وصلنا حق ثاني كورس بحياتي الجامعية
طبعا بالعطلة الربيعية انا خذيت الليسن بعد ما يقارب الشهر و نص من اكمالي ال 18 :p
أول يوم دوام بالكورس الثاني للحين اذكره
كان مطر شدييييييد و زلق و حالة
و كنت سايق السيارة قبلها يمكن مرتين ثلاث بالكثير و مو مباعد و الجو ناااشف
المهم مالكم بالطويلة
قالولي روح من طريج صبحان فاضي و مافيه احد و يقطك سيدة عالكلية ,, اهم شي اني من الخوف كنت ماشي بخط صبحان 60 :p
أول محاضرة شنو كانت ؟! علم الحاسوب ,, عند منو ,, د. محمد الملا الي يطلع بالتلفزيون ,, المحاضرة الساعه جم يا حلوين ؟ 8 الصبح !!!
المهم اول يوم لبست دشداشتي و طلعت من صباحية ربنا و رحت الكلية وصلت هناك 7:30 ,, و اقعدلكم بالحديقة استمتع بزقزقة العصافير و تكتكة المطر و مشاهدة أسراب الجميلات الي يايين بكامل كشختهم ببداية الكورس :p
شفت الجدول ولا المادة وين ,, بمختبر اعيان بالشريعة @@
و اعبر المسافة كلها من الآداب لي الشريعة بهالبرد و المطر ,, وصلت هناك ولا الدكتور معتذر :/
قلت يلا مو مشكلة خل اروح الآداب اقعد عند الشباب انطر محاضرتي الساعه 11 بالشويخ عندي حقوق انسان
المهم بعدين رحت شويخ ولا اكتشف شي
عندهم برغر كنغ هناك :D
و جان اقول حق المرات الياية ايي اتريق هني شلي بكافتيريا الآداب :p
المادة حلوة كانت و دكتورة ندى الدعيج يزاها الله خير طيرتنا بالبونصات و الامتحانات السهلة و الكيرف الألسطة الي سوته بنهاية الكورس ,, مادة قشطة :p
المهم وراها رديت الآداب حق محاضرة الانجليزي ,, الانجليزي عند دكتورة ماكو احلى منه ,, سهالات ,, و درجات بالهبل بس وين الي يدرسون :p
و كان عندي مادة بعد الي اهي تاريخ الحضارة العربية الاسلامية عند دكتور حسين المسري ,, الحمدلله انها كانت آخر مادة تاريخ ولا جان بجيت :p
المهم خل اقولكم ,, هالكورس صارت فيه وايد احداث ,,
بنص الكورس بالتحديد و بيوم من الايام و انا راد من الحقوق ولا القى بالباص واحد من اصدقائي ,, جان قعدنا نسولف و نضحك و من هالحجي ,, جان يقولي ها بتروح الآداب ؟ جان اقوله أي يعني وين بروح :D
جان يقوليي ايي زين عيل اشوفك هناك ,, مادري شلون انطق فلان !!
جان اقوله لحظة لحظة ,, فلان ( فلان هذا يعني واحد مابي اقول اسمه بس كان منسق الكلية :p ) انطق ,, من طقه !! ليش !!
هذي كانت اول حادثة عنف طلابي بحياتي !
المنسق اتضرب يا قدعان !!
و نروح الآداب و العداد مليون ,, و حالتنا حالة و معصبين و متنرفزين !! كون انت ياللي انا قريت النشرة عنك بالحلقة الاولى انت الي طاق المنسق
يااااااا باااااااطِل ,, وييييييينه بس ويييييينه :p
و اسبوع كامل توزيع نشرات و بيانات و استنكارات و تنديدات و حالتنا حالة
اذكر موقفين صارولنا بالاسبوع هذا
الموقف الأول امين السر ,, انت يا المخضرم :p
الحبيب بنشرة من النشرات كان كاتب الآية غلط و طابع منها 1000 نسخة :D
جان اييوله البنات يقولوله محمد ترى النشرة فيها غلط بالقرآن ,, جان يقولهم أي عادي عادي محد يشوف :p
بس اشوه بعدين رضخ و غيرها :p
الموقف الثاني ,, أذكر كان في ويانا وحده حلوة ,, كربوجة ,, و انا بسلامتي بذاك الوقت كنت مثل اللبنانيين الي تشوفونهم بالسالمية القديمة ,, يثل و املط و الراس يبرق من كثر الجل
المهم و انا واقف بالشمس قاعد اوزع جان تقرب مني تقولي " هاااي ,, شلونك ؟! " ,, جان اقولها هااي ,, انا زين الحمدلله ,, جان تقولي " واااي اوف اوف الجو حااار " ,, جان اسمع صوت المخضرم من داخل يقولي " طالبات القائمة مثل خواتك ,, عاملهم مثل خواتك :@ " ,, جان اشوفها و اقولها ,, ايي حر بس لازم نوزع !
