وصلني المسج

إفتتاح مقرات مرشحي المنبر س8

عبدالله النيباري , الأحد 3-5-2009م

صالح الملا , الأثنين 4-5-2009م

محمد العبدالجادر , السبت 9-5-2009م

نرجوا التواجد باكراً

*****

مو ما تيوووووووووون ,, أزعل بعدين ;Pp

Don The Chef ;D

ذاك اليوم

و انا قاعد بكلاس التيرمينولوجي

و انا منصدم من القريد الي ماخذه :(

5-10 حق الي يسالون ;Pp

و الدكتور يشرح و يشرح و يشرح

جان اسررررررررح

قعدت اتخيل نفسي متخرج

و عاطل عن العمل

ليش ؟

لأنه فوق انه شهادتي مو مرغوبة معدل ماميش ;Pp

و جان اتخيل نفسي بيوم من الأيام

قاعد من النوم

ولا ماكو أحد بالبيت !!

و أمي هادتلي رسالة

" علي ,,

إحنا هدينا البيت ,,

شوفلك احد يهتم فيك "

لألألألألألألألألألألألألألألألألألألألألأ :@

جان قلتولي من قبل خو ;D

الحين شبسوي

اهم شي انها حاطتلي ملاحظه

" راح ندفع فواتير الكهربا و الماي " ;Pp

المهم

الحين عندي مشكلة

منو بيغذيني :(

جان اقول ماكو إلا أطبخ بروحي

و اروح ابحبش بكتب الماما

ولا ماخذتهم :@

شمسوي انا

كل هذا عشان عاطل عن العمل :(

بس الحين لازم اطبخ

جان اروح المطبخ

و اطلع الطناجر و الحِلل و الجدور < مو جنه كلهم نفس الشي ؟؟

و قعدت الحين محتار شنو اطبخ

قلت مالها إلا بو شويري

حق الي ما يعرف بو شويري اقصد الشيف رمزي ;D

المهم

و انا اشوفه قاعد يطبخ

جان اقول ماكو الا أدق عليه

" ألوو مين معي "

هلااااا بوشوييييري

" أهلين أهلين "

بو شويري

" أهلين "

خلاص لي متى بتأهل ,, امي هدتني يا بوشويري

" كييف ؟ :D "

ايييييي والله ,, قعدت من النوم ولا اهي هادتني و تقولي دبر عمرك

" طيب و شو المطلوب مني ؟؟ ما تكون مفكرني شو اسما ,, فوزية الدريع ؟ ;D "

حلايا الويه الحين انا داق عليك ابيك تساعدني تقوم تتشمت فيني :@

" لا لا العفو مش عم بشمت فيك ,, طيب يلا إللي شو فيي اعمِلَك "

اييييي ابوي خلِك جذي ,, تُئبُرني < صج كويتي ;Pp

شوف رموز ,, انا الحين قاعد اشوفك تطبخ قرم سبزي بس يخووي اخاف تنزع الطبخه

" شو إنتِه بتعرف تعمُل قرم سبزي "

ايييييي يخووووي انا كنت اشوف امي تسويه ,, بس مو هذا موضوعنا ,, زيد الحلبة يخوووي و كثر الفاصوليا و اللوبا ;D

" ايييييه حلو كتير ,, فيي كلمَك تحت الهوا ؟؟ "

إييييييي فييييك بس راح تقولي شلون اسوي ماكارون ;Pp

" اييييييه هي كتير سهلة بعلمك تحت الهوا "

و تحت الهوا جان يقولي إنته بالزاهر عندك نفس كتير طيب بالأكل

تجي تشتغل معي ؟ ;D

والله و جان ما اصدق خبر

بعت الاوريون و الباسات و الاكسبدشن مالي و طقيت تذكرتي و رحت بيروت ;Pp

و لما رحت بيروت

ولا الحبيب يشغلني وياه بالبرنامج

صار اسم البرنامج الشيف رمزي و معاونه ;Pp

و بعد فترة جان ايي مال برنامج

Hell's Kitchen

و جان يشوفني و يشوف طباخي

و يعجب بالطبق الموصجي الي كنت مسويه

^^ لحد يسال شنو الطبق كنت سرحان ^^

جان يقولي ابيك تشتغل معاي

*

*

*

*

*

*

*

*

*

*

*

*

*

*

*

That's all for today , thank you gentlemen , and have a nice weekend

و جان آخذ كتبي و اطلع من الكلاس

و انتهى حلف الشيفنه ;Pp

Don The Spy ;D

صااارلي مدة مو كاتبلكم بوست فرفوشي ;Pp

شوفوا بالبداية خل اوضحلكم شغلة بخصوص البوست الي قبل هذا مال بوطاحوس

انا ما احب اكتب بالسياسة موووولية

و خصوصاً بمثل هالوقت لانه ماشالله ماكو احد ما يكتب فيها ;Pp

و خاصة و ان هناك من هو أفضل مني في هذا المجال بمراحل ,, فلذلك ماله داعي اخوض المضمار

