Opening Day

سوري كلكم بس اضطريت اني امسح القصة الي كانت سبب باستقطاب الجمهور للبلوق :/
Don't ask why :(

*****

شنو شعوركم و انتو تتخيلون نفسكم قاعدين من النوم و الجو باااااااارد و لما تطلعون بره الخيمة ما تشوفون جدامكم الا خيام ... و شوية كوريين عاليمين !

جان اشوف ولا القائد قاعد يدور احد يساعده بالمطبخ ... المهم بعد ما سوينا المطبخ و ضبطناه جان نكتشف انه لازم نركب الطربال لانه المطر هناك كثيف

المهم يينا بنركبه ولا يطلع حبلنا قصير ,, جان القائد يتكلم مع جيراننا الأتراك يقولهم بالتركي نبي حبل طويل ... انا ما ركز ببالي الا كلمة طويل لأنها بالتركي .. بيوك

الحين صار وقت الطباخ

طبخنا شي غريب عجيب مريييب

اييييييي نسيت اقولكم

اهم هناك عطونا شي مثل بطاقة تموينية نروح كل يوم نستلم المونة من الشسمه التموين

هناك صارت افلام وايد بس اول يوم انا ما رحت

المهم نرجع للمطبخ

الي طبخناه كان بالضبط ... بيض مخلوط بالجبن و و و .. و الفول ;p

يعني بالضبط بالضبط سمك لبن تمر هندي ;p

بهاليوم بالفترة الصباحية ما كان في شي مهم إلا توزيع بطاقات المخيم ملوت الأنشطة و المعرض الي لازم نسويه

المهم و احنا قاعدين نشتغل جان اييونا القادة الانجليز يقولون ترى اليوم الافتتاح ... جذي جك بوم ترى اليوم افتتاح لبسو اللبس الرسمي و روحوا

جان نلبس ملابسنا و نصور عند بوابتنا الي سوينها بدون سور و مشينا لي الأرينا

الاحتفال كان بسيط ... لكنه مو صجي

It was like WOODSTOCK !

مسرح كبييييير و الوفود كلها ياية مع بعضها

صج صج
One World , One Promise

كان واااااايد حلو الافتتاح بس المشكلة انه ما عندي صور ,,, كان برعاية ال
BBC

الي يضحك انه بآخر الافتتاح حطو هالجملة

Showers and Toilets are Available ,, Enjoy ;p

that was cooooooool ;p

و اييي كانو يايبين فرقة و دق و رقص و غناوي ... بس انا ما رحت وياهم ... شبسوي بينهم ;p

لما ردينا المخيم كانت الدنيا مظلمة بس هم رحنا الشور

و كان أسوء شي نسويه

اييييييييي خل اقولكم عن الشور

اول ما دشينا كنا لابسين تريننقز

لما دشينا ولا هناك العموم ... سلط ملط ;p

أول ما دخلنا جان نبلم انا و رفيجي ... شنسوي شالدبرة ... مو حلوة نطلع ;p

المهم انه احنا دبرناها

بس صج كان شكلهم يضحك الكوريين ;p

لما ردينا الخيمة جان الشباب يقولولنا ترى في ديسكو تروحون ؟؟


و أكلمكم بالحلقة الياية ;p


*****

أحس انه هالبوست مليق مو شي مو نفس الباجين ... سوري اذا حسيتو بهالشي انتو بعد :)

Let's go for a walk ? :D

و رجعنالكم من يديد

هاي شلونكن ؟ شخباركن ؟؟

الي يانا و ياكم

خير لفانا و لفاكم

و شر تعدانا .. و تعداكم

نكمل معاكم يا حبيباتي قصة علي البحري في لندن

*****

جان يصير الصبح

قعدت من النوم .. جان اشوف يمي ولا ماكو أحد .. أدور جنطة أحمد .. مو موجودة

انا قلت الظاهر لازم نتيمع بسرعة

و جان البس ملابسي بدون لا اسبح :(

و نزلت تحت ولا الحبايب قاعدين يتريقون و قالولي للحين بعد ساعتين بنمشي !

انا هني تنفست الصعداء و قعدت اتريق وياهم

ليما صار وقت الرحيل

دقينا على منظمين المخيم جان يقولون ترى ماكو باص لازم تروحون بروحكم لي نقطة التجمع !!

شنسوي شالدبرة شالحل

جان القادة يطلبون من الفندق يدقون على تكاسي تشيلنا و تشيل اغراضنا

و ما قصرو الأيواد << يعني منهم :p

المهم شلنا الربع بحروة عشر تكاسي و وصلنا لي نقطة التجمع الي اسمها

Baden Powell's House

انا رايح هالمكان من قبل يصير صوب متحف التاريخ الطبيعي بلندن

المهم وصلنا هناك ولا ماكو احد الا اثنين ماسكين دولكتين فيهم شي جنه شربت فيمتو .. جان نشرب و قلنالهم مأجورين عمي دنيا و آخرة ... لا لا مو تصدقون غشمرة ;p

المهم دقايق جان نسمع طقة خطوات عالأرض من كل صوب

ولا الفرق الكشفية ياية !!