She turned around and never looked back ;Pp
بهالكورس تعرفت على نمونة يديدة من الناس
الناس المليقين !
واحد منهم كان وياي بكلاس الانجليزي ,, خل اقولكم سالفته بعدين اقولكم سالفة الكلاس الي بغيت اسقط فيه :p
الحبيب كان توه محول الآداب و ما يعرف احد
و معرفته بالانجليزي تقارب معرفتي باليوناني
و الدكتورة مسكينة يا حبة عيني ملقيته ويه عبالها آدمي :p
مثل ما قلتلكم الدكتورة تحب تعطينا day off's
فمرة من المرات قالتلنا شباب ادري مالكم خلق تداومون خلاص يوم الاربعا لا تييون الكلاس اوكي ,, بيني و بينكم
قوم الحبيب يوم الاربعا بحزة الكلاس روح اسأل عنها بالقسم !!
و مسكينة تيينا يوم الاحد تسأل منو الي راح سأل عني بالكلاس ؟! احنا كلنا قعدنا نطالع بعض @@ منو الي سواها !
شوي ولا يطلع سبع البرمبة جان يقول انا !!
جان تقوله : حضرتك تدري شسويت ,, خليتهم يحققون معاي ,, و خليتهم يخصمون من معاشي ,, و اساساً اهم من دون شي يبوني ,, do you have any idea what you've caused me !!!!
و تبجي ,, يا جماعة اول مرة اشوف وحده تبجي جدامي :"(
جان الحبيب يطلع من الكلاس ,, لو انا مكانه ما اطبه خير شر
بس مسكينة الدكتورة وايد طيبة قالت حق واحد روح دوره و ييبه خلاص الي صار صار ,, اهئ اهئ
كان ويانا واحد بهالكلاس لعوبي ,, و راعي دقات
مرة تأخر عن الكلاس جان تقوله الدكتورة وينك متاخر صارله بادي الكلاس حروة نص ساعه !!
جان يقولها دكتورة والله صار موقف ,, خل اقولج اياه
كنت رايح ماك الجابرية اتغدى ,, ما اشوف الا زحمة هناك ,, ولا وحده صينية قاعده تمشي مفصخة بالشارع و الشارع كله واقف ,, عشان جذي تأخرت
بعد يومين يتلنا الدكتورة جان تسأل وين فلان ؟ قلنالها ما ندري ,, جان تقول ماشالله عليه قايلي خبر صايرله اسبوع :p
هالكلاس انت جداً مزبل فيه ,, عالآخر ,, ليما بيوم من الايام قبل واحد من الامتحانات قالتلي الدكتورة تعال القسم !
لما رحتلها جان تقولي انت بتتخصص انجليزي ؟! قلتلها أي :$
جان تقولي اذا مفكر تتخصص انا انصحك تغير هالفكرة من بالك لانه ما راح تمشي ,, مجموع درجاتك للحين D !!!
صدمتني صدمة حياتي ,, قلتلها انزين في مجال اعدل ,, قالتلي في بس صعبة عليك ! مستواك ما يساعد
جان اقولها I'll bring my best ,, جان تقولي شنو ؟! انا قلتلها ولا شي انا راح اشد حيلي :p
بعد يومين كان الامتحان
ليلة الامتحان كانت مباراة اي سي ميلان و برشلونة بالتشامبينز سنة 06 ,, الي خسروها ميلان 1-0 بالسان سيرو بريول جولي
المهم انا درست على انغام عصام الشوالي :p
لما امتحنت اليوم الي وراه قعدت على اعصابي لما طلعت الدرجة
يوم توزيع الدرجات قالت الكل و ما قالتني ,, انا قلت ولييييييه الله يستر الله يستر
شوي جان تقول " Ali ,, 19.5 " انا عيوني طلعت و قلتلها WOW !
