هاااااااااااي
شوفوا انا ادري ممكن انطق بسبة هالتأخير بس معلش يا جماعة خو كل تأخيرة و فيها خيرة ,, و كلنا خالد الفضالة يعني عذروني اكيد كان في ناس مشغولين نفسي بالبحث عن الحقيقة ,, عسى لقيتوها مثلي ؟ :p
المهم وين وقفنا الحلقة الي طافت ؟!
نهاية الصيفي ,, عدل ؟!
ايييي خل اكملكم
بعد نهاية الصيفي باسبوعين شي جذي
و انا توني نايم و متهني بالنومة ,, جان اييني مسج ,, هالحجي الساعه 8:30 الصبح شي جذي كنت توني نايم الساعه 4
ولا المسج يقول يا جماعة انه تعالوا صالة التسجيل بالشويخ ,, تسجيل المستجدين !!
يعني أخيراً جرى استدعائنا للصفوف الامامية ,, we're going to battle ;p
و انا على اولي جان يطير النوم من عيني قمت غسلت و رحت الشويخ طيراااااااااااااااان
لما وصلت هناك جان اشوف امة لا إله إلا الله
و العموم لابس باجات حمر و باجات زرق ,, شوية باجات صفر تتوزع بين المستقلة و الوسط :p
انزين ادور وسطي بنص الزحمة
مااااكو
الهندسية و العلمية ماكلين الجو !!
ليما آخر شي لمحت واحد اعرفه واقف قبال الصالة عند جياس الوسط ,, و معاه واحد ثاني واقف ,, هالثاني هذا شكله عقيدي ,, الشعر فارقه من النص ,, دشداشة صفرة و فيها بزمات ,, لابس نظارة شكبرها ,, و ماسك مسباح بايده و قاعد يلعب فيه و حنجه طايح بالارض ,, ما كنت اعرف اسمه ذاك اليوم و كنت ازفه اقوله انت ليش كله واقف ما تدش عالمستجدين و اهو يقولي " ههه ,, انشالله انشالله بابا " :p
الشخص الثاني الي عرفته في ذاك اليوم واحد مسحوت ,, زقارة ,, ويهه ما ينطل فيه ,, و هم فارق الشعر من النص و شاد حيله يركض يركض ,, الحلو فيه هذا كنت أأشرله عالمستجد يروحله ,, خو بعد انشالله مو طالب آداب يروح ينصح طالب هندسة ياخذ كالكولس عند منو :p
المهم هذا اول يوم عدى
ثاني يوم رحت جان اشوف انت يا صاحبنا المسحوت
ولا شلابس @@
الله أكبر عليه ,, يعني انا كنت البس دشداشة و جوتي كنت انقد على نفسي بس الحبيب ستايله كان قوي قوي
جينز ,, و تي شيرت حاطه داخل الجينز و قميص ابيض منقط و مبطله ,, ستايل هـهــه 93 ,, 94 :p
قتلني قتلني بستايله :p
المهم بثاني يوم كنت توني واصل ولا انت يا علي الصراف الي تعرفت عليه اول كورس جان يشوفني و يقولي تعال تعال خل نضغط واحد @@
انا انصدمت بنضغط منو ,, جان اروح اشوف هالمسكين ولا واحد ضعيفون ,, قصير ,, راسه اكبر من جسمه ,, مقرع و حاط تقويم و لابس فنيلة عليها واحد يشابهه :p ,, ايييي عقيل هذا انت :p
المهم تعدي الايام بصالة التسجيل و ايي يوم تسجيل الآداب
يومها حرررر ,, خيييييسة ,, فطسنا من الحر هناك
مالكم بالطويلة
من زود الحر كنت واقف عند باب الصالة انطره يتبطل و تحوشني نسمة هوا
ولا واقف جدامي واحد سقييل من الإئتلافية ,, توه متجنس و شكله وصخ جنه من بدو سوريا
جان يقولي انت ليش تدرس بالجامعة ؟ جان اقوله عيل وين ادرس بالله ؟!