يايين مشي ... والله انحرجنا قمنا نطالع بعض من الفشلة و كل واحد فيهم شايل جنطته على ظهره و احنا يايبين جناط شكبرها ;p

المهم جان ايي الباص !!

ركبنا كلنا و جان يقولون لنا باول الباص ترى الرحلة ثلاث ساعات على ما نوصل نقطة التجمع مالت الوفود

و احنا بالطريج طحناله دق و غناوي

بالطريج مرينا على اماكن بلندن الله وكيلكم عبالكم قاعدين تمشون بالمرقاب ولابنيد القار مو لندن

المهم بعد فترة بالسيارة الواحد يمل

فكان لازم ندور شي نقزرها فيه

جان نشوف واحد من ربعنا يسولف " بالكاد " مع قائدة ايرلندية ... الشباب ما قصروا وياه كل واحد قط عليه نغزة و حصل المقسوم الولد بسبة هالجم كلمة الي حجاها ويا الايرلندية ;p

المهم جان نوصل نقطة التجمع

واااااااااااااااااااااو المنظر مو صج

خضااااااااااااااااااااار

كنا بنصير خرفان و ناكل المكان من كثر ما شكله يشوق :p

المهم ما اطول عليكم قعدنا بالخيمة شوي جان اسمع القائد يقولي روح استلم البطاقات و اخذ وياك حسين

تخيلو الي يعطينا البطاقات كان قبرصي

قبرصي و كويتي بيتفاهمون بالانجليزي ... جنهم سعودي و ايراني بيحاولون يتكلمون روسي

المهم جان نركب الباصات مرة ثانية و رحنا المخيم الي اسمه

Hylands Park - Essex

وصلنا الأرينا الي اهي سنتر المخيم

جان يقولون لنا انتو بمخيم بيرينيس

مخيم بيرينيس هذا آآآآآآآآآآآآآآآآخر مخيم بالمخيم كله

و تخيلو طول المخيم احنا نسحب بجناطنا كل واحد ساحب معاه جنطتين من جناط السفر حتى اليهال

المهم وصلنا بيرينيس

لما وصلنا هناك جان تستقبلنا القائدة مالت فرقة المساعدة

قالتلنا انه مكان مخيمنا بيكون بآخر زاوية بالخيم آآآآآآآآآآآآآآآخر شي

ملاحظة : مساحة المخيم = محافظة مبارك الكبير كلهاااااااااااااا من المحيط إلى الخليج

و ترى المسافة الي مشيناها تساوي نص المخيم في نص ثاني ما اكتشفناه الا باليوم قبل الأخير

المهم لما وصلنا

كان عبالنا انه في خيام جاهزة و احنا بس نحط اغراضنا

اتضح انها لازم نييب خيامنا معانا و الخيام لازم خيام هايك .. جان القائد ايمعنا

و حسيت لما يمعنا كلنا جنه ميل غيبسون بفلم ذا باتريوت لما كان يحمس الجنود ;p

المهم جان نقط كلنا و نشتري الخيام

بعدين اكتشفنا انه ما عندنا مطبخ

جان نروح انا و جم واحد نييب الطاولات

اكتشفنا انه المطبخ يبيله سلندرات غاز

تصوروا خلوني أشيل سلندر غاز كل هالمسافة روحة و ردة مرتين

ولا حتى في واحد ايرلندي قعد يضحك علي يقولي شكلك .. لا خلاص ماني قايل :(

المهم الحين جان يصير بالليل و انا تعبت من كثر الشغل و الخيام و الطاولات و غيره

جان اقول حق رفيجي اذا صار العشا لا تقعدني انا بنااااااااام

و صج لما سوو العشا ما قعدوني و نمتتتتتتتتتتتت

و جان صار يوم ثاني

عاد هذي يا حبيباتي خلوها حق يوم ثاني ;p

seeeee ya ;*

Today's Quiz : Do you think that Somaya El-'7shab has a full package ??

BoOoM !!

Hi

it's been a long time I know ,, but it seems that you didn't miss me at all :'( ,, poor me :'(

المهم نكمل من حيث وقفنا .. هالبوست مافيه ولا صورة للأسف للحين ما حصلت الصور

*****

صحيت الصبح .. جان اشوف نفسي بروحي بالغرفة
وين احمدو !!
وين راح هذا انا ما ادل شي بالفندق !!