لكني كتبت البوست الاخير من حر ما في قلبي :@

المهم

انا مو مسولفلكم من زمااااااان عن الكلية صح ولا مو صح ;D

خل اسولفلكم عيل

*****

الله يسلمكم يا جماعة انا مصفطي بالكلية معروف

كل يوم اروح اصفط فيه جني شاريه من عبدالعزيز المرزوق ;Pp

هالمصفط اشوف فيه العجب العجاب يا

أخـــــــــوااااااات ;D

في واحد

كل يوم ايي يصفط جدامي

سيارته صفرة صغيرونة

هذا بالكورس الأول مشورته مشورة العالمين بالانتخابات على ابو مو لاقي اسمه ,, لما صكرنا الصندوق جان القى اسمه ;Pp

المهم

هذا الله وكيلكم الي يشوفه شلون ايي الكلية يقول هومليس !

شي مو طبيعي يعني

ايي بالسيارة الصفرة مالته الي جنها سيارة مستر بن

و رافع ريله عالطبلون

و زراير الدشداشة مبطلها لدرجة انه يمكن سير المكسر يبين ;Pp

و القحفية فقيرة كاسرة خاطري و الغترة حاطها عالكشن الي يمه

و يضحك ضحكة خايسة من غير سبب ;D

و احلى شي لما ينزل و ينسف الغترة

نسفة الغترة هذي فلم عوووووووود ,, يحسسني انه عمره ستين ألف على النسفة الي ينسفها ;Pp

نخلص من هذا ;Pp

*****

نروح حق الكلاس الاولي

يا جماعة معانا واحد مو صجييييي

بالمررررة

هذا قبل كان نظامه شعره مسامير و بديات صك و حالته حالة

هالسنة

قصدي هالكورس

سبحااااااااااان الله

يغير الله من حالِ إلى حال @@

يالنا اول يوم مغتر ,, اهو كان لابس شماغ بس مادري شيقولون حق الي لابس شماغ ;Pp

بس لاحظت فيه شي غريب

بخلاف انه يحط العقال صوب خشمه ;Pp

كله فاااج حلجه

24 ساعه كله مبطل حلجه !

منرفزنيييييييييييييي

ودي على يوم اقوله يصكر حلجه ,, خلص الاكسجين بالكلاس

بالضبط بالضبط نفس البنات لما بيتكحلون

نفس فتحة الحلج ;Pp

*****

نروح حق الكلاس الثاني

هالكلاس مشترك

بنوتات وايد و شباب شويه ;D

انا بالعادة هالكلاس ادشه و اقعد ورى بمكان معروف

بس كل مرة ادشه مو عشان شي

بس لأنه الجو بره ما ينبغى

+ الأفلام الي تصير داخل ;Pp

انا بقولكم فلم واحد منهم بس راح يلوع جبودكم ;D

في وحده بالكلاس

سطااااااااااااااااايلها مومييييييييييييييييييييييت ;D

رمووووووش ,, صبغ اظافر فسفوري ,, جنطة تقولون جنطة سفر ,, شي مو طبيعي

انا هذي مادري ليش كل ما اشوفها اتنح لا إرادياً

مو من جمالها الخارق صدقوني ,, بس اهي تشد ;Pp

مرة هذي كانت قاعده بالكلاس

جان مرة وحده تنتفض

انا قلت خلاااص صاااارت !!

جان تطلع جنطتها

انا قلت الحين يمكن بتطلع كتاب ولا شي على غير عادة

بس للأسف ,, خيبتي فيج ظنون :(

طلعت شنووو ؟؟

قوطي كريم نيفيا طول ذراعي ;Pp

انا قلت يمكن بتحط شوية تدهن ايدها و ترده

لاااااااااااااااااا

الخانم مو معبرة أحد

دهنت كل ايدها ;Pp

تحمدت الله انه كان قوطي كريم نيفيا مو ديودرنت ;Pp

طبعاً ما راح اسولفلكم عن الي بالحديقة ,, هذولي بروحهم يبيلهم بحث مفصل ;D

yala ,, seeeeeee you ;D

روبن هود الخامسة !

هذا رجل

آمن بحقوق شعبه

و بحقوق العمال من شعبه

و سعى بكل الطرق الممكنة لقيادة بني وطنه نحو مستقبل أفضل و بولندا أفضل

هذا الرجل هو أفضل و أقوى رئيس حزب عمال على مر التاريخ

هذا الرجل يدعى

" ليخ فاليسا "

هذا الواقف أمام مايكروفونات القنوات المختلفة

ظن البعض لوهلة بأنه محرر العمال و روبن هود الكويت

و لكن بعد خوضه للإنتخابات الفرعية

غيابياً !!

فإنني أعتقد بأن القناع قد سقط

و هذا الشخص

يجب أن يسقط ,, رغماً عن أنف الفرعية :)

ساعة الحقيقة !!

