Don Juan The 3rd !

ترررررررررررررررررررررررررررررررررررررنترررررررررررررررررررررررررررررررررررررن
" أوووووف برد والله برد هالكورس ما لقى يبدى الا بعز الشتا "
-- دون هوان توه قاعد من النوم و هذي بقايا فايروس الدوام بس مجبر أخاك لا بطل --
" يلا خل أصكر هالساعه "

و يقوم دون هوان من فراشه و بعد ما خلص كل شغله و لبس ملابسه خذاله طلة من الدريشة علشان يعرف شلون الجو
" أخخخخ هالجو مال ريوق بـ Choclate Bar و انت تسمع اغنية ماشي بشارع .... صج جو مزاااااج "
و يلبس جاكيته و يروح قراج بيتهم و يطلع سيارته الأنتيكه اللي ما يسوقها الا اول كل كورس ثاني من حياته الجامعية علشان لا تحتر مكينتها ... محد راح يلومه لمه يشوفها لانها موديل 68

" شحلاته قراج بيتنا كل السرداب و مخلينه معرض حق انتيكاتي "
و يدق السياره سلف و يطلع من البيت بهالجو الحلو و حاط على المرينا اف ام و يستمع الى نغم الصباح على ما يوصل محطة القطار !
و علشان لا يخليكم تعيشون بحلم دون هوان صورلكم الجو بره بيتهم

" نص ساعه و دقيقتين بالضبط ... ما تأخرنا عن موعد القطار !!! "
و ينزل دون هوان و يصفط سيارته بالباركنغ مال محطة القطار " يلا خل اروح اقص تذكرة بسرعه قبل الزحمه "
و يقص تذكرته قبل الزحمه و ينطر ليما ايي قطار الساعه 8:00 الصبح و يركبه دون هوان
و يمشي القطار و يمشي و يمشي ليما يوصل محطة شرق و منها أخذ قطار كلية الآداب ... قطار يوديك سيده بنص موقع كيفان !!
و هني أول ما نزل من القطار

طبعاً كل القطارات عليها رسمات و أحلاهم رسمات الآداب
و هذا " الدري " يطلعك سيده جدام مبنى عبدالله العتيبي الوحيد اللي على حطة ايدكم !
المهم " يلا يا ولد يا دون خل يكون عندك همه و حاول هالكورس تييب A !! " و دون هوان يقص على نفسه و يسوي نفسه شاطر و يروح يحوس بهالكلية من الساعه 8 ... الله وكيلكم مافيها الا ثلاثه .. اثنين امن و دون هوان !! المهم دون هوان يمشي يمشي يمشي شوي جان يوصل قاعة محاضرة الساعه 9 ... المهم وقف جدام القاعه ... طق الباب من باب الاحترام ... مرة مرتين ثلاث محد يرد جان يقول الظاهر الاحترام ما ينفع بهالكلية جان يدرعم شوي ولا يشوف جدامه هالمنظر !!

" أفاااااا وين الشباب و الشابات ؟؟!! مافي أحد كلش ملش !! خل اروح القسم يمكن القى الدكتور .... لحظه خل اجيك عالجدول !!! @@ !!! المحاضرة الساعه 3:30 و انا ياي الحين !!!! مو مهم خل اروح اطقلي فره بالكلية يمكن القالي أحد باللاب ولا الكفتيريا
و يدور دون هوان بكل الكلية ... مافي الا جم بنت بالسكوير الاسود و جم واحد من المستقلة بالحديقه ... يالله صباح الخير هذي افتتاحية الكورس الله يستر !!
بهاللحظه بقدرة قادر جان تيي فكرة حق دون هوان !!
ليش ما أروح الادارية علشان اشوف شروط التخصص المساند
و رد دون هوان و نزل محطة القطار و ركب قطار الادارية الاكسبرس " حق الادارية بس "

وصل دون هوان محطة شويخ " صوب الكرة الأرضية " و طبعاً كلكم شفتوا قطار الادارية اكسبرس
المهم قعد يمشي و يمشي و يمشي جنه قدر هالولد بس يمشي هالكورس
ليما وصل عند كافتيريا الادارية
" أخيييييراً لقينا ناس مداومة من اول يوم .... بس شسالفتهم كل واحد قاعد بصوب و ليش مافي كويتيين .... كل هذا من الاعتماد الأكاديمي !!! "

المهم و يقعد دون هوان بالكافتيريا و شكله مشبوه لانه الوحيد الي شكله مو رسمي بين القاعدين ... ما اطول عليكم قرى جريدته و شرب ال Ice Tea ماله و راح قسم ادارة الاعمال و أخذ شروط التخصص المساند و قالتله السكرتيرة اللي بالقسم لازم تروح تعبي بياناتك بالانترنت و بجذي يكون شغلك خالص و تيي الاسبوع الياي علشان تبدى تاخذ مواد المساند !!
شفتوا التطور يا جماعه ... يدي دون هوان الاول قالوله لازم شروط و مادري شنو الحين شوفوا السهالة و التطور ... حتى الحقوق صار فيها مساند
المهم ما يطول عليكم راح دون هوان اللاب جان ينصدم انه فاضي .... بعدين اكتشف انه محد يقعد باللاب بالادارية ما زالوا على عهد السكوير باقين :P
و اشتغل على واحد من هالكمبيوترات ليما خلص شغله و بعدين أخذ قطار .... الخالدية !!
ليش الخالدية ... لأنه من ايام يده دون هوان الأول كانو لزام على طلبة الانجليزي انهم ياخذون 12 وحده بالعلوم ... ما نطول عليكم اخذ القطار و راح الخالدية و اول ما راح ركض على لاب من هاللابات " كلهم واحد عنده نفس يده دون هوان الاول "
وصل اللاب و دش داخل ... شوي و اهو ماشي ولا يسمع ذاك اللي يزئر عليه : What are you doing here !! دون هوان هني ويهه قام يقط ألوان و بدى يرد على البروفيسور بالكويتي " انا انا قالولي روح هالقاعه حق اللاب " ... " WHAT !! Speak English !! " هني دون هوان قدر يسترد أنفاسه الضائعة و يتكلم مع الدكتور و قاله ابي البروفيسور أندرياس ؟
I am Andreas !! it seems that you don't know me !!
علشان لا يحوشكم الي حاشني هذا بروفيسور اندرياس مو تضيعونه