المهم قلت ماكو الا تعتمد على فهلوتك و تقوم تاخذ شور و تنزل اللوبي تشوف اصدقائك وينهم

نزلت جان اسال ملوت اللوبي وين المطعم ... الله وكيلكم دشيت المطعم جني داش مقصف عمال ;p

المهم جان أشوف ولا في واحد من أصدقائي قاعد بالمطعم رحت قعدت وياه مع اني ما اعرفه قلت هذي فرصة اتعرف عليه

طبعاً بهالمطعم الريوق اكشخ شي موجود كان بيض مفيوح ;p

لكن شنو الي صار

انه عبر القاعة نفسها بالصوب الثاني كان المطعم الكشخه الي كل الوفد قاعدين فيه و محد منهم قالي والله يا فلان ترى هذا المطعم الكشخه ... يلا مو مشكلة عديناها

أول ما خلصنا جان القائد يقولنا يا شباب اليوم عندنا رحلة بنروح الأكواريوم الي بيروح ويانا خل ايي الي ما يبي يروح خل يقعد بالفندق يحط باله عالصغار و اذا بيطلعون يطلع وياهم

انا و واحد معاي قلنا ما نبي نروح و الاكثرية كانو قاعدين لانهم بيتسوقون

المهم القعدة بالفندق تملل .. و انا بالغرفة بروحي جان اييلي فيصل الي قعدنا عنده بالحلقة الي طافت على ما لقينالنا غرفة

انا وياه قاعدين نطل من الدريشة جان اقوله

فصيل تحتنا في بار .. بس اكيد مصكر الحين و ثاني شي انا وياك ما نشرب و ثالث شي و الأكيد انك ما تسويها و تروح معاي البار نطلب منهم ماي ;p

و في هناك " هني بداية الفلم " اكو علامة الفار هذا أكيد محل والت ديزني ... تروح ؟؟

اهو ما صدق خبر جان يقولي يلا فوقه خنروح

المشكلة انه من جامة الفندق كنا نشوف المكان قريييييييييييييييب

لما نزلنا بالشارع ولا المكان بعيييييييييد .. كنا نلعب سلم و الحية بالشارع على ما وصلنا

لما وصلنا هناك ولا شنو يطلع ... إعلان حق شركة تجميع ضرايب !!

انا وياه صارت ويوهنا مثل ماروكو لما تبتلش ;p

المهم قلتله دام وصلنا لي هني خل نكمل طريجنا يمكن نلقى شي ولا مكان حلو بالطريج << ما كنت بحسسه اني مضيع الفندق ;p

المهم و احنا ماشين ماشين جان نلقى محل غيتارات

اي نسيت اقولكم ... فيصل يعزف عالغيتار و عزفه حلو عشان جذي كان يدور محل يبيع غيتارات

المهم دشينا المحل ... جان يذكرني بمحل سالمين مال الأعواد مادري ليش ;p

المهم قلناله بنجرب غيتارات يصير .. طبعاً انا الي اتكلم لانه فوفو زميلي ميييييح بالانجليزي

لما قعد يجرب الغيتارات انا شفت الغيتارات الي موقعين عليهم مغنين ... طلع المحل مو هين لأنه لقيت غيتار حق بوب ديلان عندهم !!

نسيت اقولكم شغلة

بصيف 2005 لندن كان فيها تفجيرات الانفاق تذكرون

احنا كنا رايحين بنص التفجيرات :p

الحين فيصل خلص و يبي يقوم انا بدال لا انزل صوت السماعة قبل لا افصلها فصلتها مرة وحده جان يطلع صوت جنه صوت رشاش ... انحرجت جدام الي يشتغلون حسيت اني اثول :$

المهم و احنا صاعدين لي الطابق الأرضي بالمحل جان نسمع صوت صفارة الانذار

راعي المحل قالنا خلكم داخل لا تطلعون احسنلكم

بس كعادتي و كعادة أي كويتي لازم يتفلسف :p

جان اقوله لا تخاف علينا احنا متعودين تونا طالعين من حرب مع العراق << مصدق عمره انه ب 2003 كانت حرب صجية ;p

اهو ما حن علينا ولا تعب عمره بس قالنا ديرو بالكم

اول ما طلعنا .. مشينا خطوتين جان من حيث لا نعلم تطلعلنا شرطية مجسمة تقولنا انتو شمطلعم دشو الداعوس بسرعة

انا ما صدقت خبر جان اركض :p

الحين قعدنا نحوس ندور مكان ننخش فيه على ما ينتهي الانذار ... جان بالصدفة نلقى مطعم صيني و قلنا حق الي فيه نبي نوقف داخل ما نبي نطلب لانه في انذار قنبلة .. اهي شكلها ما فهمت علي بس قالت اوكي ... كان في ناس ياكلون ... شوي جان الشرطة اييون و يقولولنا يلا يلا قوموا طلعوا من هني ... بسكات الكل طلع و اهي صكرت المحل بكل هدووووء

الحين نبي نرجع الفندق شلوووون نرجع شلووووووون

قعدنا ندور ندور و فيصل مشكلته انه مصدق اني ادل و انا قاعد اسولف وياه بلهيه ;p

ليما مرة وحده جان نلقى نفسنا جدام الفندق ... جذي فجأة ولا كاهو الفندق !!