اليوم ,,

الموعد المحتوم

الموعد الذي طال انتظاره طويلاً

كم سهرت

و تحملت أنواع العذاب بالليالي الطوال

لكنني لم أنجح

نعم

لقد فشلت

فشلت في التغلب على حاجز الخوف لدي

و لهذا سقطت

***

كنت واقفاً هناك

منتظراً

مستمتعاً بالطقس الجميل

و نسمات الهواء تداعب وجنتاي

لكن

فجأة !!

توقف العالم !!

ما الذي أسمعه !!

لا !

إنها الأجراس*

إنها أجراس الموت

قد حانت ساعة الموت

ها هو ,, إني أراه

هاهو يقترب

إنه يأمرني

فأنصاع لأمره

ثم أخرج الورقة*

و حينها

حانت ساعة موتي

:)

****

حق كل الي مصدقين انه هذي خاطرة

ترى هذي لا خاطرة ولا شي بس وصف حق الميدتيرم الي امتحنته اليوم و انا مو دارسله ;Pp

و بالنسبة حق الاجراس فاهي صوت علاقة مفاتيح الدكتور و الورقة هذي ورقة الإمتحان

بس امانة ما عيشتكم جو ؟

;Pp

Red Hair Boy

اليوم كنت قاعد أشوف حكايات عالمية

تصدقون اكتشفت انه في وصف افضل حق الولد الي ما يحصل الي يبيه

الي اهو

" الولد ذو الشعر الأحمر "

حكاية من التراث الإيرلندي

لا لا لا هذي مو مالتي ;Pp

المهم خل اقولكم شالموضوع

اهو للحين ما صار الموضوع عشان لا اجذب عليكم و عشان لا تقولون شفيه مستعيل ;D

الموضوع الي يسلمكم

انتوا قريتوا قصة حسين و طيبة ؟؟

عرفتوها ؟؟

الي كتبتها روابي البناي بالقبس

الي ما قراها هذا لنكها

http://www.alqabas.com.kw/Article.aspx?id=485605&date=30032009

قريتوها ؟

عرفتوا الغمنده ؟

ايييييييييييييييي زواج الشناكل من السنافر ;D

انتوا شايفين فيها مشكلة ؟؟

انا واحد عن نفسي ماني شايف فيها مشكلة :)

بدون لا اجذب عليكن << عشان صبا هذي ;D

المهم خل اقولكم

عشان اعطيكم key fact

اخوي متزوج من سنية ,, و عايشين حياة سعيدة و لله الحمد

بس مو هذا الماضوووووع

الموضوع اني قلت حق امي خل تقرى القصة

اول ما قرت سطرين منها جان تشتغل بالتريكو مالها !!

قلتلها يمااااا اقريها

جان تقولي النظارة مو يمي

يبتلها النظارة

يما اقريها

وييييييييه بدى المسلسل

طبعاً لما يبدى المسلسل معناها خلااااااااص

امي توصل لي مرحلة النيرفانا ;D

المهم

جان بالاخير تلتفت صوبي و تقولي

" شوف يا عليوي ,, لا تسويلي فيها رضيت حق اخوك ما رضيت حق اخوك ,, كفاية الي ياني من قبل و رجاءً مابي مشاكل و عوار راس "

انا هني انصدمت @@

يمااااا

لا تقولي يمااا ما يمااا ,, سمعتني

انا هني جنها جرحتني في القلبي يا اخوااان @@

اهو انا اعتقد المشكلة مو بأمي

المشكلة انه الناس دايماً تركز على هالمواضيع بانها مواضيع سلبية

ما انكر اني سمعت اقاويل لما اخوي كان بيتزوج من طقة

" يعني بالله بناتنا شفيهم عشان يتزوج سنية ؟؟ "

اييي والله يا اخواااان هذي منظرة سمعتها بالعيوني !!

و جذي صكرتها امي بويهي

باجر عقب باجر فرضاً يعني فرضاً صار هالشي

امي عشان عوار الراس بتقولي

برو آمو برو

هل ترضون بهذا يا اخوان و نحن على اعتاب القرن الثاني و العشرين و نواجه كل هذه الازمات على جميع الاصعدة و بيصير عندنا مفاعل نووي انه امي تقولي هالشي تفادياً لعوار الراس

هل يعقل يا اخوان @@

رجاءً لحد يقولي انته مثالي و انه يمكن السنة ما يرضون

انا اتكلم عن الجميع هني سنة و شيعة

ما احدد احد و اخصه بالذكر لا لا لا

بس انا ذكرت مثال من حياتي الشخصية

ليش الناس للحين بهالعقلية انه لا والله ما نبي مشاكل

ولا هذا مو من مواخذينا

المواخيذ هذي بروحها بحث مفصل شفته ببلوق عثماني و ضاق خلقي ;D

بس يلا قولولي

شرايكم ؟؟

Bloggerista

انشالله كفيت و وفيت ؟؟ ;D

البطة السوده !

منوا فيكم حس من قبل انه صاير البطة السوده بعايلته ؟؟

:)