المهم شوي جان يبدون الطلبه اييون و تعرفت عليهم .... بينهم بس واحد كويتي الباجين كلهم عنقريز !! شوفوا التطور ... وينك يا يدي وينك

المهم اهم كانو يسولفون بوايد اشياء انا ما اعرفها كلهم مستجدين بالعلوم و انا خريج آداب ... يعني مافي أي رابط مشترك الا الميجر شيت
المهم شوي جان الدكتور يقولنا يلا امشو اليوم مافي دوام انا هني حسيت انه هم و انزاح و رحت سيده أخذت قطار الآداب اللي شفتوه كلكم .. شحلاته قطارنا ترى اللي رسم اللوحات اللي عليه واحد ياباني
المهم رجعت الآداب جان القى الشباب الحلوين و قعدت معاهم سولفنا و كل واحد فينا قعد يدز على راس الثاني و كل دقيقة واحد فينا منضغط .... لي الساعه 3:45 ..... اوووووه 4 الا ربع انا محاضرتي بادية من ربع ساعه .... و اروح ركض على محاضرتي بالدور الثاني .... و على ما وصلت ولا اشوف الدكتور من الجامه و قاعد يشرح !! @@ !! هالدكتور الظاهر ما عنده غشمرة من اول يوم شرح
المهم الباب كان مفتوح جان انطره ليما لف ويهه و ادش ..... HOLD IT !! انا هني وقفت بمكاني و لفيت ويههي عالدكتور .... طبعا هذا دكتور آندروز انجليزي يدرس أدب مقارن و الله لا يوريكم يقولون هالدكتور مسح تاريخ كل الدكاترة الشديدين قبله !!

GO AND SIT IN THE CORNER UNTILL I FINISH THIS CLASS .... اهو قاللي جذي انا رحت و قعدت بالزاوية مثل ما طلب مني .... كلش ولا تلاسن الدكتور حتى لو انت مظلوم الدكتور على حق فما بالك لما تكون غلطان !
رحت انا و قعدت بالربعه و لما خلص الكلاس ناداني و قاللي بما انك مو مضبوط !! بهالسرعة حكم علي والله حرام مثل اللي صار بيدي دون هوان يصير فيني !! فلازم تروح المكتبة اللي بره بالحديقة و تكتبلي موضوع من 1500 كلمة عن جامعة الكويت قبل و الحين .... و على فكرة سمعة يدك بالقسم حيل حلوة اتمنى انك ما تورثها !! @@ !! يدي شمهبب بالقسم اللي سمعته لي هاليوم :P
المهم جان اروح المكتبة و طبعا هذي اول مره ب 5 سنين ادش فيها مكتبة بالجامعة جان اتذكر فلم حطوه مرة بروائع الافلام الكلاسيكية اسمه Beauty and The Beast و تذكرت مشهد المكتبة فيه .... تخيلوا نفس المنظر بالصج

انا حنجي طق بالارض لما شفت هالمكتبة المهم ما جذبت خبر و رحت و قعدت ادور و ادور عن الجامعه قبل ... شوي ولا ألقى كتاب اسمه KUNIV Nights .... و الكاتب ماله ... Don Juan !!
قلت دام انه يدي كاتب هالكتاب خل اشوف شنو فيه ... اقرى ولا على ايامهم كانت الوضع كسيف و ثلاثين دقيقة بالمحاضرات بين كل موقع و موقع و مافي قطارات و كافتيريا ما ودك تدشها و مكتبة مكسرة .... الله يا الدنيا كل هذا كان على ايام يدي .... صج تغيرنا .... اول مره احس انه صار في تغيير جذري بشي من الاشياء ....
لحظه
شفيها الدنيا صارت خرمس !!وين الناس !!وين الكتب !أنا وين ؟!!!" دووووووووووووووووونووووووووووووووو قوووووم ودني المدررررررررررررررررسه صارت 7 و ربع "
اووووف هذا منو !! انا ويني !! وين المنبه !! وين سيارتي الانتيكه !! وين كليتي !! وين حلمي

*****

A Tribute Tom My Old Times :)

I used to be an artist and a creative writer ,, but ,, I think it's all gone with the wind :(

Quirks .. !

1- أحب أشرب من ماي الحنفية خصوصاً لما يكون بااااااارد ;p

2- لما أشوف تلفزيون انسى كل شي يمي حتى الحر ما احس فيه بالصيف بس اول ما يخلص الشي الي قاعد اشوفه ابدى احس بكل شي و احكحك و احس بحرارة مرة وحده ;p

3- ما أحب أقط شي .. من أول ما دشيت الجامعة غرفتي صارت أرشيف وزارة المواصلات من كثر الأوراق الي فيها و الي بيدشها لازم ياخذ معاه جي بي اس لأنه راح يضيع من كثر الدثرة الي فيها

4- لما أفصل دشاديش عندي لونين بس .... 4 دشاديش لونهم أبيض و نفس الخامة حق الصيف و 4 دشاديش سود هم نفس الخامة حق الشتا ... علشان لا أتعطل لما بختار الملابس كلهم نفس اللون ;p

5- ما أحب آكل جدام الناس ,, أتحاشى قعدات المطاعم وايد ما احب اروحها ,, و ما احب قعدة الكافيهات ,, و حتى ما احب اني آكل ببيوت يداني مادري ليش ;p

6- لازم لما انام اسمع موسيقى سوان ليك ... مو أي موسيقى لاااازم سوان ليك << اتعب يا الرومانسي >> و هالشي من زمااااااااان يمكن من المتوسط اول ما سمعتها ;p

seeeee ya ;*

Tagged By 5roofa ;D

خروفة حنت و لزمت إلا تبي تشوف المدالية مالت مفاتيحي

و الحين بتشوفينها و بتشوفونها كلياتكو ;p

شحلاتها البرنسيسة ... أمــــــــــــــ خـــــــمــــــاســــــــ

بالنسبة حق التاغ الثاني مال السوالف الغريبة أحله بعدين ;p

seeee yaaaa ;*

ASSASSINATION !!

