تدرون
ماني عارف وين اودي ويهي منكم ;p
لأنه بصراحة جد أثبت اني انسان ما استحي على ويهي ;p
اكثر من شهر مو كاتب ولا شي
بس لو تعرفون شكنت أمر فيه بالشهر الي طاااف
آآآآآآآآآآخ
كرهت رمضان يا جماعة ,, كرهته بسبة الي سواه فيني ;@
من وين أبدى و وين انتهي
اييييي
قالولي قدم على شركة نفط الخليج !
قلت انا شوراي خل اقدم
اشوه
و لله الحمد و المنة
انه عندي واسطة تييبلي رقم ;p
الموضوع بدى ليلتها
ييت بنام
ماني قادر انام !!
اطلاقاً ماني قادر انام !!
يعني مو يايني النوم مووووولية
اتقلب يمين يسار
ماكو !
قلت ماشي
خل اروح مواصل !
و رحت هناك الساعه 10 بالضبط كنت هناك
ولا اشوف واحد من اصدقائي طالع من الباب
جان يقولي شوف اخذ هالرقم جود ايي دورك مبجر
ولا الرقم 148 @@
ادش داخل ولا الرقم واصل 198 @@
جان اروح حق واسطتي
ولا يعطيني 36 ;Pp
اخللللللللللللللص علي بدون واسطة الواحد ما يمشي ;Pp
المهم قدمت اوراقي و كل شي
رديت البيت قلت ماني نايم الا ساعة و اقوم اشوف زوارة خميس و بالليل اعدل نومتي
الحين خلصت هالبروسس المتعب المجهد القاتل
و ييت بنام بالليل
ماكو نوم !!
ينيت
استمريت على هالحالة لي قبل اسبوع الي الحمدلله تعدلت النومة
اي و في مرة اضطريت اروح المستشفى يعطوني ابرة ;P
BTW
تدرون للحين ما اشتغلت
احتمال اذا استمر الوضع جذي أفكر بالهجرة بشكل جدي ;P
مادري ليش عان على بالي أروح السويد افتح محل فلافل ,, حالي حال العراقيين الي يصيرون مليارديرية من محلات الفلافل ;p
مو معقولة يعني كل مكان يبي خريجين ادارية !!
فجأة الكويت صارت سنغافورة !!
بس مو مشكلة
بيوم من الأيام راح اشتري كل هالشركات و اقلبها محلات فلافل ;@
بمافيها بنك الكويت الوطني ;@
ايييي بعد عن شنو كنت بسولف
ايييي مسلسل زوارة خميس ماني عارف موزة توها متخرجة من الثانوية و اخوها توه متخرج هم شلون فجأة ترجع الذاكرة بنادية و تتذكر انها سوتلها توكيل لانه عمرها فوق ال 21 و ولدها عمره 19 !!
يعني بالضبط المسلسل يتكلم عن جم سنة ؟
لأنه اليهال نفسهم ما كبروا !!
crappy directors ;p
بعد شنو فيه
ايييي
اليوم لما قعدت من النوم
لأول مرة
من 17 سنة
يبدى العام الدراسي
و انا ما عندي مدرسة او جامعة اروحلها ;(
شعور مو شي كلش ملش ;(
و بس خلاص
بروح ادورلي وظيفة باذربيجان ,, هناك ديرة نفطية و فلوسهم زايدة ;p
هذا البوست برعاية الحلوة الي فوق ;p
I Love French Women ;Pp
10 comments:
تقوم من النوم ما عندك مدرسة ولا جامعة ومو عاجبك
بالله شقول فيك ؟؟
اطلع لي بالهدة
تداوم بدالي اخر سنه ثنويه ؟
ترى والله راضيه وفوقهم فلوس بعد
يا حياا الله بو حسين
عيل تهدنا شهر وماتدري عنا ها ؟
على فكره من شفت صورة البنيه
قلت تزووووج الريال !!
بس حسافه ماتزوجت
:))
موفق على خير
اقنع نفسك انها فترة نقاهة و استرخاء
:)
موفق يا خوي ان شالله
فريج سعود
ياخوووك ملل قاعد بالبيت بين اربع طوف
اطلع اروح ارد هم ملل
اهو صج حلو انه الواحد ما يكون مسؤول ,, بس برضك يعني كترة الكسل تجلب الملل ;P
حافية القدمين
لااااااااء ,, جامعة راضي ثانوية لأ ;P
و بعدين تو الناس عالزواج ,, من بعد الطراق الي ياني في المرة الأخيرة تبت ;P
Engineer A
merciii awii ;D
عثماني
انتهت الفترة و لله الحمد و المنة ;D
عاش من شافك ;D
ودني معاك اذربيجان
يازتلي السالفه بس مطعم فلافل ماكو
لول
msha3erha
شنو المشروع الي بنعيش منه عيل ؟ ;P
Post a Comment