جان تقولي yeah ,, that's a BIG WOW !!
و خلصت هالكورس و طلعت منه ب –B ;D
خل اقولكم سالفة صارتلنا بمادة تاريخ حضارة
احنا كلاسنا كان كلاس طلبة ,, فجأة بقدرة قادر سووه كلاس طالبات و شقحونا بره !!
جان نروح حق العميد الله يذكره بالخير دكتور مادري شسمه
جان نقوله دكتور ترى مو حجي هذا ما يصيييير جان يقولنا روحو حق دكتوركم مالي شغل
لما رحنا حق الدكتور جان يقولنا تعالوا بعد الكلاس
جان اقوله دكتور ممكن دقيقة ,, ما نطرته يرد علي جان انزله و حطيت ايدي عالمايك ,, قلتله دكتور ما يصير جذي نطلع بره جنا مشردين خلنا عندك هالكلاس و تالي شوفلنا صرفة ,, جان يقولي اييي حاضر حاضر يلا دشوا يا شباب :D
هالمادة كنت تعيس فيها و كرهت التاريخ الاسلامي من وراها
بالفاينل يابلنا سؤال مو بس صعب الا ما يخطر على بال الجن الازرق
تعالوا كتبوا طريقة توزيع الامام علي للابل شي جذي
و انا متنح ,, غش ماني قادر اغش ,, محد يعرف الجواب !!
ولا القى ذاك الالماني الي قاعد جدامي و عنده ورقة فيها الجواب !! جان اقوله يا الحبيب ,, شنو الحل !!
جان يسحب علي
يا الغالي !! الحل ,, يا كلب ييب الورقة :@ ما فاد
خذيت فيها C- , نعمة كريم
هالكورس عموماً كان زبالة لوما مادة حقوق الانسان و الشوتة الي شاتنياها د. محمد الملا لما رفعني من C+ لي B+ ,, كان جداً كريم :D
الحين بسجل اول كورس صيفي بحياتي
شنو اسجل شنو اسجل ,, جان اقول خل آخذ مادة علوم سياسية على ابو يعني سياسي و حالتي حالة و وقتها نبيها خمس ,, الادرينالين بالقمة :p
و سجلت مادة " مقدمة في الأدب العالمي مترجماً " ,, مادة د. ابتهال الخطيب :D
اول يوم دوام رحت ولا معاي اربعة من وسط الآداب بالمادة ,, انا قلت جنها بتقزر :p
بس بعدين سحبت المادة كانت 8 الصبح مالي خلق اقوم و مابي اصير سياسي :p
مادة دكتورة ابتهال كانت قمة المتعة ,, وناسة عالآخر
و حسيت اني شاااااطر ,, صاروووووخ ,, وخروا عني هذا تخصصي :p
و بالكلاس كل ما تقول الدكتورة شي أأيدها و أثني عليها بعد
يا جماعة كورس مو طبيعي !! شي رائع لما تحس انك صجمة :D
و كنت اقعد يم الدكتورة و الكلاس مشترك و يعني بديت شوي شوي اتعود عالوضع :p
و الدرجات ,, خل اسولفلكم عن الدرجات
كنت اكتب الي يمليه علي خاطري و ضميري و اطلع اقل شي 9 من عشرة :D و بالمدتيرم خذيت 19.5 من عشرين ,, محد خذاها الا انا و بنت ثانية بالكلاس بس !!
و قلت انا ماكو هذا كورس A
ليما يا الفاينل
يوم الفاينل مادري شكان فيها الدكتورة داشة معصبة
جان تقولنا الي اشوفه يتلفت بالامتحان راح اسحب ورقته
اساساً كان في نقص اوراق ,, و ما كان عندي الامتحان ,, و الامتحان نسيت اقولكم open book
جان اشوف الي يمي و ابتسمت ,, توها مخلصة كلمتها ,, ابتسمت و رديت
الي يمي اعلى درجة خذاها 8 من عشرين بالمدتيرم !!