جان يقولي روح اشتغل بالبورصة
جان اقوله حراام ,, جان يقولي ليش حرام ,, جان اقوله لانها قمااار ,, و القمار حرام ,, عدل لو مو عدل
المهم هني جان يتبطل الباب ,, جان اقوله و ايدي على جتفه " واللي يعافيك بس شوي ابي نسمة هوا "
جان الحبيب يعتفس ويهه و يتعكر مزاجه و يقولي بالحرف الواحد " اذلف اذلف ياهل ما تنعطى ويه "
انا طقتني البوهة و عصبت بنفس الوقت ,, شفيها امك !!!
بغيت اتهور و امد ايدي عليه
لفيت ويهي ورى ,, خو بعد ما يصير أعمل فيها سبع البرمبة و بعدين آكلها :p
جان اشوف ولا بس باجين وسطيين ,, و ما يقارب 250 باج ائتلافية L
جان اقول يا بوعلوة منت اول ولا آخر واحد يحوشه طشار من هالياهل ,, جان اتعوذ من ابليس و امشي L
من وراها ما طبيت الصالة ذيج السنة لأني كرهتها L
المهم الحين جان يبدى الكورس الأول
و هذي اول انتخابات لي ,, و الوضع على ودنه
اهو تعليق بوسترات اهو شغل باجات اهي نشرات
مصخرة عالآخر يعني :p
انا كانت تييني حالة ايام الانتخابات خصوصاً اول اسبوع ,, حدي اداوم لي يوم الثلاثا حالياً و الاثنين سابقاً
وراها اطيح مريض ,, انتكااااااااسه !!
و بالفعل طحت مريييييييض و انسدحت بالفراش
طبعاً المحاضرات أول اسبوع بالسلامة السلامة يا حبيب ألبي :p
يوم الخميس جان اييني اتصال الصبح
" ألووو ,, بوحسين ,, وينك ياخوي ,, "
جان اقوله " من معااي ؟! "
" معاك المنسق العام " ,, انا هني استعدلت و جان اقوله ,, " هلا هلا بوقاسم " :p
" اخوانك في القائمة محتاجينك ,, يبون وقفتك وياهم "
" انزين شلون اساعدهم "
"ناقصهم مرشح روح بسرعة سجل بشويخ قبل لا يتصكر باب الترشيح "
و انا نسيت اني مريض و جان اقوم اروح شويخ ,, و سجلت ترشيحي و حطوني احتياط
جان يصير يوم السبت
يوم انتخابات الاتحاد + أول رمضان !!!!
و بعز الحر ,, و قاعدين ندخل ضماناتنا و الي نعرفه و الي ما نعرفه
يطلع منسق الإسلامية سيد جوجو على قولتهم بحلجه زقارة و بايده بطل ماي
و الحجة شنو
" اليوم مو رمضان عندنا ! "
انزين اعنبو خيرك استح ,, غيرك صيام ,, راع مشاعرهم عالأقل ,, ياخي احترم نفسك عالاقل قاعد تدخن و الناس صيام
ماكو ,, أفتى حجة الإسلام سيد جوجو لنفسه بالفطر في هذا اليوم !
عدى هاليوم الطويل على خير و لما رديت البيت متليش ,, ملعون خير خيري ,, صج صج كنت تعبان يومها
جان اتفطر على شنو ,, فطيرة لحم و 3 قواطي لبتون آيس تي :p
توني مبطل التلفزيون ولا يوصل مسج ,, تعالوا العلوم الفرز بيبدى ,, و اروح لي الخالدية و ما احصل مصفط و ارد البيت
جان يوصلني وراها المسج انه للحين الوسط الديمقراطي رابع !! يلا مش مشكلة ,, معوضين
بانتخابات الرابطة كان السيناريو العن و العن و ما قدرت اتحمل و رديت البيت مبجر عالساعه 1:30
و نفس الشي الارقام هبطت بشكل دراماتيكي !!
