموظف ليش يعطيه معاملتين !!

لا و يبون تنمية

مااااااالت عليكم اقول ماااااالت عليكم

حتى ليخشتنشتاين بتعطيكم 10 شبات بالتنمية و انتوا خلكم

أهوووو عنييييي بس أهووووو ;@

و ترى ما قلتلكم عن الي بعد خمس سنيييييين تقولي بكل بساطة ما اعرفك

متخيلين

ببساطة جذي تقولي سوري ما عرفتك انت منو !!

و لنا معاها قصة ثانية ;p

Bloglessation!

Seriously ,, nothing!

عطوني عين !!

بعد ما كنت اكتب كل شي عن كل شي ماني عارف اكتب ولا شي ;'(

سيري يبا سيري محد قادر يقولج ستوب !

بسسسس خلاااااص

طقت جبدي !!

ما يصيير جذي !!

32 سنة

يخرب بيت كده ,, يعني اهم بالاتحاد من قبل حسني مبارك !!

جم رئيس مر على امريكا بهالفترة !!

و ما يعرف بالقوى الطلابية الوطنية تعيش حالة من التشرذم قلما وجدتها

شقول

والله احترت من يومين ماني قادر استوعب الرقم !!

8000+ صوت !!

شنو هذا !!

احد يفسرلي شنو هالقائمة !!

Hiiiiiiiiiiiiiiiiiiiiiiiiiiiiiiiiiii ;D

تدرون

ماني عارف وين اودي ويهي منكم ;p

لأنه بصراحة جد أثبت اني انسان ما استحي على ويهي ;p

اكثر من شهر مو كاتب ولا شي

بس لو تعرفون شكنت أمر فيه بالشهر الي طاااف

آآآآآآآآآآخ

كرهت رمضان يا جماعة ,, كرهته بسبة الي سواه فيني ;@

من وين أبدى و وين انتهي

اييييي

قالولي قدم على شركة نفط الخليج !

قلت انا شوراي خل اقدم

اشوه

و لله الحمد و المنة

انه عندي واسطة تييبلي رقم ;p

الموضوع بدى ليلتها

ييت بنام

ماني قادر انام !!

اطلاقاً ماني قادر انام !!

يعني مو يايني النوم مووووولية

اتقلب يمين يسار

ماكو !

قلت ماشي

خل اروح مواصل !

و رحت هناك الساعه 10 بالضبط كنت هناك

ولا اشوف واحد من اصدقائي طالع من الباب

جان يقولي شوف اخذ هالرقم جود ايي دورك مبجر

ولا الرقم 148 @@

ادش داخل ولا الرقم واصل 198 @@

جان اروح حق واسطتي

ولا يعطيني 36 ;Pp

اخللللللللللللللص علي بدون واسطة الواحد ما يمشي ;Pp

المهم قدمت اوراقي و كل شي

رديت البيت قلت ماني نايم الا ساعة و اقوم اشوف زوارة خميس و بالليل اعدل نومتي

الحين خلصت هالبروسس المتعب المجهد القاتل

و ييت بنام بالليل

ماكو نوم !!

ينيت

استمريت على هالحالة لي قبل اسبوع الي الحمدلله تعدلت النومة

اي و في مرة اضطريت اروح المستشفى يعطوني ابرة ;P

BTW

تدرون للحين ما اشتغلت

احتمال اذا استمر الوضع جذي أفكر بالهجرة بشكل جدي ;P

مادري ليش عان على بالي أروح السويد افتح محل فلافل ,, حالي حال العراقيين الي يصيرون مليارديرية من محلات الفلافل ;p

مو معقولة يعني كل مكان يبي خريجين ادارية !!

فجأة الكويت صارت سنغافورة !!

بس مو مشكلة

بيوم من الأيام راح اشتري كل هالشركات و اقلبها محلات فلافل ;@

بمافيها بنك الكويت الوطني ;@

ايييي بعد عن شنو كنت بسولف

ايييي مسلسل زوارة خميس ماني عارف موزة توها متخرجة من الثانوية و اخوها توه متخرج هم شلون فجأة ترجع الذاكرة بنادية و تتذكر انها سوتلها توكيل لانه عمرها فوق ال 21 و ولدها عمره 19 !!

