ما أدي من وين ابتدي بصراحة ;p
يوم كله على بعضه مادري شلون قايل ;p
خل اقولكم من البداية
الحين انا ,, بطبيعتي و من خلال الي تقرونه شنو تستشفون ؟
هل انا متحيز ضد المرأة و ابي احبسها بين اربع طوف
و متشدد
ولا مع حقوق المرأة و ادعوا للمساواة بينها و بين الرجل و من هالكلاوات كلها ؟
أمس حقيقة
دهشت
و صدمت
و صعقت
بل و بُهِت !
الدكتورة كانت تتكلم عن وحده اسمها مارغريت فولر ,, من المطالبات بحقوق المرأة
فكانت الدكتورة تتكلم عن حق المرأة بالعمل بوظائف الرجال
انا رفعت ايدي
و ليتني ما رفعت ايدي :(
جان اقولها انه هالمطالبات يعني من حق المرأة
و شفناها بعدين بالحركات اليسارية
مثل كارل ماركس الي دعى لمشاركة المرأة للرجل في ميدان العمل
و هم بسوريا ,,
جان الدكتورة تقاطعني
جان تقولي علي انت ما تلاحظ انك تقتبس امثلة مو زينة
و كلامك نوعاً ما فيه تحيز ضد المرأة ؟!
انا هني انصدمت @@
انربط لساني الي من دون شي مربوط @@
جان اقولها بس انا قصدي انه بسوريا حزب البعث هم دعى الحريم انهم يشتغلون
مع الرياييل و هالشي ان من الي ساهم بتحرير المرأة
جان تقول حق البنات ,, مو هذا الي انتوا فهمتوه من كلامه
انه متحيز ضد المرأة ؟
جان البنات كلهم يقولون ايي اييي صح دكتورة !!
انا هني يتلي حالة
What the HELL !!
جان الدكتورة تقولي انا لاحظت حتى بكتاباتك انك متحيز ضد المرأة !!
جان تقولي بعدين عندك شي بتضيفه
قلت لا ما عندي ,,
يا جماعة خفت اقول شي بعدين اصير جني من الهيئة !
جان يدور الموضوع و يدور
و وصلنا لي نقطة مناقشينهامن قبل الي اهي الجواري و ملك اليمين و هالمواضيع
جان الدكتورة تقول انتوا كمتعلمين ما راح تسوون هالشي صح
يعني علي انته ما راح تخون زوجتك مع وحده من هالنوع صح ؟؟
انا هني ويهي صار مثل الي بالصورة فوق !!
شقول
انحرجت
قمت اضحك لا شعورياً :(
جان اقولها لا اكيد ما راح اسوي شي جذي :$
و البنات يضحكون
و احس نفسي صغيييييييير بالكلاس
:$
و بعدين جان اطلع
و صارلي موقف مادري حسيته مو زين
بس بعدين كلمني واحد و قالي انه الي صار طبيعي جداً و مالك شغل
بالعكس علامة زينة
جان بعدين اروح العصر معرض الكتاب
حقيقة المعرض روعة
يغطي كل المواضيع الي تهم الانسان
الجنس
الطبخ
الفلك
الشعر
النكت
الملاقة الزايدة المغطاة بكفرات حلوة
معاجم !!
أصول عنزة و العوازم
تاريخ شبه الجزيرة
روايات نجيب محفوظ
و كتب الفقه و الشريعة
و لقيت اشياء جداً ظريفة
( شيكات الحب )
عبارة عن دفتر شيكات
فتحت منه اول صفحتين
الأولى :
أتعهد أنا الموقع أدناه ,,
بأن أقوم بعمل مساج لزوجتي
@@
الثانية :
أتعهد انا الموقع أدناه
بأن أقول لزوجتي كلمة أحبكِ
@@
انا هني قلت يمعود مو الا ,, لا يغزر البحر ,, جان اقطه ;p
الشي الثاني
تحريم التعامل بالشيكات @@
يا جماعة
هل معقول انه معرض الكتاااااب
وصل لي هالمرحلة من السخف !!