المهم دخلنا و رحنا عند الشباب الي ما نعرفهم عشان نطيح الميانة وياهم .. بعد بيكونون ويانا بالمخيم ما نبيهم يحسون انهم غرب

دشينا الغرفة ولا الشباب مسوين حفلة

مالتيزرز على سكيتلز على فليك على توبليرون على كل شي مو ناقصهم شي

المهم احنا قعدنا نسولف عن الي صار جنه انا و فيصل الي مفججين القنبلة و احنا ما ندري ;p

وراها طلعنا كلنا رحنا نتغدى

جان بعدين نطلع احنا الكبارية ملوت الوفد نبي نروح وين ... اجوار رود

و احنا نتمشى وصلنا لي محل اتش ام في جان احس انه ريلي نملت قلت ماكو الا ارد الفندق .. منو بيرد منو بيرد .. جان ايي معاي فيصل

و احنا رادين جان نشوف واحد خال .. والله صج تحسفت انه ما عندي كاميرا لانه كان ماشي واحد خال و فاتح زرارات قميصه كلها و بطنه مقسم جنه مخطط بمسطرة و انا اشوفه و منصدم هذا ليش يمشي جذي

جان يقولي ..

I know it's Good I know it's Good ;p

المهم وراها ردينا الفندق و قعدنا لي بالليل نطرنا ليما القادة يو و عطونا محاضرة بشنو لازم نسوي باجر و انه احنا لازم نكون القدوة

:D

بعد هذا " الحجي الساعه 12 يعني بتوقيت الكويت 3 الفيّر " قلنا حق القائد بنروح نتعشى بماك

المهم و احنا طالعين من باب الفندق جان نشوف ولا واحد سكران و ريحته فايحة نايم عند باب الفندق

قلنا عاااادي اتس لوندون

رحنا ماك .. احنا كنا تقريباً 8

و طايحيله سوالف و موقفين الدور .. انا كنت آخر واحد فيهم

ما اسمع الا واحد من وراي يقول

For God Fuckin Sake Am I Goin To Wait Forever :@

انا شفته قلت خل ارد عليه هذا شفيه يصارخ

تذكرون بالحلقة الأولى لما شفت هيثم بارون

صار معاي نفس الشي :p

انا شفته بنظرة كلها براااءة و جان ارد الف ويهي على ربعي و اقولهم

سمعتوا كلامه ... طلبو خل ننحاش قبل لا ننطق ;p

بظرف دقيقتين كل واحد فيهم ماسك عشاه بايده ;p

ردينا الفندق و جان الحين نبي نتعشى و ننام

جان يرد أحمد يفتح نفس السيرة مرة ثانية ... مادري شفيه على هالموضوع يحب يفتحه قبل النوم على طول

المهم

جان يصير باجر

عاد الي صار باجر اكتبلكم عنه اليوم بالليل لاني ايدي تعبت و انا اكتب ;p

seeeee yaaaaa :*

1st Day in London ! ;p

عودة بعد انقطااااااااااااع لظروف خايسة جداً يسمونها

الإمتحانات بالكويتي

Exams بالانجليزي

فحص بالشامي

إختبارات نهاية السنة بالمصري

ظروف خايسة جداً :p

المهم الحين نكمل من حيث وقفنا

*****

وصلنا يا محافيظ السلامة لي الفندق الي اسمه

St Giles Hotel

دخلنا هناك جان نشوف اللوبي قلنا ايييييييييه شكله هذا خوش فندق .. طبعاً أنا للحين مو نايم :p

اول ما قعدت عالكرسي باللوبي ما اسمع الا ذاك الي يناديني ... ولا يبون الكبار بالفرقة يروحون يشيلون الجناط و الأغراض

أنا هني قعد يمر جدامي شريط الأحداث الي مرت علينا عند كاونتر الوزن .. بغيت أطيح عالأرض و أقعد أرفس بريولي من هول الصدمة :p

المهم ما علينا جان أروح أشيل و كان راح ينتهي مستقبلي بسبة الجناط الخفيييييفة جداً :p

الحين كل من اخذ صديقه و مفتاح غرفته و راح لحال سبيله

ظلينا بس انا و واحد من ربعي ما أذكر منو بالضبط بس الأكيد انه انا تشنقلت بحمولة 7 جناط لازم اوديهم لغرف ما أعرف أرقامها !!