الحين لازم نرجع حق مهمتي الرئيسية ,, الدراسة ;p
لما داومت يوم الاثنين الي ورى الانتخابات جان تشوفني الدكتورة و تقولي " انت وينك الاسبوع الي طاف ؟ " جان اقولها دكتورة سحب و اضافة و كانوا ساحبين جدولي كله و كنت ادابج عليه ,, و مشت عليها ,, هذي مادة شسمونه الكتابة الاكاديمية عند دكتورة نادرة الشايع ,, المادة سهلة و بسييييييطة ,, بس شنو مشكلتي ,, ما اعرف اكتب :p
بالفاينل اشوف الدرجات كلها AAB+ABAAA-B+DBC+B+AA- ,, لحظه جني شفت دي بالنص !! منو هذا الي ماخذ دي !! ويــــــــــــــــــــــــح قلبي ,, هذا انا @@
ما اقدر اعبرلكم عن مدى سخطي على هذه الدرجة L
المادة الثانية كنت ماخذ شنو ماخذ شنو ,, لحظه خل اشوف الترانسكربت
كنت مسجل عبري !! و المادة سهالات كانت أني بسيدر و ما شلومخا و ما إلى ذلك
بالمدتيرم الأول سويت زين يبت 18-20
الثاني ,, 16-25
جان يعطينا الدكتور بونس ,, انا حليته و قطيته بالميل بوكس ماله ,, و رحت حق الدكتور يوم الفاينل جان اقوله دكتور انت استلمت البونص ؟!
انا ما استلمت شي !! بهالبرود !! انزين دكتور يمكن ,, رجاءً ,, زملائك قاعدين يمتحنون و ماكو شي خلاص تفضل اطلع بره !!
العموم يدقر فيني L
هذي طلعت منها ب سي و اشوه اني طلعت فيها سي لاني ما ابي اعيدها
المادة الثالثة مدخل اعلام و اتصال عند دكتور حبيب و خوش واحد و يمووووووووووووووت عالبحوث :p
هالمادة وقتها عجيب ,, من 3:30 لي 4:45 ,, حق ايام رمضان كانت شيييييييي ,, اول ما تخلص المحاضرة امسك خط البحر من اوله لي آخره :p صج امي زفتني مرة ليش اني قلتلها ما اقدر اييب خبز الدرب طوييييل ,, آسف يماا :p
المهم مالكم بالطويلة
المادة كلها عبارة عن بحث ,, بحث في الاول و بحث في الآخر و طول عمرك تدرس شلون تسوي بحث ,, ياخي ابحث شوراك ؟ البحث زين ,, عمرك سمعت بباحث ما يحب بحثه يا عزيزي الطالب ,, ابحث عن المعلومات هذي وظيفتك كطالب في كورس اعلام و اتصال عندي ,, ابحث !!
الامتحانات سهالاااااااااااااااااااات فوق ما تتصورون
العموم 25 و فوق !!
لكن بالبحث ,, الدكتور كان يمزج علينا !!
مع ان المادة اساساً ,, مافيها بحث :D
الدكتور قبل الفاينل قالنا سلموا البحث بالميل بوكس مع مصادركم و كل شي او حطوه بجيس عند السكرتارية ,, جيس سنع مو تييبون جيس جمعية !! يتشرط بعد حلايا الويه
انا سويت الي قال عليه و دزيته على ايميله هم
يوم الفاينل قلبي نغزني جان ادز الايميل مال البحث على ايميلي قلت يمكن يسويلي فلم كده ولا كده
توني داش قاعة الامتحان ,, الساعه 8 الصبح و البرد نااااخر عظمي
جان يقرى الكشف " فلان ,,, ,, مو مسلم البحث " ,, انا انصدمت @@
دكتور شلون انا مسلمه ,, ما وصلني شي منك ! بعد الامتحان !!
و بعد الامتحان اروحله اقوله دكتور شلون الحين جان يقولي دزه على ايميل
و رحت دزيته مع العلم اني دازه الصبح
و يخلص الامتحان و اطير لي قسم الاعلام بالشويخ و اروح حق السكرتارية بتهاوش وياهم
مستقبلي يا جماعة :p
جان السكرتيرة تقولي الفراش توه مودي كل شي !
