اليوم كنت رايح أصور افتتاح المعرض الي بنادي الفتاة ,, معرض الأسر المنتجه اسمه على ما اعتقد
المهم طبعاً بما انه الشيخة الي ما ظل شي بالكويت ما راحت افتتاحه كانت اهي الي بتفتتح الحفل فكان في عجئة مصورين << حلوة عجئة صح ;Pp
المهم طبعاً في عجئة المصورين و حيث انه كلهم يعرفون كلهم فانا انقطيت آخر شي :( مع اني كويتي و يهضم حقي بالتصوير في بلدي ,, بدق على خالد عبدالجليل ابيه يسويلي فلم هندي على هالسالفة ببرنامجه ;Pp
المهم لما دخلت الشيخة صار الوضع جنه الطواف بالحج .. انا مو رايح الحج ولا العمرة بس يقولون صكة اجتاف مو طبيعية تحوشك .. المهم كان في جدامي واحد من الموديل الي جسم ثور و راس آدمي
والله جد جسمه جسم ثور مو آدمي حتى قفاه معضل !
انا غصباً علي دزيته كذا مرة لأنه مع مدازز المصورين و قاعد يرجع علي اضطريت اني ادزه يعني شنو بالله اطيح عالأوادم عشان عيونك .. وليييي ;D
المهم بعد ما خلص جان يلف صوبي و الشرار يتطاير من عيونه و انا اشوفه بكل برود و على قولتهم بنظرة بلهاء ;Pp
جان يصارخ و يقولي ,, مرة ثانية ما توقف وراي سامع !!
جان اقوله بكل برود .... نعم ؟؟
جان يقولي انت مرة ثانية لا توقف وراي
جان ارد اقوله بنفس البرود .... صدقني ما سمعتك ;D
انا هني كنت ناطره يغلط عشان اوريه انه الفتى الجميل الوسيم ذو النظرة و الابتسامة البريئتين يقدر يطق و يعور و يعض << ذكرتني باستجواب وزير الصحة لما يقول ,, ترى اقدر اسمع و اجاوب و أرد ,, ;D
المهم هني واحد من سكرتارية الشيخة قالنا هدوا بالكم و خلاص صكوا الموضوع ما صار شي
السؤال الي يطرح نفسه
ليش كل مجسم ,, مهاوشجي ؟؟
ليش كل مجسم عباله الناس تخاف منه ؟؟
و السؤال الأبرز
ليش الحريم كانو ميتين على شوفة الشيخة بالمعرض ,, شنو حتى اهي توزع هدية رمضان ؟؟
;Pp
جنه اليوتيوب خرب بلوقي قمت اشوف كل شي تحت :(
8 comments:
لوووووووووووول علي حدك بدعت بطني عورني من الضحك
الشيخة اللي خبري خبرك؟ اللي م يبقى تخرج ثانوية ما تروح؟ أنا كانت موجوده بتخرج الثانوية و جست هم حاسه أهيا اللي بتخرجني :p
بالضبط هذا السؤاااااااااال ليش كل معضل عباله نخاف منه؟ أصلن تدري بس تصكه بكس و يطيح بالقاع تطب عليه ما راح يقدر يقوم تلقاه يقلب و يرافس ما يقدر يقوم جنه زهيوي راشينه فليت
لوووووووووووووووووووول
lo0o0o0ol
5o anta la toguf warah
5ala mstanes dafi3 flo0s o 7alta 7ala
3shan t6l3la 3'6lat !!
3bala b9eer 8wy o bn5af mna
o albnat b7bona lo0o0o0ol :Pp
killer m.
eeeeeee hathi ehya ,, ele mo baqi el t6l3lch b Kinder Surprise ;Pp
w 3ad 9j el 3'9lat el zayda moshkila lma y6e7 3l ar'9 ;Pp lo oho 6ay7 chan q3dt adald'3 feh len ysweeha ;Pp
T.C
*****
mala.da3e
mo mako mokan a7san mena waqf bl n9 mqabl el she5a ;D htholi 9j msakeen 3balhm they are so hot w el bnat " mtsh7tfeen " 3lehom ;Pp
T.C
hehehe
walla twanees
chan yoom uhwa gal lek latwgaf wraay chan gelt lah ent latwgaf jedame oo ebtsamt lah
oo b3deen misskeen 5alid 3bd eljlel e7na bel bahrain intab3aa mwa'9ee3a 7elwa
te8bal mrory oo ya36eek el3afy
bhr.qadsaweya
5alid 3bdljleel maskeen !! ro7i ya she5a elahi yostorha m3aki ,, dnti 6ayba awi awi awi ;D
Glad to have you in my blog ;D
T.C
LOOL
allah ygharbel ebleesik tha7ktni o ana mali 5elg ath7ak ;p
i hate hal theeran, ya3ni 3abalhum hathool shaklhum 7elo al7een ??
welie yb6 el chabd ina ako ymooton 3ala hal ashkal ;p
ya ktherhum eb facebook o hi5 :P
يا خطير .. لو طاقك صج شنو كنت بتسوي ؟
Jouja
eeeee lo3a lo3a 9j le qalw el shi le zad 3n 7dh enqlb '9dh ;D
T.C
*****
3bady
لو طاقني ,, ما راح أوقف و اشوفه يطقني شي اكيد ,, يلا كنت راح أعضه برقبته ;Pp
T.C
Post a Comment