و انا بدخل الاصنصير جان أشوف جدامي صديقي حسين

جان اقوله انت ما عندك شي صح ... ما نطرته يقولي اي ولا لأ جان أقوله تعال معاي خنوصل الجناط :p

ترى أنا للحين مادري منو ال room mate مالي

والله و نصعد من الارضي لي الخامس لي السابع ننزل لي الثالث نصعد لي ال 12 ... ليما بالأخير قطينا الجناط بغرفة قائد من القادة .. محد قاله يعطينا المفتاح و يقولنا روحو حطو جنطتي بالغرفة احنا كانت هالسالفة بالنسبة لنا طاقة القدر و انفتحت لنا :p

الحين حسين يعرف غرفته باي طابق و منو معاه

انا مادري منو معاي ولا ادري وين غرفتي

رحت اللوبي جان اقولهم انا منو معاي جان ياشرون على واحد من ربعي جان اقوله << و اهو على فكرة قاعد مفهي و ما يدري شالسالفة احس انه كان طايحله ببسي دايت بالطيارة :p

المهم ولا طلع انه أحمد هذا صديقي اهو الروم ميت مالي .. و اهو صديقي بالثانوية بعد يعني عشان جذي احنا مع بعض قطونا

لما سالته قلتله احنا بأي غرفة قاللي مادري عليوي مااادري مااادري ... مسكين لفترة وجيزة صار نجلاء فتحي :p

جان اروح غرفة القائد قالي انتو غرفتكم بالطابق ال 12 !!

و نروح الطابق ال 12 و احنا شايلين جناطنا ويانا

بالمناسبة انا ما قلتلكم الفندق شلون قايل

الطابق ال 12 واضح المعالم

باجي الطوابق بالضبط الي خططهم نفس الي خطط القرين .. كان راكبهم نفس اليني :p

تمشي عالوصف مو على رقم الغرفة :p

الحين رحنا الطابق ال12 ... أطق الباب أطق الباب محد يرد موووليه

الشباب نايمين بعد هالرحلة ... و أنا للحين مو نايم :(

جان نفترش الأرض انا و احمد و قعدنا نسولف عن اشياء مليقه و اهو كان بروحه مليق لانه تعبان و يبي ينام

جان فجأة

فجأة

فجأة

من حيث لا مكان <<>

جان تطلع ذيج الموظفة الشمحوووطه الطويلة الشقره ... تيبيكال لندنية

جان تقولنا انتو شمقعدكم هني جنكم عتاوية :p

لا لا أقص عليكم قالتلنا انتو ليش قاعدين هني شنو ما عندكم غرف جان اقولها و بلهجة ملؤها البراءة احنا قالولنا هذي غرفتكم و محد معبرنا الحين و احنا ناطرين اي احد يشاركنا بغرفته :(

جان تقولي اوكي اوكي امش معاي تحت .. والله و نروح تحت و بالاصنصير اشوه انها ما سوت دعاية الديودرنت الي يحطونها هالأيام :p

المهم لما نزلت تحت جان اشوف اللسته ادور واحد فااضي

جان القى ولا في واحد بروحه !! بالله على شنو بروحه شنو ملك !!

جان نشيل شلايلنا و نروح عنده

اول ما دشينا الحين ريحتنا خايسة و تعبان انا بنام مو نايم

جان الملاعين يتسبحون و يبدلون و يقولولي بوعلوة احنا نازلين المطعم تحت اوكي ... رايحين برغر كنغ

انا تسبحت

اييي على طاري الحمام عزكم الله

الحمام لازم توقف استعداد داخله ما تلف لا يمين ولا يسار لانه بمجرد انك تلف احتمال ايدك تحش المنظرة مالت المغسلة :p

المهم بعد ما بدلت و كل شي نزلت بشوف لندن

اول ما رحتلهم برغر كنغ ولا الحبايب طايحين له تشكن رويال .. جان اقولهم انتوو هييييه مو حلال ... بس صج اكتشفت انه who cares :p

بعدين طلعنا رحنا نتمشى جان ندش فيرجن و هناك شفنا

أو بالأحرى اهم شافو شي لأول مرة الي اهو ... PlayBoy و أخواتها :p

واحد فيهم و بالأحرى اثنينهم مزجوا الا يبون يجربون الغيتارات و انا مليت و بنااام تعبت والله انهد حيلي

لما بعدين جان اروح سب واي لاني هم مو ماكل من الكويت .. ولا الحبيب هناك طلعتله يورو ما عجبه و عكر ويهه و قالي احنا بس ناخذ باوندات !! بغيت اقوله زين عمي انا آسف حقك علي والله مو قصدي لا تسفرني :p