يعني بالضبط المسلسل يتكلم عن جم سنة ؟

لأنه اليهال نفسهم ما كبروا !!

crappy directors ;p

بعد شنو فيه

ايييي

اليوم لما قعدت من النوم

لأول مرة

من 17 سنة

يبدى العام الدراسي

و انا ما عندي مدرسة او جامعة اروحلها ;(

شعور مو شي كلش ملش ;(

و بس خلاص

بروح ادورلي وظيفة باذربيجان ,, هناك ديرة نفطية و فلوسهم زايدة ;p

هذا البوست برعاية الحلوة الي فوق ;p

I Love French Women ;Pp

الوظيفة !!

بتاريخ 12-6 تخرجت من جامعة الكويت بعد رحلة خمس سنوات

حلو ,, طيب وين المشكلة ؟

المشكلة انه لازم الحين اييب الوظيفة !!

الوظيفة ,, صح صح صح ,, شنو الوظيفة ؟

حق ليش اتوظف ؟

حق شحقه ؟

جواب السؤال الأول حق ليش

لأنه الإعانة راح توقف لما اتخرج

و لأنه لازم ما اعيش عالة عالمجتمع

مش كده برضك ولا ايه ؟ ;P

جواب السؤال الثاني الي اهو حق شحقه

حق ايمع السته ألف سبعه ألف ثمانيه ألف الي امي قالتلي ايمعهم عشان تقبل انها تروح تطق بيبان الأوادم ;P

المهم

ببركتها جامعة الكويت تخلي الطالب قاعد عطالي بطالي من يتخرج لي بداية شهر 7 ;P

و انا صبرت ,, و نطرت ,, ليما دزولنا مسجات انه روحوا استلموا الشهادات

والله و جان اشيل شلايلي من هدية لي الشويخ و رحت و خذيت الشهادة

طيب بعدين شسوي فيها ؟

اوديها و اقدم على كل مكااااان !!

هذي الفكرة الشائعة عند كل حديثي التخرج ;Pp

انا ما تعجبني هالفكرة

رحت قدمت على البنك الوطني

بنك محترم و مرموق و الأكثر أماناً في المنطقة ,, جذي يقول الإعلان ;D

انا البنك الوطني كنت مقدم عليهم من قبل على اساس بارت تايم

ايييي خل اقولكم قصة البارت تايم ;P

اول مرة رحت هناك كنت مفرع ,, لابس دشداشة و نعال و عادي يعني شكلي شكل اي طالب مزرق من الجامعة و ياي يقدم و يرجع الجامعة

الحبيب الموظف مال شؤون الموظفين استقبلني بابتسامة عذبة

و قالي شوف احنا الحين ما عندنا شواغر " بس انت قدم اوراقك و انشالله خير " ,, حلو الكلام ؟

رحتله بعد يومييييييين بس ,, على ما طلعت صورة اصلية من شهادة الثانوية

مع العلم انه اكتشفت بعدين انهم يبون كوبي ,, ابيض و اسود

رحتله ,, و هالمرة كنت مغتر

جان ابتسمله و اقوله السلام عليكم انا بقدم اوراقي :D

جان يقابلني بنفس الإبتسامة العذبة و يقولي

" بس انا قلتلك ما عندنا شواغر :/ "

قلتله بس انت قلتلي اييب اوراقي ;S

جان يقولي انزين انزين ,, تعال عب الابليكيشن

عبيته خلصت جان يقولي اوكي انشالله ندق عليك

مادي ليش تهيألي انه اذا توظفت و بيعطوني معاش راح يقصون من معاشه !!

المهم انا لما رحت حق الوطني ولا ذاات الموظف صاحب الإبتسامة " العذبة " إياها

جان يقابلني بابتسامة من الشق لي الشق

و اخذ الاوراق كلها بابتسامة عذبة جداً !!