جان تقولي انت ييب ورقتك !! انت !! غريبة خو تعرف اسمي !! و اييب ورقتي ليش !!
جان اقولها why ? What have I done?
جان تقولي انت غششته ,, جان اقولها WHAT !!!!
جان تقولي اهو سألك و انت رديت عليه ,, قلتلها بس لفيت ويهي و رديت
جان تقولي مالي شغل ,, ماكو امتحان انت صفر !!
جان اتنرفز و قمت و انا حالتي حالة الحين طول الكورس شاد حيلي بالاخير جذي تسوي فيني ,, جان اعطيها الورقة و طلعت و انا متنرفز و طلعت الصبي معاي !!
جان ارجعلها بعد فترة قلتلها دكتورة ممكن شوي
جان اقولها ,, لحظة شوي انا جم جان ورى بعض كاتب :p
جان اقولها دكتورة حرام يعني شغل الكورس كله يروح هدر و انا مو مسوي شي ,, جان تقولي اهو سألك و انت رديت عليه , بس مو مشكلة روح ناده و تعالوا حلوا و راح انقصك
قلتلها شكثر يعني ,, جان تقولي مالك شغل انا راح انقصك !!
دورت الصبي ما لقيته ,, المهم اني امتحنت و لما عطيتها الورقة شافتني بنظرة الي حسيت نفسي مرتكب الخطيئة الكبرى !!
بالاخير عطتني C+ ,, أخيس قريد ممكن الواحد يحصله بمسيرته الدراسية
المشكلة انه ورقة الغلاف ما كانت ضمن الامتحان ,, ولا اهو سألني عن شي ,, و الكتاب كان مصكر ,, و ما مداني اغششه ,, و الامتحان كتابة مقالة !! الله يسامحها
و بجذي اكون يا حلوين و يا حلوات ختمت وياكم السنة الدراسية الاولى
على ان نلتقي قريباً و بداية السنة الدراسية الثانية و اول انتخابات جامعية لي و انا عضو عامل في الوسط :D
أول يوم دوام بالكورس الثاني للحين اذكره
كان مطر شدييييييد و زلق و حالة
و كنت سايق السيارة قبلها يمكن مرتين ثلاث بالكثير و مو مباعد و الجو ناااشف
المهم مالكم بالطويلة
قالولي روح من طريج صبحان فاضي و مافيه احد و يقطك سيدة عالكلية ,, اهم شي اني من الخوف كنت ماشي بخط صبحان 60 :p
أول محاضرة شنو كانت ؟! علم الحاسوب ,, عند منو ,, د. محمد الملا الي يطلع بالتلفزيون ,, المحاضرة الساعه جم يا حلوين ؟ 8 الصبح !!!
المهم اول يوم لبست دشداشتي و طلعت من صباحية ربنا و رحت الكلية وصلت هناك 7:30 ,, و اقعدلكم بالحديقة استمتع بزقزقة العصافير و تكتكة المطر و مشاهدة أسراب الجميلات الي يايين بكامل كشختهم ببداية الكورس :p
شفت الجدول ولا المادة وين ,, بمختبر اعيان بالشريعة @@
و اعبر المسافة كلها من الآداب لي الشريعة بهالبرد و المطر ,, وصلت هناك ولا الدكتور معتذر :/
قلت يلا مو مشكلة خل اروح الآداب اقعد عند الشباب انطر محاضرتي الساعه 11 بالشويخ عندي حقوق انسان
المهم بعدين رحت شويخ ولا اكتشف شي
عندهم برغر كنغ هناك :D
و جان اقول حق المرات الياية ايي اتريق هني شلي بكافتيريا الآداب :p
المادة حلوة كانت و دكتورة ندى الدعيج يزاها الله خير طيرتنا بالبونصات و الامتحانات السهلة و الكيرف الألسطة الي سوته بنهاية الكورس ,, مادة قشطة :p
المهم وراها رديت الآداب حق محاضرة الانجليزي ,, الانجليزي عند دكتورة ماكو احلى منه ,, سهالات ,, و درجات بالهبل بس وين الي يدرسون :p
و كان عندي مادة بعد الي اهي تاريخ الحضارة العربية الاسلامية عند دكتور حسين المسري ,, الحمدلله انها كانت آخر مادة تاريخ ولا جان بجيت :p
المهم خل اقولكم ,, هالكورس صارت فيه وايد احداث ,,
بنص الكورس بالتحديد و بيوم من الايام و انا راد من الحقوق ولا القى بالباص واحد من اصدقائي ,, جان قعدنا نسولف و نضحك و من هالحجي ,, جان يقولي ها بتروح الآداب ؟ جان اقوله أي يعني وين بروح :D
جان يقوليي ايي زين عيل اشوفك هناك ,, مادري شلون انطق فلان !!