و اروح مكتب الدكتور جان اشوف ,, ولا جيس باتشي الي حاط فيه بحثي @@
" كااااهو دكتور يمك البحث ّ!! " جان يقولي هذا بحثك ,, انزين اوكي تعال شوف ايميلك
لما شفت شاشة الكمبيوتر ولا بحثي موجود ,, و الحبيب قاري الايميلين الاول و الثاني !!! يعني بالضبط ماني عارف شكان يبي الافندي :@
طلعت من هالمادة ب B
الحين عاد خل اسولفلكم عن احلى دكتورة و اطيب دكتورة عرفتها جامعة الكويت
د. إلهام البسام
ست فاضلة و اميرة بتعاملها مع الكل ,, تحسس الطلبة انهم عيالها لانهم اساساً بعمر احفادها
هذي سلمكم الله مدرسة ابوي بالثمانينات ,, و مدرسة اختي العودة بالتسعينات ,, و مدرستني بالالفية اليديدة :p
يعني مدرسة بحد ذاتها
كنت ماخذ عندها مادة مقدمة في الأدب العالمي
يالنا الامتحان الاول من 14 درجة !!! ما اعرف شنو احل ,, ماني عارف شنو الأسئلة ,, خبص لا تخبص
طلعت من الامتحان الاول ب 7 من 14
الامتحان الثاني جان اقول هذي مسكينة و على نياتها خل اغش بكلاسها :p
و كنت توني شاري N70 ,, و جان احط كل التعاريف ملوت المادة بنوت بالتلفون
بالامتحان جان اقولها دكتورة ممكن اروح الحمام ,, بليييييز :$
جان تقولي " ما عرُفِت تروح قَبِل ما تُدخُل الإمتِحان ؟ " جان اقولها بعد دكتورة شسوي :$
جان تقولي روح روح
لما رحت الحمام جان القطلي جم تعريف عالسريع و ييت حليتهم :p
اشوف الدرجة مالت الامتحان الثاني ولا 14 من 16 :D
يعيييييييييييييش الغش ,, احلى حياة ,, ولا منة ذاك الي ما يتسمى بكلاس تاريخ حضارة :p
قبل الفاينل كان لازم نسوي برزنتيشن و كل واحد يمسك قصيدة من الكتاب يحلها
انا بعد ما خلصت و حللت و كل شي جان تقول
لحظة هذي جنه في واحد ثاني مسويها بالكلاس صديق إلَك !!
انا مادري صج جان في احد مسويها ولا لأ بس عطتني درجة كاملة :p
بالفاينل قطت علي نغزة اول ما بدت قالت الي يبي يروح الحمام خل يروح الحين :p
عاد هالمادة صج حصلت فيها قريد ما حلمت فييييه
رفيجي دق علي مرة و قالي انت تدري جم يايب عند الهام ,, قلتله لأ شدراني
جان يقولي انت يايب B+ ,, انا طقتني البوهة @@
رحت القسم ولا صج يايب هالقريد ,, و لي يومكم مادري شلون لحد يسالني رجاءً :p
هذا كان باختصار مجمل الكورس الاول من سنتي الدراسية الثانية بجامعة الكويت على أمل اللقاء بكم في الحلقة القادمة و الكورس الثاني الي تقريباً ما اذكر منه شي و سلامتكم و تعيشون :p
8 comments:
شوقتني اكتب مذكراتي خخخخ..
اي دكتور اعلام؟؟
وموفق يارب..
لووووول حده @رورو شكلي بتبع خطاكم :P
يعطيك العافيه ^_^
احلف انك كاتب البوست بقعدة وحدة ؟
بلوج رائع وممي فعلا كل التحية والتقدير والود أخى الكريم
رورو
طلال التويجري ;D
Queen
اييي كتبوا بس انشالله ما تحوشكم حالتي و تكتبون بوست كل شهر ;p
فريج سعود
لااااا انشالله ما اجابل الموقع و انا اكتب كل هذا ;p
بالوورد ;p
egypt
ربنا يخليك ,, ميرسي أوي ;D
Post a Comment