هااااااااااي

رجعت لكم و في جعبتي سوالف وااايد

المهم نبتدي على بركة الله << للحين متأثر بشاعر المليون ;p

أنا بالفترة الأخيرة اشتغلت مع مجلة شهرية كمصور ... حلو الكلام ؟؟

فبما ان الحين موسم تخرج فتقريباً كل شغلي بحفلات التخرج

ذاك اليوم رحت حفل تخرج ثانوية صالح شهاب ... كان بالهيلتون

هالحفل الي اذكره فيه شي واحد

انه واحد قالي انت مصور ليالينا جان أقوله لأ انا مصور أبواب

جان يقولي أي باب فيهم .. كااااااااااااااااااااااااااااك

والله العظيم خزيته و مشيت لانه بط جبدي وييييييييييييع مليييييييييييييييق شنو توكله امه كل يوم الصبح الي صار مليق جذي :s

اليوم الي وراه رحت تخرج ثانوية يوسف بن عيسى

يا جماعة الحلو فيهم انهم صج عيال الضاحية مؤدبين و حليوين ... حتى بداية الحفلة ;p

مو صاحين بالمررررررررررة ... فصلااااااااات

الواحد يحس انه قاعد بمباراة مو بحفل تخرج وياهم

و الأحلى من هذا لما طلعت من الصالة ولا شوية "حلوين" مسوين عرضة بنص المدخل

و الاحلى من هذا لما طلعت من المدرسة ولا التقحيص داير على ودنه بره ;p

يا جماعة انا تخرجت من ثانوية بجنوب الصباحية بالبر مقطوطة بروحها ما شفت هالسوالف ;p

اليوم الي وراه الي اهو امس صار عندي أوردر مفاجئ انه لازم اروح الادارية أصور عندهم شي هناك

المهم و انا ناطر يا واحد و قعد يمي

انا قعدت أتأفأف لأنه تاخروا وايد جان اقوله المفروض انهم بادين من ال 5.30

جان الحبيب يقول اي الظاهر عبالهم 6.30 .. هههههه ... جان اضحك وياه و جاملته

تحسفت اني ضحكت وياه

لأنه بالضبط عاد هالجملة 7 مرات !!

وصلت لي مرحلة الي بغيت أقوله ... أنا واثق جداً انك انسان مرح لكن صدقني انا ما استلطفتك :@

اشوه انه خلصت بسرعة و مشييييييييييييييييييييييييييييييت

اليوم صارو معاي موقفين يونسون

كان حفل تخرج ثانوية شريفة العوضي بالموفنبك الي بالمنطقة الحرة

اول ما دشيت ولا ذيج الفخامة .. و الأبهة .. و الشغل الزقرت و الفلاشات الزرق و الحمر و الخضر شي راااائع

و جان اشوف زميلي المصور بالمجلة و طلع حده مينوووون ;D

المهم اول ما خلص المساعيد اذا ما خاب ظني المقدم جان اشيل كاميرتي بصور اللقطات الجماعية

والله توني رافع الكاميرا

طببببببببببببببببب

ولا كاب تخرج ياي بالسنتر بنص ويهي احس انه البنت الي حذفته تشتغل مع فرقة القناصة بوقت فراغها

للحين وارم مكان العوار من قوة الطقة ;D

تعرفون الي أول ما تنطقون تنبهرون و توقفون تقولون شصاير بالدنيا انا ويييين ;D

الموقف الثاني الي صج ضحكني

و انا اصور جان المح بنت صغيرونه ماسكة بايدها تفاخية و تبي تبطها بس تعرفون الي تبي تبطها بس خايفة من قوة الصوت ;p

جان تشوفني ياي بصورها جان تقولي وقف وقف .. قلت شكلها هالنزغة بتزفني ... ما اشوفها الا تعدل ملابسها و تقولي يلا الحين صورني ;D

بعدين لما ييت بمشي جان تقولي صورني بعد !!

قلتلها اوكي اصورج بس شنو ما عندج احد متخرج

المهم جان تقولي اوكي اوقف هني الحين اييب اختي

نطرت شوي جان اشوفها ياية و تاشرلي تقولي يلا تعال تعال ..

رحت وياها جان امها تشوفني و تقولي يلا تعال .. من اول ما شافتني الأمية لين وصلنا حق البنت المتخرجة و اهي تقولي يلااا هااا وينك لا تروووح يلااا خلك ويانا ... بس والله يونسون الأوادم لما الواحد يشوف فرحتهم

بس البنت الصغيرة حتى بالصور الكشرة من الاذن لي الاذن ... لو شفتوها راح تستانسون عليها بدون لا تعرفونها ;D

بس في شي واحد خلاني اوقف و انبهر بالحفلة

شفت وحده تشبهها ='(

و هيدا كل ياللي صاااااار

و اليوم يايبلكم اهدااء

يا_سبحان

ترى هذي اغنية حق راشد مو ابتهال ديني لا يغركم العنوان ;d

yala seeee yaaaaa

;*

صور الندوة ...

صور الندوة الي نظمها إتحاد طلبة أمريكا أمس بجمعية الخريجين

Emjoooy ;D

;D

Hope U Like Da PiX ;Pp

ما يعرفون يستانسون ولا يخلون غيرهم يستانسون !

علي يبي لابتوب !