جان اقوله لحظة لحظة ,, فلان ( فلان هذا يعني واحد مابي اقول اسمه بس كان منسق الكلية :p ) انطق ,, من طقه !! ليش !!
هذي كانت اول حادثة عنف طلابي بحياتي !
المنسق اتضرب يا قدعان !!
و نروح الآداب و العداد مليون ,, و حالتنا حالة و معصبين و متنرفزين !! كون انت ياللي انا قريت النشرة عنك بالحلقة الاولى انت الي طاق المنسق
يااااااا باااااااطِل ,, وييييييينه بس ويييييينه :p
و اسبوع كامل توزيع نشرات و بيانات و استنكارات و تنديدات و حالتنا حالة
اذكر موقفين صارولنا بالاسبوع هذا
الموقف الأول امين السر ,, انت يا المخضرم :p
الحبيب بنشرة من النشرات كان كاتب الآية غلط و طابع منها 1000 نسخة :D
جان اييوله البنات يقولوله محمد ترى النشرة فيها غلط بالقرآن ,, جان يقولهم أي عادي عادي محد يشوف :p
بس اشوه بعدين رضخ و غيرها :p
الموقف الثاني ,, أذكر كان في ويانا وحده حلوة ,, كربوجة ,, و انا بسلامتي بذاك الوقت كنت مثل اللبنانيين الي تشوفونهم بالسالمية القديمة ,, يثل و املط و الراس يبرق من كثر الجل
المهم و انا واقف بالشمس قاعد اوزع جان تقرب مني تقولي " هاااي ,, شلونك ؟! " ,, جان اقولها هااي ,, انا زين الحمدلله ,, جان تقولي " واااي اوف اوف الجو حااار " ,, جان اسمع صوت المخضرم من داخل يقولي " طالبات القائمة مثل خواتك ,, عاملهم مثل خواتك :@ " ,, جان اشوفها و اقولها ,, ايي حر بس لازم نوزع !
She turned around and never looked back ;Pp
بهالكورس تعرفت على نمونة يديدة من الناس
الناس المليقين !
واحد منهم كان وياي بكلاس الانجليزي ,, خل اقولكم سالفته بعدين اقولكم سالفة الكلاس الي بغيت اسقط فيه :p
الحبيب كان توه محول الآداب و ما يعرف احد
و معرفته بالانجليزي تقارب معرفتي باليوناني
و الدكتورة مسكينة يا حبة عيني ملقيته ويه عبالها آدمي :p
مثل ما قلتلكم الدكتورة تحب تعطينا day off's
فمرة من المرات قالتلنا شباب ادري مالكم خلق تداومون خلاص يوم الاربعا لا تييون الكلاس اوكي ,, بيني و بينكم
قوم الحبيب يوم الاربعا بحزة الكلاس روح اسأل عنها بالقسم !!
و مسكينة تيينا يوم الاحد تسأل منو الي راح سأل عني بالكلاس ؟! احنا كلنا قعدنا نطالع بعض @@ منو الي سواها !
شوي ولا يطلع سبع البرمبة جان يقول انا !!
جان تقوله : حضرتك تدري شسويت ,, خليتهم يحققون معاي ,, و خليتهم يخصمون من معاشي ,, و اساساً اهم من دون شي يبوني ,, do you have any idea what you've caused me !!!!