بعد ما رديت الفندق كليت حسيت بدوخة اكثر و اكثر

جان اروح اتمدد بس تعرفون لما تخافون من النوم علشان لا يخترب مخطط شي جذي صار فيني

و جان يقعدون باجي الوفد

و شنو يبون يتعشون

زين يا جماعة احنا ماكلين و تعبانين نبي ننام

لا لا لا ماكو ماكو لازم كلنا نروح

جان نروح وياهم و شكلي كان فلم و انا لابس البونشو مالي :p

و جان الحبايب فايئين و رايئين يبون يتسوقون قبلها

و انا ادش وياهم و كل واحد فيهم عباله قاعد بالعدساني ما بقى شي ما نزلوه من عالرف ... عاد المحل كان شكله نفس محلات العدساني بس الفرق انه بلندن :p

جان بعدين راحو يتعشون بمطعم تركي ... و طلع عليهم اغلى من بيع السوق ... صحن سباغيتي مثل ويوه الطباخين ملوت المطعم ب 10 باوند ... رووووووووووووح يا الرخص بالكويت شرخصه ببيتزا هت و نتفقق عليهم :p

الحين انا هني وصلت حدي

جان اقول حق القائد ترى خلاااص انا احتمال يصير فيني شي اذا قعدت اكثر من ساعه

جان يقولي روح الفندق بس نزل جناط الي بالدور ال 12 لي تحت

انا بعد سمعت الكلام خو من وراها راح اناااام

المهم

الحين صاااار وقت النوم

ولا صديقي أحمد مممزججج عالآخر و قاعد يقولي سوالف الشباب و قالي انه واحد فيهم ما يدانيني بس جدامي يمثل عالشباب و انا قلتله زين احمد والله بنام حرام عليك

ليما سحبت عليه و استسلمت لنداء الجسد << وايد أتابع فوزية الدريع :p

بعد ساعة و نص بالضبط

الباب يتبطل فجأة ولا القادة مسوين تفتيش

اهم يقولون التفتيش على الزقاير ولا هالسوالف بس انا ادري تفكيرهم وصخ كويتيين ما ايوزون :p

فقعدت أفكر ... هل الي متسطح يمي .. كاميرون دياز ؟؟ أنجلينا جولي ؟؟ كلوديا شيفر ؟؟ وفاء عمر ؟؟

بس مشيتها لهم و قعدت اجاملهم لين طلعو بره الغرفة جان اناااااااااااااااااااااام

و لما قعدت باجر الصبح عاد هذي حكاية أخرى :p

seeeeeeee yaaaaaaaaaaa :*

إهداء هالمرة غييييييير بالمرة

Bob Dylan - Lay Lady Lay

http://www.zshare.net/audio/13250735056e7607/

The Departure

إيييييييييييييييييي من وين أبدى

للحين أتذكر يوم السفرة بالضبط جنه

طيارتنا الساعه 2 الفيّر و انا قاعد من الساعه 9 الصبح !!

و نطرت نطرت نطرت لين صارت الساعه 10 سلمت على الأهل و قعدت أبجي ليش مادري :p

و جان أدق علي يدي و لما قلتله باباعود انا بسافر لندن جان يقولي تروح و ترد بالسلامة بابا جان ابجيييييييي :p

المهم بعد ما ودعت البابا و الماما و غمست ايدي بطشت العيش جرياً على عادات قديمة مادري شالحكمة منها بس يقولون العيش حق الفقارة .. عاد انشالله ما تسمموا ;p

المهم و احنا بالطريج جان ايي تلفون حق اخوي من منو ... من باباعود ... ما ادري شنو قاله بس اخوي عطاني 20 دينار لما صكر التلفون

و كنت طول الطريج اسمع هالإغنية :'( ليش ما أدري

المهم نزلنا المطار ولا القائد ناطرنا و معاه واحد من ربعي ... و شكلنا يونس كان كلنا لابسين ملابس رياضة نفس الشي و كاتبين ورى كلمة Kuwait

المهم في نقطتين مهمين لازم أذكرهم

1- أنا للحين مو نايم

2- الوفد كان أكثره صغار على 11 12 سنة و بس احنا 3 الي عمرنا 17

المهم يينا الحين بنوزن لما تيمعنا كلنا

جان نكتشف انه عندنا وزن زايد بحروة 80 كيلو ;p

و KLM ما طيحولنا ولا كيلو

جان نكنسل المعرض و بدينا نشوف الشباب شيايبين :p

المشكلة كل واحد فيهم يقول انا بس يايب تي شيرتين و جينزين ... و جناطهم جنها جناط مدرسين مصاروة :p

واحد فيهم جنطته انا ما قدرت ارفعها على مال الوزن

و الثاني كان فلم .. فتحنا جنطته ولا شنو حاط فيها

صابون غار - معلبات - تايد - ليفة صحون !! و بعد سوالف

ولا أثاري أمه فاهمة الأشياء الي طالبينها غلط ... الله وكيلكم و محمد كفيلكم الجنطة ما تنشاااااال :p

المهم و نحن في خضم هذه الأمور جان شيصير مرة وحده

سامسونايت القائد انباقت !! ;/

و ندورها و ندورها و ندورها و ما نلقاها ... الظاهر و العلم عند الله واحد من المارينز الي كانو يمنا شافنا لاهين بسالفة الوزن جان يبوقها !!