حتى انا شخصياً استغربت شفيه هذا ;Pp

و عبيت الابلكيشن و قالي انشالله باقرب فرصة ندق عليك

شوفوا يعني هالمرة كنت مفكر اني اتهاوش وياه بس شحلاته كان حليو و خوش آدمي فعشان جذي راح اكافئه و اسميه صاحب الابتسامة العذبة ;Pp

بس الوطني ما دقوا ;Pp

المكان الثاني الي قدمت عليه

وكالة الانباء الكويتية كونا ;D

رحت هناك و قدمت اوراقي بكل عنف و قوة ,, و عطوني رقم 1 بكشف امتحان الانجليزي

و الواسطة موجوده !!

يعني الوظيفة موجودة ;P

بس مادري ليش شفت يوم السبت الي بالورقة على اساس انه يوم الأثنين ;Pp

فراح علي الامتحان ;Pp

المكان الثالث وين ؟

شركة محمد حمود الشايع

شوفوا من الحين الي بيقولي بتشتغل بستاربكس ولا بتبيع دهن عود و هالسوالف خل يقط قطته بسرعة و يمشي لأنه سمعتها مليون مرة ;Pp

المهم خل اقولكم

الشايع حطيت السي في مالي بموقعهم اليوم

دقوا علي باجر !!

قلت الله اكبر الله اكبر @@

بهالسرعة الواحد يتوظف !!

المهم جان يقولولي تعال اليوم الفلاني الوقت الفلاني عندنا برنامج تعريفي عن الشركة و من خلاله تعرف شنو طبيعة المكان و كيفك عاد بعدين بتشتغل عندنا ولا لأ ;D

لاحظتوا ,, انته تختار مو احنا ;Pp

قلت حلو

جان اروح باليوم الموعود

حلقت ,, و تزقرت ,, و غترت

رحت هناك اشوف الناس كووول وايد ;D

حتى في واحد حاط ترجية بعينه ,,, حاب اوجهله تحية لا يفهمني غلط ;Pp

المهم يا جماعة الخير

و يعطونا برزنتيشن نص ساعة

بعدين جان تيي الأسئلة

محد سأل إلا انا و بنت ثانية

قلت حلو هالشي يعطيهم good impression ;P

بالبريك الي بالنص قبل المرحلة الثانية رحت هم سولفت مع مسؤولة الموظفين بالشايع كله ,, هم قالولي تفيد هالحركة

و بعدين جان يقطونا ب group exercise ;D

و ابدعت بهالشي ,, كنت انا الي ماسك القعدة ;P

و بالمقابلة الشخصية هم بذلت قصارى جهدي اني اترك لهم انطباع مميز

و خذيت كروتهم الشخصية ;D

و دزيتلهم Thank You Note ;D

يعني خلاااااص انا قاعد اسوي اشياء عمري ما سويتها ;P

و قالولي انشالله الاسبوع الياي ندق عليك

يمر الوقت , اسبوع ,, عشر ايام ,, محد دق

في اليوم الحادي عشر و انا توني قاعد من النوم

ولا اشوف عندي مسد كول

ادق عليه ولا موظفة بالشايع تقولي بالحرف

" sorry we couldn't find you a position in Al-Shaya , because you wanted to work in a place that allows you to get in touch with people , unfortunately we don't have such position right now ,, BBye "

انزين ليش داقة خو ادري ما قبلتوني يعني الا تسمعيني هالكلمتين ;P

و بالأخير جان ارجع لقواعدي و شغلت واسطاتي و حصلت وظيفة ببنك طوييييييييييييييييييييييييل ;D

و بس خلصت انشالله ناطرهم يدقون علي يقولولي الدورة متى بشهر 9 ;D

اي و في نقطة مهمة ,, ما قدمت عالديوان

و اشوه اني ما قدمت ,, لأنه في وحده ما تتسماش قدمت عالديوان و انقبلت و راح تصير مدرسة فاحسن عشان لا اصير موجه عليها باجر عقب باجر و اخسف بأهل ام(ن) يابتها ;Pp

شفتوا شكثر انا طيب و ما احب أذية الناس ;Pp

و رمــــــضــــان كـــــريــــــم

و هذا البوست برعاية الحلوة الي فوق ;D

أحد يشرحلي ليش كانوا يحطولنا هالاغنية بالروضة :/

تسع سنين على فاضي بلاش !!