و تبجي ,, يا جماعة اول مرة اشوف وحده تبجي جدامي :"(
جان الحبيب يطلع من الكلاس ,, لو انا مكانه ما اطبه خير شر
بس مسكينة الدكتورة وايد طيبة قالت حق واحد روح دوره و ييبه خلاص الي صار صار ,, اهئ اهئ
كان ويانا واحد بهالكلاس لعوبي ,, و راعي دقات
مرة تأخر عن الكلاس جان تقوله الدكتورة وينك متاخر صارله بادي الكلاس حروة نص ساعه !!
جان يقولها دكتورة والله صار موقف ,, خل اقولج اياه
كنت رايح ماك الجابرية اتغدى ,, ما اشوف الا زحمة هناك ,, ولا وحده صينية قاعده تمشي مفصخة بالشارع و الشارع كله واقف ,, عشان جذي تأخرت
بعد يومين يتلنا الدكتورة جان تسأل وين فلان ؟ قلنالها ما ندري ,, جان تقول ماشالله عليه قايلي خبر صايرله اسبوع :p
هالكلاس انت جداً مزبل فيه ,, عالآخر ,, ليما بيوم من الايام قبل واحد من الامتحانات قالتلي الدكتورة تعال القسم !
لما رحتلها جان تقولي انت بتتخصص انجليزي ؟! قلتلها أي :$
جان تقولي اذا مفكر تتخصص انا انصحك تغير هالفكرة من بالك لانه ما راح تمشي ,, مجموع درجاتك للحين D !!!
صدمتني صدمة حياتي ,, قلتلها انزين في مجال اعدل ,, قالتلي في بس صعبة عليك ! مستواك ما يساعد
جان اقولها I'll bring my best ,, جان تقولي شنو ؟! انا قلتلها ولا شي انا راح اشد حيلي :p
بعد يومين كان الامتحان
ليلة الامتحان كانت مباراة اي سي ميلان و برشلونة بالتشامبينز سنة 06 ,, الي خسروها ميلان 1-0 بالسان سيرو بريول جولي
المهم انا درست على انغام عصام الشوالي :p
لما امتحنت اليوم الي وراه قعدت على اعصابي لما طلعت الدرجة
يوم توزيع الدرجات قالت الكل و ما قالتني ,, انا قلت ولييييييه الله يستر الله يستر
شوي جان تقول " Ali ,, 19.5 " انا عيوني طلعت و قلتلها WOW !
جان تقولي yeah ,, that's a BIG WOW !!
و خلصت هالكورس و طلعت منه ب –B ;D
خل اقولكم سالفة صارتلنا بمادة تاريخ حضارة
احنا كلاسنا كان كلاس طلبة ,, فجأة بقدرة قادر سووه كلاس طالبات و شقحونا بره !!
جان نروح حق العميد الله يذكره بالخير دكتور مادري شسمه
جان نقوله دكتور ترى مو حجي هذا ما يصيييير جان يقولنا روحو حق دكتوركم مالي شغل
لما رحنا حق الدكتور جان يقولنا تعالوا بعد الكلاس
جان اقوله دكتور ممكن دقيقة ,, ما نطرته يرد علي جان انزله و حطيت ايدي عالمايك ,, قلتله دكتور ما يصير جذي نطلع بره جنا مشردين خلنا عندك هالكلاس و تالي شوفلنا صرفة ,, جان يقولي اييي حاضر حاضر يلا دشوا يا شباب :D
هالمادة كنت تعيس فيها و كرهت التاريخ الاسلامي من وراها
بالفاينل يابلنا سؤال مو بس صعب الا ما يخطر على بال الجن الازرق
تعالوا كتبوا طريقة توزيع الامام علي للابل شي جذي
و انا متنح ,, غش ماني قادر اغش ,, محد يعرف الجواب !!
ولا القى ذاك الالماني الي قاعد جدامي و عنده ورقة فيها الجواب !! جان اقوله يا الحبيب ,, شنو الحل !!