قعدت الصبح ,, أو بالأحرى فزيت من نومي الصبح

نزلت المطبخ

قعدت مع أمي جان أقولها يما بكلمج بموضوع مهم

إهي انغثت عبالها بقولها بتزوج سمية الخشاب ولا خطبيلي نيكول كيدمان نفس كل مرة

جان أقولها يماااا بشتري لاااابتووووب

قالتلي زين روح شوفلك واحد و ادفع اقساطه من فلوسك مالي شغل فيك

المهم

جان وين أروح

صــفــاة الــغــانــم

دشيت و انا افتر بين اللابتوبس حسيت نفسي ضايع و مولاقي الي أبيه

جان اشوف ذاك السيلزمن الوسيم

جان اقوله لو سمحت شنو أحسن لابتوب حق الفيديو قيمز عندكم

لأنه اذا اللابتوب قوي حق الفيديو قيمز فاهو قوي حل كل شي

المهم لما وراني اللابتوب

انا بغيت اشهق

كبيييييييييييييييييييييييييييييييييير

واااااااااااااااااااااااااااااضح

صااااااااااااااااااااااااااااااااااااافي

يوننننننننننننننننننننننننننننننس

و قسطه مو وايد هم

المهم انا الحين استانست

لما رديت البيت جان اشوف جدامي منو

أخوي اللطيف

قالي شتبي فيه هذا كبير و مو عملي

أدري انه مو عملي والله مو يايب شي من عندك

بس أبي استانس يا جماعة حرام علي أستانس يعني !

توه قبل شوي ابوي شافني انا و اخوي عنده بالغرفة جان يقولي

ما قلتلي شنو هاللابتوب الي تبيه ؟

قلتله لابتوب ,, و أبيه !!

شنو استفادتك منه ؟؟ هل انت محتاجه ؟؟ كمبيوترك مقصر ؟؟

قلتله ماني قاطه بس اهو قديم

حتى انا مالي قديم و مال اخوك قديم و انت الي بتشتريه بيصير قديم

قلتله اليديد يساعدني بالغرافيكس و هالأمور

شحاجتك بالغرافيكس

و هني جان ينط الأخ اللطيف

ممكن أقولك شي و ما تزعل << هذي ديباجة كل مرة لما بيصف مع أبوي

انت شتبي فيه

جان اقولهم الصراحة ابيه حق الفيديو قيمز

جان ينط ابوي هني يقولي كالعادة الجملة المملة

انت طالب جامعة شلك بهالسوالف و فيديو قيمز ,, ما تحتاجهم

" بنتزوج ,, انت طالب جامعة و ماله داعي تشغل مخك

بنحب ,, اترك عنك هالسوالف و جابل جامعتك

بسافر بروحي ,, وفر فلوسك يمكن تحتاجهم

بشتري سيارة ,, لا ماكو وفر فلوسك

بنتحر ,, لا حرام بعدين تدش النار "

و بالأخير الفلوس راحت كلها على التايتنك و بانزينها

هني الأخ اللطيف يرجع مرة ثانية

انت لو تعدل كمبيوترك مو أحسن

يا جماعة عبالهم اني ما حاولت ولا فكرت

تعديل كمبيوتري = سعر كمبيوتر يديد بقراطيسه !

طبعاً ماكو كالعادة بالأخير ,, Rejected

:(

أبي أستااااااااانس ,, حرام ؟؟

BREAK THE SILENCE ;D

لنتجمع من أجل برلمان أكثر حرية ,, يحاول البرلمان الحالي الدفع بقرار يفتح الطريق للشرطة الأخلاقية في الكويت لنتظاهر من أجل حرياتنا ودفعاً بقوانين تحمي بدلاً من أن تغتال حقوقنا المدنيةالثلاثاء 24/6/2008من 8 الى 9:30 صباحاً أمام مبنى مجلس الأمة ,, أدليت بصوتك في

الانتخابات السابقة؟ فلتحضر وتسمعهم صوتك مرة أخرى,, لم تصوت؟ فهذه فرصتك لاعلاء صوتك ,, لنكن جميعاً فاعلين من أجل التغيير

protest for a more liberal parliament
the current parliament wants to create a policy that will give way to the establishment of moral police in Kuwait
protest for greater freedoms and policies that protect rather than infringe on civil liberties
Tuesday 24th
8:00-9:30 am
in front of the parliament
if you voted, come and voice your opinions a second time
if you didn't vote, here is your chance to be heard
be active
be vocal
be an agent of change

لــوطــن أفــضــل ,, لــبــرلــمــان أفــضــل ,, لــحــريــات أكــثــر

BE THERE ;D

I Promise I'll Change :D

سوري بالفترة الياية راح أوقف قصة لندن

أحس اني مو قاعد أوصفها بالطريقة الي أبيها

و بحاول أطلع نفسي من المود الي انا فيه


wait for TONIGHT =D

Opening Day

سوري كلكم بس اضطريت اني امسح القصة الي كانت سبب باستقطاب الجمهور للبلوق :/
Don't ask why :(

*****

شنو شعوركم و انتو تتخيلون نفسكم قاعدين من النوم و الجو باااااااارد و لما تطلعون بره الخيمة ما تشوفون جدامكم الا خيام ... و شوية كوريين عاليمين !

جان اشوف ولا القائد قاعد يدور احد يساعده بالمطبخ ... المهم بعد ما سوينا المطبخ و ضبطناه جان نكتشف انه لازم نركب الطربال لانه المطر هناك كثيف

المهم يينا بنركبه ولا يطلع حبلنا قصير ,, جان القائد يتكلم مع جيراننا الأتراك يقولهم بالتركي نبي حبل طويل ... انا ما ركز ببالي الا كلمة طويل لأنها بالتركي .. بيوك

الحين صار وقت الطباخ

طبخنا شي غريب عجيب مريييب

اييييييي نسيت اقولكم

اهم هناك عطونا شي مثل بطاقة تموينية نروح كل يوم نستلم المونة من الشسمه التموين

هناك صارت افلام وايد بس اول يوم انا ما رحت

المهم نرجع للمطبخ

الي طبخناه كان بالضبط ... بيض مخلوط بالجبن و و و .. و الفول ;p

يعني بالضبط بالضبط سمك لبن تمر هندي ;p

بهاليوم بالفترة الصباحية ما كان في شي مهم إلا توزيع بطاقات المخيم ملوت الأنشطة و المعرض الي لازم نسويه

المهم و احنا قاعدين نشتغل جان اييونا القادة الانجليز يقولون ترى اليوم الافتتاح ... جذي جك بوم ترى اليوم افتتاح لبسو اللبس الرسمي و روحوا

جان نلبس ملابسنا و نصور عند بوابتنا الي سوينها بدون سور و مشينا لي الأرينا

الاحتفال كان بسيط ... لكنه مو صجي

It was like WOODSTOCK !