و لما اشوف لستة الكتب الممنوعة ودي ابجي :'(
بس والله مو خوش يوم كان حده ;/
I hate it ;@
23 comments:
امممم يمكن انته غلطت بنوعيه المثال اللي قلته وماحطيت حساب انك قايله حق "دكتوره" مو دكتور
بس ما حسيت انك عنصري وكل شخص وتفسيره !!
بس شيكاات الحب !! مالها دااااعي
مادري ليش يعني
=p
يمكن اهيا حبت انك تتكلم اكثر
فعشان جذيه استفزتك وقالت ان امثلتك مو مناسبه
اكيد ماراح تخون زوجتك؟
@@
انا معرض الكتاب يمي
متعيزة اروح
لاني ادري شبلقا
ودي احد يعطيني لسته كتب سنعه عشان اروح اشتريهم
اما اني اروح واشوف كيف تتملكين زوجك
وافضل كتاب طبخ
وماذا يخبئ لك عام 2010 ياميزان
ماله داعي
أخيييه حرام انت وين و التحيّز ضد المرأه وين :×
بس البنات بطو جبدي أكثر من الدكتوره لوول
كل يوم اقول باجر بروح معرض الكتاب بس من أشوف كتب الثنويه الي عندي انسى كتب العالم كلها ":/
=p
اممممممممم
مادري...
اتوقع رايي مع الي قالته سنعه..
احس الدكتوره كانت تبيك تسهب وتتكلم اكثر
بس انت تراجعت...
تدري..
الغريب في مثل هالمحاضرات إنه أساس حلو لتعلم فن الحوار والإقناع
اذا كان قصد الدكتوره احراجك وانها اتسكتك
فاتوقع هذا شي بنحسب ضدها
لأن كل شخص له حق ابداء راييه وهذا رايك
سواء متحيز او لأ
وغذا كان قصدها تشجعل على الإسهاب والأقناع
امممم
ماعطوها بعمل النفس
وبما إنها دكتوره
إن في إسلوب أحسن....
أما عن المعرض
الكتب الممنوعه مالها معني بالمنع!
اتوقع بعصر الانترنت والتنقلات والسفر السريع
ماله معنى يمنعون كتاب!
تذكره ويوم رايح ويوم راد
والكتاب عندك! شالحكمه تمنعه؟؟؟؟
انت منعت بيعه...ما منعت تصديره!!!! عقليه من ورق قصدير...
يالله سترك
ودّي
انا ارفض بشده
واعارض
واحتج
وأرفع صوتي عالياً
" للدكاتره الحريم "
ياخي كلا عبالهم الرياييل ضد المرأه
ماكو ديمقراطيه
مايخلون الواحد يعبر ؟
هذي جامعه بعد
هذي بطيخ
:×
على طاري معرض الكتاب
ولد عمتي عنده دار نشر ونازل
يقولي بعد هذا تسمونه معرض ؟
نص الكتب ممنوعه
والبوق ماله والي
انا بنت و اقول الحق من كتاباتك حرام الي قالته عنك الدكتورة
بس تبي الصراحة ابفهم شي واحد ليش كل دكتورة بالجامعة مسوية فيها انها انتصرت على ظلم الرجل و خذت حقوقها و اكبر مثال شوفوني صرت دكتورة جامعة و ادرس صبيان بعد !!!!! جد مو فاهمة
ههههههههههه شفيك قط همك بحر يعني تخرب حياتك لو مر عليك يوم امعنقش جذي عااااااااادي بو حسين
انا انصحك تروح تشتري دفتر شيكات الحب و عطه الدكتورة يمكن يتحسن مزاجك
لوووووووووووووول
violeta
شيكات الحب و ما أدراكِ ما شيكات الحب
تحسفت اني ما شريتهم ,, جان صاروا موضوع حلو حق البلوق ;p
Sn3a
كلمتها اليوم جان تقولي انا ما كان قصدي عنك بس هالأحزاب استغلت المرأة استغلال بشع
و جان تقولي بعدين بما انك الريال الوحيد بالكلاس فدائماً راح نستخدمك كمثال ,, بس مو قصدنا عنك
يعني جنها تقولي راح نرجمك بس مو قصدنا انه انت الشيطان ;p
ثلجية القلب
رحتي ولا ما رحتي ؟ ;p
بس والله كتب الثنوية احسنلج من المصايب الي تشوفينها بالمعرض ,, لوعة جبد
سلة ميوه
انا انصدمت
و بهت
و فوجئت
و اخذت على حين غرة
و انربط لساني
شلون تبيني اسهب ;(
و بالنسبة حق الرقيب الله يقص ايده ,, مشكلته انه ما يدري انه احنا نعيش بعصر الانترنت و كل شي نقدر نطلبه !!