جان يسحب علي
يا الغالي !! الحل ,, يا كلب ييب الورقة :@ ما فاد
خذيت فيها C- , نعمة كريم
هالكورس عموماً كان زبالة لوما مادة حقوق الانسان و الشوتة الي شاتنياها د. محمد الملا لما رفعني من C+ لي B+ ,, كان جداً كريم :D
الحين بسجل اول كورس صيفي بحياتي
شنو اسجل شنو اسجل ,, جان اقول خل آخذ مادة علوم سياسية على ابو يعني سياسي و حالتي حالة و وقتها نبيها خمس ,, الادرينالين بالقمة :p
و سجلت مادة " مقدمة في الأدب العالمي مترجماً " ,, مادة د. ابتهال الخطيب :D
اول يوم دوام رحت ولا معاي اربعة من وسط الآداب بالمادة ,, انا قلت جنها بتقزر :p
بس بعدين سحبت المادة كانت 8 الصبح مالي خلق اقوم و مابي اصير سياسي :p
مادة دكتورة ابتهال كانت قمة المتعة ,, وناسة عالآخر
و حسيت اني شاااااطر ,, صاروووووخ ,, وخروا عني هذا تخصصي :p
و بالكلاس كل ما تقول الدكتورة شي أأيدها و أثني عليها بعد
يا جماعة كورس مو طبيعي !! شي رائع لما تحس انك صجمة :D
و كنت اقعد يم الدكتورة و الكلاس مشترك و يعني بديت شوي شوي اتعود عالوضع :p
و الدرجات ,, خل اسولفلكم عن الدرجات
كنت اكتب الي يمليه علي خاطري و ضميري و اطلع اقل شي 9 من عشرة :D و بالمدتيرم خذيت 19.5 من عشرين ,, محد خذاها الا انا و بنت ثانية بالكلاس بس !!
و قلت انا ماكو هذا كورس A
ليما يا الفاينل
يوم الفاينل مادري شكان فيها الدكتورة داشة معصبة
جان تقولنا الي اشوفه يتلفت بالامتحان راح اسحب ورقته
اساساً كان في نقص اوراق ,, و ما كان عندي الامتحان ,, و الامتحان نسيت اقولكم open book
جان اشوف الي يمي و ابتسمت ,, توها مخلصة كلمتها ,, ابتسمت و رديت
الي يمي اعلى درجة خذاها 8 من عشرين بالمدتيرم !!
جان تقولي انت ييب ورقتك !! انت !! غريبة خو تعرف اسمي !! و اييب ورقتي ليش !!
جان اقولها why ? What have I done?
جان تقولي انت غششته ,, جان اقولها WHAT !!!!
جان تقولي اهو سألك و انت رديت عليه ,, قلتلها بس لفيت ويهي و رديت
جان تقولي مالي شغل ,, ماكو امتحان انت صفر !!
جان اتنرفز و قمت و انا حالتي حالة الحين طول الكورس شاد حيلي بالاخير جذي تسوي فيني ,, جان اعطيها الورقة و طلعت و انا متنرفز و طلعت الصبي معاي !!
جان ارجعلها بعد فترة قلتلها دكتورة ممكن شوي
جان اقولها ,, لحظة شوي انا جم جان ورى بعض كاتب :p
جان اقولها دكتورة حرام يعني شغل الكورس كله يروح هدر و انا مو مسوي شي ,, جان تقولي اهو سألك و انت رديت عليه , بس مو مشكلة روح ناده و تعالوا حلوا و راح انقصك
قلتلها شكثر يعني ,, جان تقولي مالك شغل انا راح انقصك !!
دورت الصبي ما لقيته ,, المهم اني امتحنت و لما عطيتها الورقة شافتني بنظرة الي حسيت نفسي مرتكب الخطيئة الكبرى !!
بالاخير عطتني C+ ,, أخيس قريد ممكن الواحد يحصله بمسيرته الدراسية
المشكلة انه ورقة الغلاف ما كانت ضمن الامتحان ,, ولا اهو سألني عن شي ,, و الكتاب كان مصكر ,, و ما مداني اغششه ,, و الامتحان كتابة مقالة !! الله يسامحها
و بجذي اكون يا حلوين و يا حلوات ختمت وياكم السنة الدراسية الاولى
على ان نلتقي قريباً و بداية السنة الدراسية الثانية و اول انتخابات جامعية لي و انا عضو عامل في الوسط :D
ادري الخط مادري شلون قايل بس صارله على هالحالة مدة و قلت ما يصير اتاخر اكثر من جذي
انتوا عاد نسخوها بالوورد و اقروها