تبون تعرفون محتويات الجنطة ؟؟

3 ساعات كلهم ماركاات

قلمين كارتيير جنه

+ 2000 د.ك

بس والله بسرعة القائد ياله اخوه و عطاه 3000 دينار ... مو هينين :p

المهم الحين بعد ما افتكينا من هالسالفة رحنا بنتعشى

و ترى صارت الحين 1 الفير و انا للحيني مو نايم

و انا فيني طبع ما أحب اني آكل قبل لا اركب الطيارة لانه ادري راح ادش حمام الطيارة الي ما احبه

المهم و احنا قاعدين نطلب انا كنت اطلب من باسكن ميلك شيك ... جان مرة وحده اسمع صوت واحد كبير يمي << للحين ما شفته

قالي : انتو أي لعبة ؟؟

قلتله : احنا ما نلعب شي بس مفصلين هالملابس لانه بنروح بره نمثل الكويت

جان يقولي : اييييي الله يوفقكم

انا لفيت ويهي جان اشوف جدامي .... زند

مو الرقبة .. ولا الجتف

الزند

رفعت راسي ولا منو

هيثم بارون

عرفتوه .. لاعب السلة بنادي الكويت قبل .. الطويييل << ما شاء الله

المهم انا شفته جذي و تعرفون الي تنحت ... و قاعد اسمع موسيقى

Jinggle Bell Jinggle Bell براسي ;p

جان أسئله سؤالي العبيط حق كل لاعب أشوفه

انته هيثم بارون ؟؟ ;p

يخرب بيت العبط الي فيني ;p

المهم انه بالأخير قلتله سلم على اخوك لأنه كان يدرسني و يحبنييييييييي وااااااااااااايد :p

.. الحين صارت الصجية نبي نركب الطيارة

وين القائد الي انباقت جنطته

الكل دش القيت هذا وينه

ولا الحبيب رايح يشتري كروز زقاير ... لأنه الزقاير بلندن غاااالي واااايد

المهم اول ما دشينا و خذينا وضعنا بالطائرة

جان يناديني واحد من القادة المهم و انا راد حق كرسيي جان اشوف هالقائد الي ضاعت جنطته جان اقوله ايييييييييييي استاد ابراهيم هالمرة مسافر عالسياحية جان يعطيني نظرة خلتني صاااااامت ;p

ترى للحين مو نايم ;p

KLM

شركة لا أنصحكم بالسفر على ظهرها

ما عندهم تلفزيونات حق كل واحد لازم كلنا زي القطييع نشوف الي اهم عارضينه ... so Communist ;p

بس لازم اعترف عليهم صمون جبن .... ياخد ضبنات العئل ;p

المهم .. انشالله بالبوستات الياية اذا لقيت صورتنا بالجريدة احطها لكم

انا كنت وايد أتردد على عزكم الله الحمام لسبب أو بدون سبب :p

ليما لاحظوني المضيفات هناك جان وحده فيهم تناديني

و أنا شكلي برييييييييييء جان تقولي تعال تعال

انته شعندك تيي و تروح شتسوي بالحمام :p

أحرجتني :p

المهم بعدين طلعت تضحك وياي و عطتني عصير برتقال و رديت كرسيي

و كل شوي كانو يمرون يمي و يبتسمون

ترى اهمه كبار لا يكون عبالكم صغار بالعمر ;p

المهم الحين الكل نامو و رايحين بسابع نومة

الا هالقطو هذا عليوي الي اهو انا مو نايم

جان اييون صوبي المضيفات عاد انا هالمرة شفتهم و ابتسمت جان يقولولي انتو وين رايحين

قلتلهم رايحين لندن عندنا مخيم و بعدين بنروح ... ركزو علي شلون لفظتها

Dan-Ag = Dan Haag ;p

جان يقولون اييييييييييييي ... هذي منطقتنا ... جان الشقرة فيهم تقولي

Ali, don't forget to pass by my house, I'll introduce you to my daughter she's in the same age of your's