ألقى الشاعر حسن المرواني هذه القصيده اليتيمه في حفل التخرج لكلية التربيه في بغداد سنه 1978 وأهداها الى حبيبته التى احبها ها تسع سنوات وكان يظن أنها تحبه ..ويبدو أن المـــال أغراها...وكان كثيرا ما يسألونه ما دامت قد رفضتك فلماذا لا تبحث عن واحده أخرى ؟..وكان يجيبهم بأنه لا بأس ان يشنق مرتين..ولكنه بكل ما يجيده الاطفال من اصرار يرفض ان يحب مرتين !! ===================================
دع عنك لومي واعزف عن ملاماتي إني هويت سريعاً من معاناتي
ما حرم الله حباً في شريعته بل بارك الله أحلامي البريئات
انا لمن طينة والله أودعها روحاً ترف بها عذب المناجاة
دع العقاب ولا تعذل بفاتنة ما كان قلبي نحيت في حجارات
إني بغير الحب أخشاب يابسة إني بغير الهوى أشباه أموات
إني لفي بلدة أمسى بسيرها ثوب الشريعة في مخرق عاداتي
يا للتعاسة من دعوى مدينتنا فيها يعد الهوى كبرى الخطيئات
نبض القلوب مورق عن قداستها تسمع أحاديث أقوال الخرافات
عبارة علقت في كل منعطف أعوذ بالله من تلك الحماقات
عشق البنات حرام في مدينتنا عشق البنات طريق للغوايات
إياك أن تلتقي يوماً بامرأة إياك إياك أن تغري الحبيبات
إن الصبابة عار في مدينتنا فكيف لو كان حبي للأميرات
سمراء ما حزني عمراً أبدده ولكن عاشق والحب مأساتي
الصبح أهدى إلى الأزهار قبلته والعلقم المرقد أمسى بكاساتي
يا قبلة الحب يا من جئت أنشدها شعراً لعل الهوى يشفي جراحاتي
ذوت أزهار روحي وهي يابسة ماتت أغاني الهوى ماتت حكاياتي
ماتت بمحراب عينيك ابتهالاتي واستسلمت لرياح اليأس راياتي
جفت على بابك الموصود أزمنتي ليلى وما أثمرت شيئاً نداءاتي
أنا الذي ضاع لي عامان من عمري وباركت همي وصدقت افتراضاتي
عامان ما رف لي لحن على وتر ولا استفاقت على نور سماواتي
اعتق الحب في قلبي وأعصره فأرشف الهم في مغبرّ كاساتي
وأودع الورد أتعابي وأزرعه فيروق شوكاً ينمو في حشاشاتِ
ما ضر لو عانق النيروز غاباتي أو صافح الظل أوراقي الحزينات
ما ضر لو أن كفا منك جاءتنا بحقد تنفض آلامي المريرات
سنين تسع مضت والأحزان تسحقني ومت حتى تناستني صباباتي
تسع على مركب الأشواق في سفر والريح تعصف في عنف شراعات
طال انتظاري متى كركوك تفتح لي درباً إليها فأطفي نار آهاتي
متى ستوصلني كركوك قافلتي متى ترفرف يا عشاق راياتي
غداً سأذبح أحزاني وادفنها غداً سأطلق أنغامي الضحوكات
ولكن نعتني للعشاق قاتلتي إذا أعقبت فرحي شلال حيرات
فعدت أحمل نعش الحب مكتئباً أمضي البوادي وأسماري قصيداتي
ممزق أنا لا جاه ولا ترف يغريكِ فيَّ فخليني لآهاتي
لو تعصرين سنين العمر أكملها لسال منها نزيف من جراحاتي
كل القناديل عذب نورها وأنا تظل تشكو نضوب الزيت مشكاتي
لو كنت ذا ترف ما كنت رافضة حبي... ولكن عسر الحال مأساتـي
فليمضغ اليأس آمالي التي يبست وليغرق الموج يا ليلى بضاعاتي
عانيت لا حزني أبوح به ولست تدرين شيئاً عن معاناتي
أمشي وأضحك يا ليلى مكابرةً علّي أخبي عن الناس احتضاراتي
لا الناس تعرف ما خطبي فتعذرني ولا سبيل لديهم في مواساتي
لاموا افتتاني بزرقاء العيون ولو رأوا جمال عينيك ما لاموا افتتاناتي
لو لم يكن أجمل الألوان أزرقها ما اختاره الله لوناً للسموات
يرسو بجفني حرمان يمص دمي ويستبيح إذا شاء ابتساماتي
عندي أحاديث حزنٍ كيف أسطرها تضيق ذرعاً بي أو في عباراتي
ينزّ من حرقتي الدمع فأسأله لمن أبثّ تباريحي المريضات
معذورة أنتِ إن أجهضت لي أملي لا الذنب ذنبك بل كانت حماقاتي
أضعت في عرض الصحراء قافلتي فمضيت أبحث في عينيك عن ذاتي
وجئت أحضانك الخضراء منتشياَ كالطفل أحمل أحلامي البريئاتِ
أتيت أحمل في كفيّ أغنيةً أجترها كلما طالت مسافاتي
حتى إذا انبلجت عيناك في أفق وطرز الفجر أيامي الكئيباتِ
غرست كفك تجتثين أوردتي وتسحقين بلا رفق مسراتي
واغربتاه... مضاعٌ هاجرت سفني عني وما أبحرت منها شراعاتي
نُفيت واستوطن الأغراب في بلدي ومزقوا كل أشيائي الحبيبات
خانتك عيناك في زيف وفي كذب أم غرّك البهرج الخداع مولاتي
توغلي يا رماح الحقد في جسدي ومزقي ما تبقى من حشاشاتي
فراشة جئت ألقي كحل أجنحتي لديك فاحترقت ظلماً جناحاتي
أصيح والسيف مزروع بخاصرتي والغدر حطم آمالي العريضات
هل ينمحي طيفك السحري منى خلدي؟ وهل ستشرق عن صبح وجناتي
ها أنت أيضاً كيف السبيل إلى أهلي؟ ودونهم قفر المفازات
كتبت في كوكب المريخ لافتةً أشكو بها الطائر المحزون آهاتي
وانت أيضاً ألا تبّت يداكِ إذا آثرتِ قتلي واستعذبت أنّاتي
من لي بحذف اسمك الشفاف من لغتي إذاً ستمسي بلا ليلى حكاياتي