مسرح كبييييير و الوفود كلها ياية مع بعضها

صج صج
One World , One Promise

كان واااااايد حلو الافتتاح بس المشكلة انه ما عندي صور ,,, كان برعاية ال
BBC

الي يضحك انه بآخر الافتتاح حطو هالجملة

Showers and Toilets are Available ,, Enjoy ;p

that was cooooooool ;p

و اييي كانو يايبين فرقة و دق و رقص و غناوي ... بس انا ما رحت وياهم ... شبسوي بينهم ;p

لما ردينا المخيم كانت الدنيا مظلمة بس هم رحنا الشور

و كان أسوء شي نسويه

اييييييييي خل اقولكم عن الشور

اول ما دشينا كنا لابسين تريننقز

لما دشينا ولا هناك العموم ... سلط ملط ;p

أول ما دخلنا جان نبلم انا و رفيجي ... شنسوي شالدبرة ... مو حلوة نطلع ;p

المهم انه احنا دبرناها

بس صج كان شكلهم يضحك الكوريين ;p

لما ردينا الخيمة جان الشباب يقولولنا ترى في ديسكو تروحون ؟؟


و أكلمكم بالحلقة الياية ;p


*****

أحس انه هالبوست مليق مو شي مو نفس الباجين ... سوري اذا حسيتو بهالشي انتو بعد :)

Let's go for a walk ? :D

و رجعنالكم من يديد

هاي شلونكن ؟ شخباركن ؟؟

الي يانا و ياكم

خير لفانا و لفاكم

و شر تعدانا .. و تعداكم

نكمل معاكم يا حبيباتي قصة علي البحري في لندن

*****

جان يصير الصبح

قعدت من النوم .. جان اشوف يمي ولا ماكو أحد .. أدور جنطة أحمد .. مو موجودة

انا قلت الظاهر لازم نتيمع بسرعة

و جان البس ملابسي بدون لا اسبح :(

و نزلت تحت ولا الحبايب قاعدين يتريقون و قالولي للحين بعد ساعتين بنمشي !

انا هني تنفست الصعداء و قعدت اتريق وياهم

ليما صار وقت الرحيل

دقينا على منظمين المخيم جان يقولون ترى ماكو باص لازم تروحون بروحكم لي نقطة التجمع !!

شنسوي شالدبرة شالحل

جان القادة يطلبون من الفندق يدقون على تكاسي تشيلنا و تشيل اغراضنا

و ما قصرو الأيواد << يعني منهم :p

المهم شلنا الربع بحروة عشر تكاسي و وصلنا لي نقطة التجمع الي اسمها

Baden Powell's House

انا رايح هالمكان من قبل يصير صوب متحف التاريخ الطبيعي بلندن

المهم وصلنا هناك ولا ماكو احد الا اثنين ماسكين دولكتين فيهم شي جنه شربت فيمتو .. جان نشرب و قلنالهم مأجورين عمي دنيا و آخرة ... لا لا مو تصدقون غشمرة ;p

المهم دقايق جان نسمع طقة خطوات عالأرض من كل صوب

ولا الفرق الكشفية ياية !!

يايين مشي ... والله انحرجنا قمنا نطالع بعض من الفشلة و كل واحد فيهم شايل جنطته على ظهره و احنا يايبين جناط شكبرها ;p

المهم جان ايي الباص !!

ركبنا كلنا و جان يقولون لنا باول الباص ترى الرحلة ثلاث ساعات على ما نوصل نقطة التجمع مالت الوفود

و احنا بالطريج طحناله دق و غناوي

بالطريج مرينا على اماكن بلندن الله وكيلكم عبالكم قاعدين تمشون بالمرقاب ولابنيد القار مو لندن

المهم بعد فترة بالسيارة الواحد يمل

فكان لازم ندور شي نقزرها فيه

جان نشوف واحد من ربعنا يسولف " بالكاد " مع قائدة ايرلندية ... الشباب ما قصروا وياه كل واحد قط عليه نغزة و حصل المقسوم الولد بسبة هالجم كلمة الي حجاها ويا الايرلندية ;p

المهم جان نوصل نقطة التجمع

واااااااااااااااااااااو المنظر مو صج

خضااااااااااااااااااااار

كنا بنصير خرفان و ناكل المكان من كثر ما شكله يشوق :p

المهم ما اطول عليكم قعدنا بالخيمة شوي جان اسمع القائد يقولي روح استلم البطاقات و اخذ وياك حسين

تخيلو الي يعطينا البطاقات كان قبرصي

قبرصي و كويتي بيتفاهمون بالانجليزي ... جنهم سعودي و ايراني بيحاولون يتكلمون روسي

المهم جان نركب الباصات مرة ثانية و رحنا المخيم الي اسمه

Hylands Park - Essex

وصلنا الأرينا الي اهي سنتر المخيم

جان يقولون لنا انتو بمخيم بيرينيس

مخيم بيرينيس هذا آآآآآآآآآآآآآآآآخر مخيم بالمخيم كله

و تخيلو طول المخيم احنا نسحب بجناطنا كل واحد ساحب معاه جنطتين من جناط السفر حتى اليهال

المهم وصلنا بيرينيس

لما وصلنا هناك جان تستقبلنا القائدة مالت فرقة المساعدة

قالتلنا انه مكان مخيمنا بيكون بآخر زاوية بالخيم آآآآآآآآآآآآآآآخر شي

ملاحظة : مساحة المخيم = محافظة مبارك الكبير كلهاااااااااااااا من المحيط إلى الخليج

و ترى المسافة الي مشيناها تساوي نص المخيم في نص ثاني ما اكتشفناه الا باليوم قبل الأخير

