عندما ضُغِطَ دون هوان !

اليوم بكلاس الترجمة صار شي مو طبيعي

انا ابوي مراجعلي القطعة الي انا مترجمها

ابوي يشتغل بقسم الشؤون الدولية بالشعبة البرلمانية في وين ... في مجلس الأمة

يعني تقريباً كل شي انجليزي بالمجلس لازم يمر عبر مقص الوالد ;D

اليوم الدكتور لما قرى قطعتي .. بالضبط بالضبط

قام يشوت علي بـــلـــنـــتــــيـــات

المهم ما علينا مو هذا الموضوع

الموضوع انه و مافيه

معاي واحد بالكلاس انا ما اعرفه ولا يعرفني ولا في بيننا أي صلة

اليوم ما اذكر شنو الموقف الي صار ابتسمت بويهه ولا الحبيب يعطيني ويه الطاووس !!

قلت ما علينا كيفه خو الابتسامة بوجه أخيك صدقة

المهم بعد ما خلصت جان ينط واحد من مالي او السنغال مادري شي جذي المهم من افريقيا

سأل ليش انا حطيت اثني عشر بدال اثنتي عشر

الدكتور قالي : Answer his question

قلتله : I'm not that good in Arabic

جان يقولي الدكتور : So you think that you are good in English ??

هني العموم ضحك و انا ويهي صار مثل التميته المستوية

بس انا ركزت على شخص واحد

أخونا بالله أول ما قال الدكتور كلمته جان على قولتهم بالعربي ينفجر ضاحكاً

يواش يواش يماااا شفييييك لا يطيح نصك بس

عاد والله صج انا بالعربي مو شي و ما اعرف اعرب الكلمات ولا اصرفهم ولا اعرف شي باللغة اللهم شي واحد اني لما اكتب اهتم انه وزن الكلام يكون حلو عالاذن ... حتى بالانجليزي انا بالقواعد Donkey مقعد لدرجة اني بال Syntax ماخذ F يعني بالضبط ما مني فايدة حق سوالف القواعد بس والله انا شاطر بس مالكم شغل بالامتحانات

فالحين انا خلاص قررت اني ما اشارك بالكلاس دام الدكتور بيقعد يلعب علي بلنتيات و الأخ السخيف بو شعر اشقر يقعد يضحك علي خلاص عيل ماني مشارك خل المليقين الي بالكلاس ينفعونهم

بس كنت بتحلطم و بس

D;