=====

تخيل عزيزي القارئ و عزيزتي القارئة انكم تنطرون شخص لمدة 9 سنوات بالأخير يقولك الله معَك ,, انته الحلقة الأضعف !!

ويلاااااااااااه ,, والله تعور

9 سنين !!

والله قاسية و ما عندها قلب !!

انتوا شرايكم بالقصيدة ؟؟

الأبيات الي معلمها باللون الأحمر هذي حسيتها تعبر عن ما في قلبي من آهات مكتومة << مادري شفيني صرت اندلسي مرة وحده بس مو مني ;$

المدونة لازم تظل مدونة

إي نعم إي نعم إي نعم

من اليوم و رايح ماني كاتب يومياتي لين احس اني بالمووود عشان اكتبهم

بسبة اني قاعد احاول انزلهم سلسلة قاعد انقطع عن العالم التدويني ;Pp

فخلاص من اليوم و رايح راح ارجعلكم جمهوري العزيز ,, و على الأخص معجباتي العزيزات من زميلاتي المدونات الصديقات ,, و هذا حق و واجب لأنه اكثر الي يعلقون عندي إناث ,, الذكور لاهين بالسياسة ;Pp

فأنا انشالله بالقريب العاجل ادور سالفة اكتبها لكم لانه من تخرجت و انا مستمتع بحياة البطالة ;Pp

+

do you know that one more inch or one less inch can make a world of difference ?

write it down ;P