المهم لما وصلنا

كان عبالنا انه في خيام جاهزة و احنا بس نحط اغراضنا

اتضح انها لازم نييب خيامنا معانا و الخيام لازم خيام هايك .. جان القائد ايمعنا

و حسيت لما يمعنا كلنا جنه ميل غيبسون بفلم ذا باتريوت لما كان يحمس الجنود ;p

المهم جان نقط كلنا و نشتري الخيام

بعدين اكتشفنا انه ما عندنا مطبخ

جان نروح انا و جم واحد نييب الطاولات

اكتشفنا انه المطبخ يبيله سلندرات غاز

تصوروا خلوني أشيل سلندر غاز كل هالمسافة روحة و ردة مرتين

ولا حتى في واحد ايرلندي قعد يضحك علي يقولي شكلك .. لا خلاص ماني قايل :(

المهم الحين جان يصير بالليل و انا تعبت من كثر الشغل و الخيام و الطاولات و غيره

جان اقول حق رفيجي اذا صار العشا لا تقعدني انا بنااااااااام

و صج لما سوو العشا ما قعدوني و نمتتتتتتتتتتتت

و جان صار يوم ثاني

عاد هذي يا حبيباتي خلوها حق يوم ثاني ;p

seeeee ya ;*

Today's Quiz : Do you think that Somaya El-'7shab has a full package ??

BoOoM !!

Hi

it's been a long time I know ,, but it seems that you didn't miss me at all :'( ,, poor me :'(

المهم نكمل من حيث وقفنا .. هالبوست مافيه ولا صورة للأسف للحين ما حصلت الصور

*****

صحيت الصبح .. جان اشوف نفسي بروحي بالغرفة
وين احمدو !!
وين راح هذا انا ما ادل شي بالفندق !!

المهم قلت ماكو الا تعتمد على فهلوتك و تقوم تاخذ شور و تنزل اللوبي تشوف اصدقائك وينهم

نزلت جان اسال ملوت اللوبي وين المطعم ... الله وكيلكم دشيت المطعم جني داش مقصف عمال ;p

المهم جان أشوف ولا في واحد من أصدقائي قاعد بالمطعم رحت قعدت وياه مع اني ما اعرفه قلت هذي فرصة اتعرف عليه

طبعاً بهالمطعم الريوق اكشخ شي موجود كان بيض مفيوح ;p

لكن شنو الي صار

انه عبر القاعة نفسها بالصوب الثاني كان المطعم الكشخه الي كل الوفد قاعدين فيه و محد منهم قالي والله يا فلان ترى هذا المطعم الكشخه ... يلا مو مشكلة عديناها

أول ما خلصنا جان القائد يقولنا يا شباب اليوم عندنا رحلة بنروح الأكواريوم الي بيروح ويانا خل ايي الي ما يبي يروح خل يقعد بالفندق يحط باله عالصغار و اذا بيطلعون يطلع وياهم

انا و واحد معاي قلنا ما نبي نروح و الاكثرية كانو قاعدين لانهم بيتسوقون

المهم القعدة بالفندق تملل .. و انا بالغرفة بروحي جان اييلي فيصل الي قعدنا عنده بالحلقة الي طافت على ما لقينالنا غرفة

انا وياه قاعدين نطل من الدريشة جان اقوله

فصيل تحتنا في بار .. بس اكيد مصكر الحين و ثاني شي انا وياك ما نشرب و ثالث شي و الأكيد انك ما تسويها و تروح معاي البار نطلب منهم ماي ;p

و في هناك " هني بداية الفلم " اكو علامة الفار هذا أكيد محل والت ديزني ... تروح ؟؟

اهو ما صدق خبر جان يقولي يلا فوقه خنروح

المشكلة انه من جامة الفندق كنا نشوف المكان قريييييييييييييييب

لما نزلنا بالشارع ولا المكان بعيييييييييد .. كنا نلعب سلم و الحية بالشارع على ما وصلنا

لما وصلنا هناك ولا شنو يطلع ... إعلان حق شركة تجميع ضرايب !!

انا وياه صارت ويوهنا مثل ماروكو لما تبتلش ;p

المهم قلتله دام وصلنا لي هني خل نكمل طريجنا يمكن نلقى شي ولا مكان حلو بالطريج << ما كنت بحسسه اني مضيع الفندق ;p

المهم و احنا ماشين ماشين جان نلقى محل غيتارات

اي نسيت اقولكم ... فيصل يعزف عالغيتار و عزفه حلو عشان جذي كان يدور محل يبيع غيتارات

المهم دشينا المحل ... جان يذكرني بمحل سالمين مال الأعواد مادري ليش ;p

المهم قلناله بنجرب غيتارات يصير .. طبعاً انا الي اتكلم لانه فوفو زميلي ميييييح بالانجليزي

لما قعد يجرب الغيتارات انا شفت الغيتارات الي موقعين عليهم مغنين ... طلع المحل مو هين لأنه لقيت غيتار حق بوب ديلان عندهم !!

نسيت اقولكم شغلة

بصيف 2005 لندن كان فيها تفجيرات الانفاق تذكرون

احنا كنا رايحين بنص التفجيرات :p

الحين فيصل خلص و يبي يقوم انا بدال لا انزل صوت السماعة قبل لا افصلها فصلتها مرة وحده جان يطلع صوت جنه صوت رشاش ... انحرجت جدام الي يشتغلون حسيت اني اثول :$

المهم و احنا صاعدين لي الطابق الأرضي بالمحل جان نسمع صوت صفارة الانذار

راعي المحل قالنا خلكم داخل لا تطلعون احسنلكم

بس كعادتي و كعادة أي كويتي لازم يتفلسف :p

جان اقوله لا تخاف علينا احنا متعودين تونا طالعين من حرب مع العراق << مصدق عمره انه ب 2003 كانت حرب صجية ;p

اهو ما حن علينا ولا تعب عمره بس قالنا ديرو بالكم

اول ما طلعنا .. مشينا خطوتين جان من حيث لا نعلم تطلعلنا شرطية مجسمة تقولنا انتو شمطلعم دشو الداعوس بسرعة

انا ما صدقت خبر جان اركض :p

الحين قعدنا نحوس ندور مكان ننخش فيه على ما ينتهي الانذار ... جان بالصدفة نلقى مطعم صيني و قلنا حق الي فيه نبي نوقف داخل ما نبي نطلب لانه في انذار قنبلة .. اهي شكلها ما فهمت علي بس قالت اوكي ... كان في ناس ياكلون ... شوي جان الشرطة اييون و يقولولنا يلا يلا قوموا طلعوا من هني ... بسكات الكل طلع و اهي صكرت المحل بكل هدووووء

الحين نبي نرجع الفندق شلوووون نرجع شلووووووون

قعدنا ندور ندور و فيصل مشكلته انه مصدق اني ادل و انا قاعد اسولف وياه بلهيه ;p

ليما مرة وحده جان نلقى نفسنا جدام الفندق ... جذي فجأة ولا كاهو الفندق !!