هني كل الشباب صحوا من النوم ;p

و انا انحرجت مرة ثانية و المضيفات يضحكككككككككككن ;p

المهم الحين نزلنا من الطيارة بعد ما وصلنا امستردام

و على فكرة يا جماعة للحيني صااااااااااااااااااااحييييييييييييي ;p

كل هذا بسبة طبعي الخايس الي يمنعني من النوم على كشنات الطيارة

المهم بمطار هولندا تحملت ملاقة الشباب المليقين و قعدت احوس بالمطار و كل ما اشوف واحد فيهم اقط ويهي عليه علشان اشوف شقاعد يسوي بدل الملل الي انا عايش فيه بالمطاار

جان مرة وحده يقولون يلاااا بتطير الطيارة بنروح لندن

عاد يا جماعة المنظر بهولندا موووووووووووووووو صج الفير موووووووووووووو صج

بس حسافة ما عندي صور بس انشالله راح احصلهم عما قريب Promise you ;)

الحين طرنا من هولندا لي لندن أم النخل

اييييييييييييييي نسيت اقولكم لما نزلنا مطار هولندا

انا رحت الحمام اول ما نزلنا لاني كنت محصووور

و انا طالع ولا اشوف القائد يقولي انت وييييييينك انا خفت شيبي هذا جان يقولي المضيفات كانو يسالون عنك

ولا كاهم المضيفات جان يقولولي

Ali, BYE, SEE YOU LATER :D

انا هني قلتلهم باااي و سويت حركة Little-Rascals ;p

طبعاً ما يخلى هالموقف من تعليقات الشباب

.. المهم الحين

Back To Heathrow

لما نزلنا و قعدنا نختم الجوازات كنا واقفين ثلاثه بآخر الطابور

انا و قائد و رفيجي

انا جنطتي الهاندباق شوي متفوخة

جان اقول حق القائد ... بخلي الجنطة وراي و صدقني راح يكون عبالهم انه فيها متفجرات ;p

بس حسافه ما خلاني أسويها ;p

ولا شوفوا الصدفة ... الي ختم جوازي هالمرة نفسه الي ختمه ب 2001

الحين طلعنا من هيثرو

ولا ذيج الوحده السم الي ناطرة التاكسي عند باب المطار ... صج صج خذني لها يا التاكسي ;p

الحين كان الاتفاق انه ينطرونا سيارتين نروح فيهم الفندق

اكتشفنا انه السيارتين ما يكفون

بعد ما حطو الجناط و البلاوي كلها للحين علي ما عنده مكان

جان يخلوني مع أثنين من المدارس الخاصة ... و انا هالاثنين ما اعرف الا اساميهم ;p

و ننطر بهالبرد حروة الربع ساعه على ما وصلت السيارة الي وراهم .. على حد علمي ما كان في قائد بس هدونا احنا الثلاثه لانه نعرف نحجي انقليزي فـ ما راح نتعطل

المهم و احنا رايحين الفندق ... و ترى للحين مو نايم ;p

جان أدق علي امي ولا عمتي الي امس رادة من لندن عندها جان اقولهم لا تسولفون وايد باااااي ما راح تسمعون صوتي لمدة 10 ايام :p

المهم و انا طول الطريج ما اسولف معاهم لانه ما اعرفهم و كنت دااايخ قاعد اشوف جدامي طيور و اكتشفت انه حسين نفس حالتي بس نايم ساعه وحده بالطيارة بس حمود الي عمره 11 نايم شبعان نوم و قاعد يسولف و كل دقيقة و الثانية يقولنا الحمدلله بالكويت عايشين بنعمة و خير لازم نحمدلله عليهم ... ليما نرفزني جان أقوله انت شفيك عالكويت ترى والله ديرتنا و هم نعرفها و ندري انها رخيصة :p

جان يقولي زين زين شفيك معصب << فيما بعد اكتشفت انه كندي عشان جذي :)

المهم درنا السبع دورات مع السايق السوداني لين وصلنا الفندق

و الفندق و أول يوم بروحهم يبيلهم ليلة أخرى ... و ها قد طلع الصباح ... و توقف يا عليزاد عن الكلام المباح :p

smell you later

اوووووووووو نسيت اهدائي هالمرة حق كل الحلوين و الحلوات الي يشوفون بلوقي

عزموا ربعكم مو تنسون أول شي خل يستمتعون بالقصة معاكم يا النحيسين :p

Celine Dion & Barbara Streisans, Tell Him

http://www.zshare.net/audio/12851944b1e165f4/

yala seeeee yoooooou ;p

So, do you want to hear about London ?! ;p

كما هو واضح من العنوان



تبون أسولف لكم عن آخر سفرة لي لما رحت لندن سنة 2005 ؟؟



don't say NO please ;p ;p ;p

it's really full of FUNNY events I can assure you ;p