حافية القدمين
ولد عمج عنده أي دار ؟!
لا تقوليلي بلاتينيوم مادري شسمها
أزعل بعدين ;p
msha3erha
المشكلة خلص المعرض ولا كنت بحطه ها بالميل بوكس ;p
لا لا مو بلاتينيوم
مادري شسمها اصلا
ليش بلاتينيوم مو ذاك الزود !!
اللي سمعته ان كتبهم حلوه
اوووووو
طلعت متحيز ضد الجنس الالناعم
افا ياذا العلم ماهقيتها منك
لووووووووووووول
اصلا مو لايق عليك تقلب ضد المرأة :))
واهم شي الشيكات
ذكرني بالايميلات الي من نوع قول والله ادز هالايميل ... وخلاص انت حلفت يعني لازم تدزه ههههههههههه
ما شريت من شيكات الحب هذا؟؟؟لوووول
يا ضد المرأه لووول
دهشت
و صدمت
و صعقت
بل و بُهِت
me 2 :s
موقف لاتٌحسد عليه واكيد لما حست راح تأخذ الاضواء عليها اخرستك = تصير جدآ
ههههههههههه
كل عام وانتا بخير وصحه وسعآده ..
وبخصوص المعرض في ظنهم انو كل ممنوع مرغوب عند الكثير ..
احترامي
انت تدافع عن المرأة اكثر من نزار قباني مالك خص فيهم :)
بس مشكلة بعض النساء عندنا ومنهم الدكتوره انهم لازالوا يفكرون بعصر وأد البنات وان البنات مظلومين عندنا ...
من كثر ماطالبوا بحقوق ومساواة راح ايي اليوم اللي يطالب في الرجل بحمايته من تعسف المرأة ..
وعلى طاري شيكات الحب ييبلنا شيكين خل اعطيهم حق ديفيد لوول
يا جماعة سوري على اني ما رديت عليكم طول هالفترة
بس حاشتني فترة احباط ما بعد الولادة مو بايدي :$
لا لا اقص عليكم ;p
بس يتلي حالة انه مليت من البلوق شوي ;p
المهم
virgin
والله انا مصدوم من الي شفته هاليومين !!
و انتي تدرين شنو اقصد @@
خديجة
ايييي انا ما احبكم ;p
جبريت
للأسف ,, طافت علي ;p
بوذياب
انت و ديفيد حبكم سرمدي ما يحتاج شيكات حب ;p
[B]NZBsRus.com[/B]
Escape Crawling Downloads With NZB Downloads You Can Hastily Find HD Movies, Games, Music, Applications & Download Them at Fast Speeds
[URL=http://www.nzbsrus.com][B]Usenet[/B][/URL]
Infatuation casinos? digging this inchoate [url=http://www.realcazinoz.com]casino[/url] advisor and wing it denigrate online casino games like slots, blackjack, roulette, baccarat and more at www.realcazinoz.com .
you can also with without settled our behindhand [url=http://freecasinogames2010.webs.com]casino[/url] orientate at http://freecasinogames2010.webs.com and turn back in indispensable gladden !
another late-model [url=http://www.ttittancasino.com]casino spiele[/url] within an eyelash of is www.ttittancasino.com , good of german gamblers, slant upon during manumitted online casino bonus.
top [url=http://www.xgambling.org/]casino[/url] brake the latest [url=http://www.casinolasvegass.com/]casino online[/url] autonomous no deposit reward at the best [url=http://www.baywatchcasino.com/]bay attend casino
[/url].
top [url=http://www.001casino.com/]casino bonus[/url] brake the latest [url=http://www.casinolasvegass.com/]free casino bonus[/url] free no consign hand-out at the chief [url=http://www.baywatchcasino.com/]no put reward
[/url].
Post a Comment