المهم دخلنا و رحنا عند الشباب الي ما نعرفهم عشان نطيح الميانة وياهم .. بعد بيكونون ويانا بالمخيم ما نبيهم يحسون انهم غرب

دشينا الغرفة ولا الشباب مسوين حفلة

مالتيزرز على سكيتلز على فليك على توبليرون على كل شي مو ناقصهم شي

المهم احنا قعدنا نسولف عن الي صار جنه انا و فيصل الي مفججين القنبلة و احنا ما ندري ;p

وراها طلعنا كلنا رحنا نتغدى

جان بعدين نطلع احنا الكبارية ملوت الوفد نبي نروح وين ... اجوار رود

و احنا نتمشى وصلنا لي محل اتش ام في جان احس انه ريلي نملت قلت ماكو الا ارد الفندق .. منو بيرد منو بيرد .. جان ايي معاي فيصل

و احنا رادين جان نشوف واحد خال .. والله صج تحسفت انه ما عندي كاميرا لانه كان ماشي واحد خال و فاتح زرارات قميصه كلها و بطنه مقسم جنه مخطط بمسطرة و انا اشوفه و منصدم هذا ليش يمشي جذي

جان يقولي ..

I know it's Good I know it's Good ;p

المهم وراها ردينا الفندق و قعدنا لي بالليل نطرنا ليما القادة يو و عطونا محاضرة بشنو لازم نسوي باجر و انه احنا لازم نكون القدوة

:D

بعد هذا " الحجي الساعه 12 يعني بتوقيت الكويت 3 الفيّر " قلنا حق القائد بنروح نتعشى بماك

المهم و احنا طالعين من باب الفندق جان نشوف ولا واحد سكران و ريحته فايحة نايم عند باب الفندق

قلنا عاااادي اتس لوندون

رحنا ماك .. احنا كنا تقريباً 8

و طايحيله سوالف و موقفين الدور .. انا كنت آخر واحد فيهم

ما اسمع الا واحد من وراي يقول

For God Fuckin Sake Am I Goin To Wait Forever :@

انا شفته قلت خل ارد عليه هذا شفيه يصارخ

تذكرون بالحلقة الأولى لما شفت هيثم بارون

صار معاي نفس الشي :p

انا شفته بنظرة كلها براااءة و جان ارد الف ويهي على ربعي و اقولهم

سمعتوا كلامه ... طلبو خل ننحاش قبل لا ننطق ;p

بظرف دقيقتين كل واحد فيهم ماسك عشاه بايده ;p

ردينا الفندق و جان الحين نبي نتعشى و ننام

جان يرد أحمد يفتح نفس السيرة مرة ثانية ... مادري شفيه على هالموضوع يحب يفتحه قبل النوم على طول

المهم

جان يصير باجر

عاد الي صار باجر اكتبلكم عنه اليوم بالليل لاني ايدي تعبت و انا اكتب ;p

seeeee yaaaaa :*

1st Day in London ! ;p

عودة بعد انقطااااااااااااع لظروف خايسة جداً يسمونها

الإمتحانات بالكويتي

Exams بالانجليزي

فحص بالشامي

إختبارات نهاية السنة بالمصري

ظروف خايسة جداً :p

المهم الحين نكمل من حيث وقفنا

*****

وصلنا يا محافيظ السلامة لي الفندق الي اسمه

St Giles Hotel

دخلنا هناك جان نشوف اللوبي قلنا ايييييييييه شكله هذا خوش فندق .. طبعاً أنا للحين مو نايم :p

اول ما قعدت عالكرسي باللوبي ما اسمع الا ذاك الي يناديني ... ولا يبون الكبار بالفرقة يروحون يشيلون الجناط و الأغراض

أنا هني قعد يمر جدامي شريط الأحداث الي مرت علينا عند كاونتر الوزن .. بغيت أطيح عالأرض و أقعد أرفس بريولي من هول الصدمة :p

المهم ما علينا جان أروح أشيل و كان راح ينتهي مستقبلي بسبة الجناط الخفيييييفة جداً :p

الحين كل من اخذ صديقه و مفتاح غرفته و راح لحال سبيله

ظلينا بس انا و واحد من ربعي ما أذكر منو بالضبط بس الأكيد انه انا تشنقلت بحمولة 7 جناط لازم اوديهم لغرف ما أعرف أرقامها !!

و انا بدخل الاصنصير جان أشوف جدامي صديقي حسين

جان اقوله انت ما عندك شي صح ... ما نطرته يقولي اي ولا لأ جان أقوله تعال معاي خنوصل الجناط :p

ترى أنا للحين مادري منو ال room mate مالي

والله و نصعد من الارضي لي الخامس لي السابع ننزل لي الثالث نصعد لي ال 12 ... ليما بالأخير قطينا الجناط بغرفة قائد من القادة .. محد قاله يعطينا المفتاح و يقولنا روحو حطو جنطتي بالغرفة احنا كانت هالسالفة بالنسبة لنا طاقة القدر و انفتحت لنا :p

الحين حسين يعرف غرفته باي طابق و منو معاه

انا مادري منو معاي ولا ادري وين غرفتي

رحت اللوبي جان اقولهم انا منو معاي جان ياشرون على واحد من ربعي جان اقوله << و اهو على فكرة قاعد مفهي و ما يدري شالسالفة احس انه كان طايحله ببسي دايت بالطيارة :p

المهم ولا طلع انه أحمد هذا صديقي اهو الروم ميت مالي .. و اهو صديقي بالثانوية بعد يعني عشان جذي احنا مع بعض قطونا

لما سالته قلتله احنا بأي غرفة قاللي مادري عليوي مااادري مااادري ... مسكين لفترة وجيزة صار نجلاء فتحي :p

جان اروح غرفة القائد قالي انتو غرفتكم بالطابق ال 12 !!

و نروح الطابق ال 12 و احنا شايلين جناطنا ويانا

بالمناسبة انا ما قلتلكم الفندق شلون قايل

الطابق ال 12 واضح المعالم

باجي الطوابق بالضبط الي خططهم نفس الي خطط القرين .. كان راكبهم نفس اليني :p

تمشي عالوصف مو على رقم الغرفة :p

الحين رحنا الطابق ال12 ... أطق الباب أطق الباب محد يرد موووليه

الشباب نايمين بعد هالرحلة ... و أنا للحين مو نايم :(

جان نفترش الأرض انا و احمد و قعدنا نسولف عن اشياء مليقه و اهو كان بروحه مليق لانه تعبان و يبي ينام

جان فجأة

فجأة

فجأة

من حيث لا مكان <<>

جان تطلع ذيج الموظفة الشمحوووطه الطويلة الشقره ... تيبيكال لندنية

جان تقولنا انتو شمقعدكم هني جنكم عتاوية :p

لا لا أقص عليكم قالتلنا انتو ليش قاعدين هني شنو ما عندكم غرف جان اقولها و بلهجة ملؤها البراءة احنا قالولنا هذي غرفتكم و محد معبرنا الحين و احنا ناطرين اي احد يشاركنا بغرفته :(

جان تقولي اوكي اوكي امش معاي تحت .. والله و نروح تحت و بالاصنصير اشوه انها ما سوت دعاية الديودرنت الي يحطونها هالأيام :p

المهم لما نزلت تحت جان اشوف اللسته ادور واحد فااضي

جان القى ولا في واحد بروحه !! بالله على شنو بروحه شنو ملك !!

جان نشيل شلايلنا و نروح عنده

اول ما دشينا الحين ريحتنا خايسة و تعبان انا بنام مو نايم

جان الملاعين يتسبحون و يبدلون و يقولولي بوعلوة احنا نازلين المطعم تحت اوكي ... رايحين برغر كنغ

انا تسبحت

اييي على طاري الحمام عزكم الله

الحمام لازم توقف استعداد داخله ما تلف لا يمين ولا يسار لانه بمجرد انك تلف احتمال ايدك تحش المنظرة مالت المغسلة :p

المهم بعد ما بدلت و كل شي نزلت بشوف لندن

اول ما رحتلهم برغر كنغ ولا الحبايب طايحين له تشكن رويال .. جان اقولهم انتوو هييييه مو حلال ... بس صج اكتشفت انه who cares :p

بعدين طلعنا رحنا نتمشى جان ندش فيرجن و هناك شفنا

أو بالأحرى اهم شافو شي لأول مرة الي اهو ... PlayBoy و أخواتها :p

واحد فيهم و بالأحرى اثنينهم مزجوا الا يبون يجربون الغيتارات و انا مليت و بنااام تعبت والله انهد حيلي

لما بعدين جان اروح سب واي لاني هم مو ماكل من الكويت .. ولا الحبيب هناك طلعتله يورو ما عجبه و عكر ويهه و قالي احنا بس ناخذ باوندات !! بغيت اقوله زين عمي انا آسف حقك علي والله مو قصدي لا تسفرني :p

بعد ما رديت الفندق كليت حسيت بدوخة اكثر و اكثر

جان اروح اتمدد بس تعرفون لما تخافون من النوم علشان لا يخترب مخطط شي جذي صار فيني

و جان يقعدون باجي الوفد

و شنو يبون يتعشون

زين يا جماعة احنا ماكلين و تعبانين نبي ننام

لا لا لا ماكو ماكو لازم كلنا نروح

جان نروح وياهم و شكلي كان فلم و انا لابس البونشو مالي :p

و جان الحبايب فايئين و رايئين يبون يتسوقون قبلها

و انا ادش وياهم و كل واحد فيهم عباله قاعد بالعدساني ما بقى شي ما نزلوه من عالرف ... عاد المحل كان شكله نفس محلات العدساني بس الفرق انه بلندن :p

جان بعدين راحو يتعشون بمطعم تركي ... و طلع عليهم اغلى من بيع السوق ... صحن سباغيتي مثل ويوه الطباخين ملوت المطعم ب 10 باوند ... رووووووووووووح يا الرخص بالكويت شرخصه ببيتزا هت و نتفقق عليهم :p

الحين انا هني وصلت حدي

جان اقول حق القائد ترى خلاااص انا احتمال يصير فيني شي اذا قعدت اكثر من ساعه

جان يقولي روح الفندق بس نزل جناط الي بالدور ال 12 لي تحت

انا بعد سمعت الكلام خو من وراها راح اناااام

المهم

الحين صاااار وقت النوم

ولا صديقي أحمد مممزججج عالآخر و قاعد يقولي سوالف الشباب و قالي انه واحد فيهم ما يدانيني بس جدامي يمثل عالشباب و انا قلتله زين احمد والله بنام حرام عليك

ليما سحبت عليه و استسلمت لنداء الجسد << وايد أتابع فوزية الدريع :p

بعد ساعة و نص بالضبط

الباب يتبطل فجأة ولا القادة مسوين تفتيش

اهم يقولون التفتيش على الزقاير ولا هالسوالف بس انا ادري تفكيرهم وصخ كويتيين ما ايوزون :p

فقعدت أفكر ... هل الي متسطح يمي .. كاميرون دياز ؟؟ أنجلينا جولي ؟؟ كلوديا شيفر ؟؟ وفاء عمر ؟؟

بس مشيتها لهم و قعدت اجاملهم لين طلعو بره الغرفة جان اناااااااااااااااااااااام

و لما قعدت باجر الصبح عاد هذي حكاية أخرى :p

seeeeeeee yaaaaaaaaaaa :*

إهداء هالمرة غييييييير بالمرة

Bob Dylan - Lay Lady Lay

http://www.zshare.net/audio/13250735056e7607/